Deamɔ 5:12 - Takarata pɛ Sɔ Mbombe Mbon

¹² Hio wan-nɛtom dea hio *mɔweka nɛ hio mɔkifi nɛdɔka. Swe fɛt hio wi pɛ Christ dungɔ ha wesara may nɛ sila ndang ha *gasa twa Sɔ ha si ngundɛ-ngundɛ gala pɛ Salomon.

Deamɔ 5:12 ပူးပေါင်းရင်းမြစ်များ

Marc 16:20

Nɛ hio wan-yambimɔ pena nɛ bul *Dede Wen ha bhandi fɛt. Mɛgi, Kongawan dungɔ ha dea tom hinɛ mbwa. A dea hio *mɔweka nɛ wal mbwa hazu gbasi ha hio wi nde, Dede Wen ka hio wan-yambimɔ bul nê tɛwen.]

Jean 10:23

Jésus dungɔ ha yala ha si ngundu gasa twa Sɔ ɛngɛ, ka ɛ sa nde, ngundu twa pɛ Salomon.

Jean 4:48

Jésus kiforo wen ha wɛnɛ: «Pɛ ɛnɛ, ɛnɛ mɛkiri mi sɔna, ka ɛnɛ zɔka *mɔweka nɛ *mɔkifi.»

Deamɔ 1:14

Mbwa fɛt dungɔ ha wesara may nɛ gɔ Sɔ nɛting nɛ sila ndang. Marie, nana mɛ Jésus, nɛ hio ma bhoko dungɔ hinɛ mbwa, tɛ ba nɛ hio ya mɛ Jésus.

Deamɔ 14:3

Ngase ɛngi, Paul nɛ Barnabas dungɔ ha Ikoniom ngimɔ nɛzikoa. Mbwa gdea tazu mbwa ha tɛ *Kongawan, mɛgi mbwa wolamɔ nɛ da. Mbwa bulo wen *dede sila pɛ Sɔ, nɛ Sɔ haa mbwa ngatɛ mɛ de nɛ *mɔweka nɛ *mɔkifi hazu osi nde, wen pɛ mbwa nê tɛwen.

Deamɔ 16:18

A dea tuka ɛngɛ yala nɛdɔka, kanɛ sila Paul yimɔ nɛkpasa. A kiforo tɛ zɔk bhoko ɛngɛ, nɛ a tɔa ha dua: «Nɛ ling Jésus-Christ, mi ha nu ha mɛ mɛ gbo ha tɛ wa pen!» Nɛ ha ndangtɛ ngimɔ dua gboa pen.

Deamɔ 19:11

Nɛ wal Paul, Sɔ dea hio *mɔkifi, ka wi tɛ zɔk sɔngsi na.

Deamɔ 2:46

Swe fɛt mbwa wesara may ha zang *gasa twa Sɔ. Mbwa kapana mampa pɛ Christ ha soko may ha zang twa pɛ mbwa, nɛ mbwa yɔnga mɔ nɛ totɛ nɛ mɛndi.

Deamɔ 28:9

Hapata ɛngi, hio olo wan-zɛlɛ mɛ kisi ɛngɛ tɛa ha pɛa, nɛ a kpasasa mbwa.

Deamɔ 3:11

Kumɔ wi ɛngɛ dola tɛ ha Pierre nɛ Jean. Wi fɛt yaksa nɛ sɔawi tɛ ha pata mbwa ha si ngundu gasa twa Sɔ ka ɛ sa nde, ngundɛ-ngundɛ gala pɛ Salomon.

Deamɔ 4:30

Mɛ ha ngatɛ ha ɔ ka ɔ akpasisi hio wan-zɛlɛ, nɛ ka ɔ ade hio *mɔweka nɛ *mɔkifi nɛ ling Jésus, nzɔy wan-tom pɛ mɛ.»

Deamɔ 9:33

Haki a kpaa ma wan-zɛlɛ mɛla, ling wa nde Ene, ka dungɔ ha ɔanu ha zu yala lɛm bɛlɛ mɔrkɔ zanga tar.

Deamɔ 9:40

Mɛgi, Pierre haa nu nde, wi fɛt agbo. A ngbio zigolo ha nu nɛ gɔa Sɔ. Hapata, a kiforo tɛ zɔk wɔl nɛ tɔa: «Tabita, mɛ gutɛ!» Nɛ wɛnɛ bhaa li. Ka wɛnɛ zɔka Pierre, a guotɛ dung nu.

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

2 Korente 12:12

Ha ngimɔ ka mi dungɔ ha soko ɛnɛ, mi dea tom nɛ yikosila fɛt, nɛ Sɔ dea hio *mɔweka, *mɔkifi nɛ *mɔbhana nɛ wal mi. Mɔ ndɔng osa long nde, mi nê wan-nɛtom.

Hebro 2:4

Ha ndangtɛ ngimɔ, Sɔ fin osa nde, wen ɛngɛ nê tɛwen, nɛ wal hio *mɔweka, hio *mɔkifi, hio tili *mɔbhana nɛtɛ-nɛtɛ, nɛ fin nɛ wal hio ngatɛ pɛ *Nzɔy-Sɔtɛ, ka wɛnɛ haa ha hio wi tuka sila wa ngoya.