Deamɔ 6:5 - Takarata pɛ Sɔ Mbombe Mbon

⁵ Giliwi fɛt kɔa wen ɛngɛ. Nɛ mbwa weka Etienne, ka dona nɛ mɛkaramɔ nɛ Nzɔy-Sɔtɛ, tɛ ba nɛ Philippe, Prokor, Nikanor, Timon, Parmenas, nɛ Nicolas wi mɛ Antioshe ka tɛ bo ha dea tom Sɔ pɛ *zuife.

Deamɔ 6:5 ပူးပေါင်းရင်းမြစ်များ

Matthieu 23:15

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ yala ha nu nɛ ha nana-litɔng fɛt hazu ki wi ndang ka bendari ɛnɛ. Nɛ ka wɛnɛ tɛ bo tuka ɛnɛ kari, ɛnɛ dea nde, wɛnɛ atɛ gdanga wi, ka lɛm nɛ bhandi we zebwa pen ɛnɛ.

Deamɔ 11:19

Hapata gbɛa Etienne, ɛ angara namala hio wi pɛ Christ, nɛ mbwa yambala. Hio ma nɛa ha kandɔnu Fenisi, hio ma ha kisi Shipre, nɛ hio ma ha gasa le Antioshe. Ha bhandi fɛt ka mbwa hɔa ang, mbwa bulo wen pɛ Sɔ sɔna ha hio *zuife.

Deamɔ 11:20

Ma, hio ma wi pɛ Christ mɛ Shipre nɛ Sirene nɛa fin ha Antioshe. Nɛ mbwa bulo *Dede Wen pɛ *Kongawan Jésus fin ha hio wi, ka bo nê zuife na.

Deamɔ 11:22

*Giliwi mɔ eglize ha Jérusalem zea kasia. Mɛgi, mbwa tomsa Barnabas nɛ ha Antioshe.

Deamɔ 11:24

Barnabas dungɔ nê dede wi ka dona nɛ *Nzɔy-Sɔtɛ nɛ mɛkaramɔ. Nɛ hio dɔka wi mɛkara Kongawan.

Deamɔ 11:26

Ka wɛnɛ kpaa Saul kari, a kuo wɛnɛ tɛnɛ ha Antioshe fin. Nɛ mbwa dea kili bɛlɛ ndang ha soko giliwi mɔ eglize haki. Mbwa osamɔ hazu Jésus ha hio dɔka wi. Yo nê ha Antioshe ka ɛ angara saa hio *wan-yambimɔ pɛ Jésus nɛ bosia nde, wi pɛ Christ.

Deamɔ 11:27

Ha ngimɔ ɛngi, hio ma *wan-tɔkuliwen guotɛ ha Jérusalem hɔ ha Antioshe.

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Deamɔ 15:22

Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 2:4

Mbwa fɛt dona nɛ Nzɔy-Sɔtɛ, nɛ mbwa angara wolamɔ nɛ hio nu nɛtɛ-nɛtɛ, tuka ka Nzɔy-Sɔtɛ gdea ha nu mbwa.

Deamɔ 21:8

Ka mɔsaa, ɔ tongara nɛ ha gasa le Sezare. Ɔ lea nɛ ɔ nu ha zang twa pɛ Philippe, wan-bul *Dede Wen. Wɛnɛ nê ma ndang ha soko wi ndɔng mɔrkɔ zanga bwa, ka ɛ baweki ha Jérusalem.

Deamɔ 22:20

Nɛ ha ngimɔ gbɛa Etienne, wan-kɛwen pɛ mɛ, mi fin dungɔ ang. Mi mɛkara yo, nɛ mi pama la pɛ wi ndɔng, ka gbɛa wɛnɛ.›

Deamɔ 6:10

Ma, mbwa lɛm zati ha li wa nɛ wen na, hazu a wolmɔ nɛ mbaramɔ ka *Nzɔy-Sɔtɛ haa ha wɛnɛ.

Deamɔ 6:3

Hazu ɛngi, hio ya ɔ, ɛnɛ weki hio wi mɔrkɔ zanga bwa ha soko ɛnɛ, ka ɔ agde tom kapana yɔngamɔ ha kɔ mbwa. Lɛma nde, mbwa adung nɛ dede ling, nɛ mbaramɔ, nɛ sila ka don nɛ *Nzɔy-Sɔtɛ.

Deamɔ 6:8

Sɔ dea *dede sila ha tɛ Etienne pentɛ, nɛ a haa wɛnɛ ziomɔ nɛdɔka. Mɛgi, Etienne dungɔ ha dea *mɔkifi nɛ gasa *mɔweka ha soko hio wi.

Deamɔ 7:1

*Wan-zu hio wan-hasadaka ana Etienne: «Yo nê kpasawen ka hio wi ndɔng tɔ ha tɛ mɛ nde?»

Gbasamɔ 2:15

Gbesi tuka ɛngi, hio ma wi ha soko ɛnɛ ndara osamɔ pɛ zugili pɛ Nicolas.

Gbasamɔ 2:6

Ma, ɛnɛ ha dea dedemɔ fin. Yo nde, ɛnɛ ha sɛna tom pɛ zugili pɛ Nicolas gbesi tuka mi ha dea.