Deamɔ 8:10 - Takarata pɛ Sɔ Mbombe Mbon

¹⁰ Mɛgi, hio bebe wi nɛ hio gasa wi fɛt dola tɛ ha wɛnɛ, mbwa tɔa: «Wei ɛngɛ nê ngatɛ pɛ Sɔ, ngatɛ ka ɛ sa nde, gasa ngatɛ.»

Deamɔ 8:10 ပူးပေါင်းရင်းမြစ်များ

Deamɔ 14:11

Ka hio wi zɔka mɔ ka Paul dea, mbwa fɛt gdɔra nɛ nu le pɛ mbwa Likaoni, mbwa tɔa: «Hio sɔ yola tɛ wi, nɛ mbwa zilo tɛ ha le pɛ ɔ.»

Deamɔ 28:6

Hio wi ndɔng dungɔ ha kera nde, mana tɛ Paul beha, mana a betek ha nu nɛhasa fe. Mbwa kera mɔ ngimɔ nɛzikoa gan, nɛ mbwa zɔka nde, ma gdangamɔ tɛ hɔ ha tɛ wa na. Mɛgi, mbwa kpala takaramɔ, nɛ mbwa tɔa: «Wɛnɛ nê ma sɔ.»

1 Korente 1:24

Ma, ha li wi ndɔng ka Sɔ saa, ngase zuife, ngase olo kandɔ, Christ nê ngatɛ nɛ mbaramɔ pɛ Sɔ.

2 Korente 11:19

Ɛnɛ ha zɔka tɛ ɛnɛ tuka wan-ingmɔ, ma, ɛnɛ nɛ sanga mɛ ba sila ɛnɛ nɛ hio wan-bili.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

2 Pierre 2:2

Hio wi nɛdɔka bendari deamɔ tum pɛ mbwa. Nɛ hio wi befɛngsi kpasa wal mɛ ndari Sɔ pi nɛ mɔ ha mbwa.

Gbasamɔ 13:3

Ma zu wa ndang tuka yo bakɔmbiri nɛ dalɛ fio, ma, dalɛa wea kari. Mɛgi hio wi mɔ zu nu fɛt yaksa hazu ngɔnzu ɛngɛ, nɛ mbwa ndara wɛnɛ.