Deamɔ 3:14 - Takarata pɛ Sɔ Mbombe Mbon

¹⁴ Ɛnɛ kafa wɛnɛ ka dung nɛ nzɔya nɛ nzeng, nɛ ɛnɛ ana Pilate mɛ gbosisi nɛ nagbɛwi ha ɛnɛ.

Deamɔ 3:14 ပူးပေါင်းရင်းမြစ်များ

Matthieu 27:20

Ma, hio gasa wan-hasadaka nɛ hio kotowi aa sɔkira ha giliwi nde, mbwa a-ani mɛ gbosisi Barabas, nɛ mɛ gbɛ Jésus.

Marc 1:24

«Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Marc 15:11

Ma, hio gasa wan-hasadaka aa sɔkira ha zala hio giliwi nde, Pilate agbosisi kanɛ Barabas ha mbwa.

Marc 15:7

Ha ngimɔ ɛngi, ma wi ling wa nde Barabas nɛ hio dan wa dungɔ ha zɔbhɔ, hazu mbwa guotɛ sungiri hio gasa wi mɛ le nɛ mbwa gbɛa ma wi ha ngimɔa.

Dede Wen hazu Jésus-Christ ka Luc ngɛraka 1:35

Telenge tɔa ha wɛnɛ: «*Nzɔy-Sɔtɛ betɛ ha zu mɛ, nɛ Sɔ ha kuso ngɔn begok mɛ nɛ ngatɛ pɛa tuka zizi. Hazu ɛngi bem ka mɛ bebhɛ bedung nɛ nzɔya, nɛ ɛ besa wɛnɛ nde, Bewei pɛ Sɔ.

Dede Wen hazu Jésus-Christ ka Luc ngɛraka 23:25

Gbesi tuka mbwa ana, Pilate gbosasa wei ɛngɛ ka ɛ pio ha zɔbhɔ hazu wen guotɛ sungiri kongapora Sezar nɛ wen gbɛa wi. Nɛ a haa nu nde, ɛ agbɛ Jésus tuka mbwa ngoya.

Jean 16:10

A begbasi hazu wen nzeng mɔ nde, Bafa mi ha mbwa wal mɛ tɛ *nzeng wi, hazu mi besi nɛ ha pɛa, ha bhandi ka ɛnɛ lɛm zɔk mi fin na.

Jean 18:40

Mbwa kiforo wen ha wɛnɛ nɛ gdɔra: «Way! Ka mɛ agbosisi wɛnɛ na. Ma, mɛ gbosisi nɛ Barabas!» Barabas dungɔ nê nagbɛwi.

Deamɔ 13:28

Nɛ ngase ka mbwa tɛ kpa ma mɔ mɛ gɔn kita fio ha zu Jésus na, mbwa ana Pilate mɛ gbɛ wɛnɛ.

Deamɔ 2:27

Mɛ lɛm lak mi gde ha soko hio fiowi na, nɛ mɛ bekafi nde, tɛ nzɔy wan-tom pɛ mɛ ayek.

Deamɔ 22:14

A tɔa fin: ‹Sɔ pɛ hio ngbabafa ɔ weka mɛ sɔngsi hazu nde, mɛ aing mɔ, ka wɛnɛ ngoya, nɛ nde, mɛ azɔk Jésus, *nzeng wi pɛ Sɔ, nɛ ze gɛl wa.

Deamɔ 4:27

«Yo nê kpasawen, Herode nɛ Ponse Pilate, nɛ hio wi mɛ mbing kandɔ, nɛ hio wi mɛ kandɔ *Israel, wesara may fɛt hakɛ ha Jérusalem sungiri nɛ Jésus, nzɔy wan-tom pɛ mɛ, ka mɛ hɔnga tuka Mesi.

Deamɔ 5:28

«Ɔ sɛna wen ha ɛnɛ nɛngaya nde, ka ɛnɛ aosi fin mɔ ha hio wi nɛ ling ɛngɛ na. Ma, sising, osamɔ pɛ ɛnɛ dona zang le Jérusalem hɛrr. Nɛ ɛnɛ ngoy dak wen fio pɛa pi ha zu ɔ.»

Deamɔ 7:52

Hio ngbabafa ɛnɛ namala hio wan-tɔkuliwen fɛt. Mbwa gbɛa hio wi, ka batɔ wen tɛa pɛ *Mesi, ndanga *nzeng wi. Yo nê wɛnɛ ka ɛnɛ haa kasatɛ wa nɛ gbɛa wɛnɛ.

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

Jacques 5:6

Ɛnɛ gɔna kita ha zu hio *nzeng wi, ka tɛ zati ha li ɛnɛ na. Nɛ ɛnɛ gbɛa mbwa.

1 Pierre 3:18

Hazu Christ fea ze ndang hireng gɔn zu *sɛmbɔ pɛ hio wi. Wɛnɛ ka dung nê nzeng wi, fea gɔn zu ɔ, hio *kalbho-kalbho wi hazu ku ɔ nɛnɛ ha pɛ Sɔ. Hio wi gbɛa tɛ wa, ma, Sɔ tunso wɛnɛ nɛ mbinga nɛ wal *Nzɔy-Sɔtɛ.

1 Jean 2:1

Hio bem pɔm, mi ngɛriki takarata ɛngɛ ha ɛnɛ yu nde, ɛnɛ betɛ de gdangamɔ. Ma, ka ma wi dea gdangamɔ, ma wan-le gdong wen hazu ɔ ang ha li Sɔ, Bafa ɔ. Wia nê Jésus-Christ, *nzeng wi.

Gbasamɔ 3:7

«Mɛ ngɛriki ha *telenge pɛ giliwi mɔ eglize ha Filadelfi wen mɛgɛ: Ɛngɛ nê wen nu nzɔy wi ka tɔ tɛwen. Sɔtɛ nutwa pɛ *kongapora David ha kɔ wa. Ka wɛnɛ gbosasa nutwa, ma wi ndang mɛ gdɔki yo bo na. Nɛ ka wɛnɛ gdɔki nutwa, ma wi ndang mɛ gbosisi yo bo na.