Deamɔ 4:21 - Takarata pɛ Sɔ Mbombe Mbon

²¹ Hio wan-kpo zuwen sɛna wen ha mbwa fin nɛngaya. Hapata, mbwa daka kɔ ha tɛ mbwa. Mbwa tɛ kpa wal mɛ ndulsi hio wan-nɛtom ndɔng na, hazu hio wi fɛt lukoso Sɔ hazu mɔ ka hɔa.

Deamɔ 4:21 ပူးပေါင်းရင်းမြစ်များ

Matthieu 15:31

Hio wi yaksa ka mbwa zɔka nde, hio wan-gdɔka nu ha wolamɔ, kumɔ wi kpasa, wan-zɛlɛ mɛla ha nɛa nɔ, nɛ wan-gdɔka li ha zɔka mɔ. Nɛ mbwa lukoso Sɔ pɛ *Israel.

Matthieu 21:46

Mɛgi mbwa kio wal mɛ ba wɛnɛ. Ma, mbwa yuo ke giliwi hazu giliwi ndɔng takara nde, Jésus nê *wan-tɔkuliwen.

Matthieu 26:5

Ma, mbwa tɔa ha may: «Ka ɔ aba wɛnɛ ha ngimɔ yenga na, yu nde, hio wi mɛ le betɛ gutɛ sungiri ɔ.»

Matthieu 9:33

Ha ndangtɛ ngimɔ ka Jésus yinɔ gdanga sɔtɛ, wi ɛngɛ angara wolamɔ. Hio giliwi fɛt yaksa nɛ mbwa tɔa: «Ɛ tɛ zɔk ka mɔ gbesi tuka ɛngɛ ha *Israel na.»

Matthieu 9:8

Ke baa wi fɛt ka zɔka mɔ ɛngɛ. Nɛ mbwa lukoso Sɔ ka haa ziomɔ tuka ɛngɛ ha hio wi.

Dede Wen hazu Jésus-Christ ka Luc ngɛraka 13:17

Nɛ ka Jésus kiforo wen mɛgi, hio wan-sungiri wɛnɛ gɛsa zu nɛ foy. Ma, giliwi fɛt dea totɛ hazu gasa *mɔbhana fɛt ka Jésus ha dea.

Dede Wen hazu Jésus-Christ ka Luc ngɛraka 20:19

Hio *wan-osi mbonga nɛ hio gasa wan-hasadaka kio wal mɛ ba Jésus ha ndangtɛ ngimɔ ɛngi, hazu mbwa ingɔ nde, a tɔa wen ɛngɛ sungiri mbwa. Ma, mbwa yuo ke hio wi mɛ le.

Dede Wen hazu Jésus-Christ ka Luc ngɛraka 20:6

Nɛ ka ɔ tɔ nde, yo nê hio wi, ki kandɔ fɛt belo ɔ nɛ ta gbɛ, hazu mbwa takiri nde, Jean nê *wan-tɔkuliwen.»

Dede Wen hazu Jésus-Christ ka Luc ngɛraka 22:2

Hio gasa wan-hasadaka nɛ hio *wan-osi mbonga dungɔ ha kio wal mɛ gbɛ Jésus. Ma, mbwa ha yuo ke kandɔ pɛ mbwa.

Dede Wen hazu Jésus-Christ ka Luc ngɛraka 5:26

Mbwa fɛt yaksa, nɛ ke baa mbwa. Mbwa lukoso Sɔ nɛ mbwa tɔa: «Swe mɛsɛ, ɔ zɔka gɔn-gɛnɛ mɔ!»

Deamɔ 4:17

Ma, lɛma nde, wen mɔ ɛngɛ ayɛbhi ha soko kandɔ pen mɔ sɔngsi na. Mɛgi, ɔ besɛn wen ha mbwa nɛngaya tuka nde, mbwa atɔ wen nɛ ling Jésus ha ma wi fin na.»

Deamɔ 4:22

Wi kɛ ka zɛlɛ pɛa kara, bɛlɛ pɛa pena bhukɔa nar.

Deamɔ 5:13

Ma gele wi tɛ ba da mɛ le ha wesara may pɛ mbwa na, ngase ka hio wi ha lukoso mbwa nɛdɔka.

Deamɔ 5:26

Mɛgi, kagama nɛa hinɛ hio nasara, nɛ kay hio wan-nɛtom kifiri nɛ. Ma, mbwa tɛ de ngamɔ na, yu nde, hio wi betɛ lo mbwa nɛ ta gbɛ.

Deamɔ 5:40

Mɛgi, mbwa saa hio wan-nɛtom tɛnɛ fin, nɛ haa nu nde, ɛ azuri mbwa nɛ zambala. Nɛ hio wan-kpo zuwen haa nu ha mbwa nde, mbwa awolmɔ fin nɛ ling Jésus na. Hapata ɛ guo kɔ ha tɛ mbwa.