Deamɔ 8:14 - Takarata pɛ Sɔ Mbombe Mbon

¹⁴ Ka hio *wan-nɛtom ka dungɔ ha Jérusalem zea nde, hio wi mɔ Samari mɛkara wen pɛ Sɔ, mbwa tomsa Pierre nɛ Jean ha pɛ mbwa.

Deamɔ 8:14 ပူးပေါင်းရင်းမြစ်များ

Matthieu 13:23

Ma, pɛ hio ma wi, yo gbesi tuka kpalmɔ ka teka ha dede nu. Yo nê wi ndɔng ka zea nɛ ingɔ goto wen pɛ Sɔ. Nɛ mbwa waya, ma gɔmmay ndang, ma waya bhukɔa mɔrkɔ zu bhukɔa ndang, nɛ ma waya bhukɔa tar.»

Dede Wen hazu Jésus-Christ ka Luc ngɛraka 22:8

Mɛgi, Jésus tomsa Pierre nɛ Jean nde, mbwa anɛ nɛ gi yɔngamɔ Pake.

Jean 12:48

Wi ka kafi mi nɛ ka mɛkiri wen pɔm na, kpaa may hinɛ wan-gɔn kita pɛa kari. Yo nê wen ndɔng ka mi tɔa ka begɔn kita ba wɛnɛ ha kpogio ngimɔ.

Deamɔ 11:1

Hio *wan-nɛtom nɛ hio wi pɛ Christ mɔ Judée zea nde, hio ma wi, ka bo nê *zuife na, mɛkara fin wen pɛ Sɔ.

Deamɔ 15:4

Ka mbwa hɔa ha Jérusalem, *giliwi mɔ eglize, nɛ hio wan-nɛtom nɛ hio kotowi baa mbwa nɛ dede kɔ. Mbwa baa kasi mɔ fɛt, ka Sɔ dea nɛ wal mbwa.

Deamɔ 17:11

Sila hio zuife mɔ le Bere nɛ dedea pen pɛ hio zuife mɔ le Tesalonike. Mbwa baa wen pɛ Sɔ nɛ *dede sila fɛt. Mbwa dungɔ ha tɔla takarata pɛ Sɔ swe fɛt hazu zɔk nde, mana wen pɛ Paul nê tɛwen.

Deamɔ 2:41

Dɔka ɛ ndɔng, ka mɛkara wen pɛ Pierre, ɛ gdumso mbwa ha li. Ha swe ɛngi, hio mbombe wi lɛm nɛ tomay tar lea soko hio wi mɔ eglize.

Deamɔ 8:1

Saul mɛkara nɛdedea gbɛa Etienne. Angiri ha swe gbɛa Etienne, ɛ namala hio wi mɔ eglize nɛkpasa ha Jérusalem. Mbwa fɛt yambala yumɔ nɛ ha kandɔnu Judée nɛ *Samari. Yo nê hio *wan-nɛtom sɔna ka bhɔna ha Jérusalem.

Galasi 2:9

Jacques, Pierre nɛ Jean, ka hio wi pɛ Christ mɛkara tuka hio wi mɔ zu eglize, mbwa zɔka nde, Sɔ haa tom ɛngɛ ha mi. Yo nê ɛngi, ka mbwa fana mi hinɛ Barnabas nɛ kɔ hazu osi nde, ɔ hinɛ mbwa, ɔ tɛ bo nê sɔy-tom ha bulo Dede Wen. Mbwa bebhɔn ha dea tom ha soko kandɔ zuife, nɛ ɔ benɛ nɛ de tom ha soko hio olo kandɔ.

1 Tesalonike 2:13

Ɔ bhɔna ha tɔa oeba ha Sɔ kpoo, hazu ha ngimɔ ka ɛnɛ zea wen ka ɔ bulo, ɛnɛ baa yo bo tuka wen pɛ wi na, ma, tuka wen pɛ Sɔ. Ey, wen ka ɔ bul, yo nê tɛwen. Nɛ wen pɛ Sɔ ha dea tom ha sila ɛnɛ, hio wan-mɛkiri Christ.

1 Tesalonike 3:2

nɛ mɛ tomsi ya ɔ, Timothée, nɛ ha pɛ ɛnɛ. Wɛnɛ ha dea tom ha Sɔ hinɛ ɔ ha bulo *Dede Wen pɛ Christ. Ɔ tomsa wɛnɛ nde, wɛnɛ aha ngatɛ ha ɛnɛ nɛ mbo ɛnɛ ha wal mɛkara Christ.

2 Tesalonike 2:10

A bede tili gdanga likisi nɛtɛ-nɛtɛ hazu sɛbhili nɛ hio wi ka bebhondi. Mbwa bebhondi hazu mbwa kafa mɛ ngoy tɛwen ka lɛma se mɛ kpasisi mbwa.