Deamɔ 8:12 - Takarata pɛ Sɔ Mbombe Mbon

¹² Ma, sising mbwa mɛkara Dede Wen ka Philippe bulo hazu *Kongakandɔ pɛ Sɔ nɛ hazu ling Jésus-Christ. Mɛgi, wɛnɛ gdumso mbwa ha li, wei nɛ bhoko.

Deamɔ 8:12 ပူးပေါင်းရင်းမြစ်များ

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Dede Wen hazu Jésus-Christ ka Luc ngɛraka 9:2

Nɛ wɛnɛ tomsa mbwa hazu bul wen *Kongakandɔ pɛ Sɔ, nɛ hazu kpasisi hio wan-zɛlɛ.

Dede Wen hazu Jésus-Christ ka Luc ngɛraka 9:60

Ma, Jésus tɔa ha wɛnɛ: «Mɛ gde hio fiowi agun hio fiowi pɛ mbwa. Nɛ pɛ mɛ, mɛ nɛ nɛ bul wen *Kongakandɔ pɛ Sɔ.»

Deamɔ 1:3

Hapata fio pɛa, a dungɔ ha gbasa tɛ ha mbwa ha zang yala bhukɔa nar. A osa ha mbwa nɛ dɔka wal nɛtɛ-nɛtɛ nde, wɛnɛ nɛ zutunɔ. Nɛ wɛnɛ tɔa wen *Kongakandɔ pɛ Sɔ ha mbwa.

Deamɔ 11:20

Ma, hio ma wi pɛ Christ mɛ Shipre nɛ Sirene nɛa fin ha Antioshe. Nɛ mbwa bulo *Dede Wen pɛ *Kongawan Jésus fin ha hio wi, ka bo nê zuife na.

Deamɔ 18:8

Krispus, wan-zu twa gɔ Sɔ, nɛ hio wi mɛ twa pɛa fɛt mɛkara *Kongawan. Dɔka wi mɛ Korente, ka zea Paul ha bulo wen, mɛkara fin nɛ ɛ gdumso mbwa ha li nɛ ling Jésus.

Deamɔ 19:5

Ka mbwa zea wen ɛngɛ, Paul gdumso mbwa ha li nɛ ling *Kongawan Jésus.

Deamɔ 2:38

Nɛ Pierre kiforo wen ha mbwa: «Ɛnɛ kifiri sila ɛnɛ, nɛ ɛnɛ ndang ndang fɛt, ɛnɛ tɛ, ka ɔ agdumsi ɛnɛ ha li nɛ ling Jésus-Christ. Mɛgi, Sɔ bebisi *sɛmbɔ pɛ ɛnɛ, nɛ a beha ɛnɛ Nzɔy-Sɔtɛ.

Deamɔ 2:41

Dɔka ɛ ndɔng, ka mɛkara wen pɛ Pierre, ɛ gdumso mbwa ha li. Ha swe ɛngi, hio mbombe wi lɛm nɛ tomay tar lea soko hio wi mɔ eglize.

Deamɔ 20:21

Mi saa hio zuife nɛ hio wi mɔ olo kandɔ fɛt nde, mbwa akifiri sila ha Sɔ nɛ mɛkiri Jésus, Kongawan pɛ ɔ.

Deamɔ 20:25

«Mi yala ha soko ɛnɛ hazu bul wen *Kongakandɔ pɛ Sɔ. Ma, sising mi ingɔ nɛdedea nde, ma wi ndang ha soko ɛnɛ lɛm zɔk fin mi na.

Deamɔ 28:31

A dungɔ ha bulo wen Kongakandɔ pɛ Sɔ, nɛ ha osa mɔ nɛ da hazu *Kongawan Jésus-Christ. Nɛ ma wi ndang dol wɛnɛ na.

Deamɔ 5:14

Swe fɛt dɔka gili wei nɛ bhoko ka mɛkara *Kongawan dungɔ ha yɛbha. Nɛ mbwa lea soko *giliwi mɔ eglize.

Deamɔ 8:4

Hio wi pɛ Christ ka yuo Jérusalem, yala ha bhandi fɛt nɛ bulo *Dede Wen.

Rome 10:10

Kpasawen, wi ka mɛkiri Sɔ nɛ sila wa fɛt, Sɔ begde wɛnɛ nzeng ha li wa. Nɛ wi ka gbasi mɛkaramɔ pɛa nɛ nu wa long, Sɔ bekpasisi wɛnɛ.

1 Korente 11:11

Tangere, ha dea sɔy hinɛ *Kongawan, bhoko lɛm dung gbatɛ lak wei gde na, nɛ wei fin lɛm dung gbatɛ lak bhoko gde na.

Galasi 3:28

Mɛgi, gbaa soko kandɔ *zuife nɛ olo kandɔ bo fin na. Gbaa soko bala nɛ bele bo fin na. Gbaa soko wei nɛ bhoko bo fin na. Ha dea sɔy hinɛ Jésus-Christ, ɛnɛ fɛt tɛ bo nê wi ndang.

1 Pierre 3:21

Mbeng li ɛngɛ dung tuka li ka ɛ gdumso ɛnɛ ang nɛ ling Jésus-Christ. Ɛ tɛ gdumsi ɛnɛ ha li hazu kusi nzing ha tɛ ɛnɛ yunɛ na, ma, ɛ dea yo hazu ani Sɔ mɛ sasisi ingɔmɔ sila pɛ ɛnɛ. Ɛnɛ kpasa sising nɛ wal gdumso ɛnɛ ha li hazu Jésus-Christ guotɛ ha soko hio fiowi.