Deamɔ 26:5 - Takarata pɛ Sɔ Mbombe Mbon

⁵ Mbwa ingɔ mi bhee. Ka mbwa ngoya, mbwa betɔ ha mɛ nde, mi dungɔ nê wi mɔ zugili *Farizien. Hio Farizien ha pama mɔ Sɔ pɛ ɔ nɛngaya pentɛ pet.

Deamɔ 26:5 ပူးပေါင်းရင်းမြစ်များ

Deamɔ 15:5

Ma, hio ma wi ha soko zugili *Farizien ka mɛkara Jésus guotɛ tɔ nde, dea ka de nde, ɛ agɔn sɔru wi pɛ Christ ndɔng, ka bo nê zuife na, nɛ ɛ aha nu ha mbwa mɛ pam mbonga pɛ Moïse.

Deamɔ 22:3

«Mi nê zuife, ɛ bhɛa mi ha gasa le Tarse ha kandɔnu Silisi. Ma, mi kpɔatɛ hakɛ ha Jérusalem. Wan-osimɔ pɔm nê Gamaliel, ka osa ha mi *mbonga pɛ hio ngbabafa ɔ nɛdedea nzeng. Mi dungɔ nɛ lululu sila hazu Sɔ gbesi tuka ɛnɛ fɛt swe mɛsɛ.

Deamɔ 22:5

*Wan-zu hio wan-hasadaka nɛ hio kotowi mɔ Jérusalem lɛma mɛkiri nde, wena nê tɛwen. Ka mi nɛa ha gasa le Damas, mbwa haa mi takarata ka osa ha hio wan-zu *twa gɔ Sɔ haki nde, mi nɛ ziomɔ mɛ sang hio wi pɛ Christ sinɛ ha Jérusalem hazu ndulsi mbwa.»

Deamɔ 23:6

Paul ingɔ nde, hio ma wan-kpo zuwen nê zugili *Sadusien, nɛ hio ma nê zugili *Farizien. Mɛgi, a gdɔra ha mbwa nɛ ngagɛl: «Hio ya mi, mi nê tɛ Farizien, bezang pɛ hio Farizien. Ɛ gdea mi hakɛ ha li kita hazu mi mɛkara nde, hio fiowi begutɛ.»

Deamɔ 24:14

Ngase ɛngi, mi gbasi ha mɛ long nde, mi de tom ha Sɔ pɛ hio ngbabafa ɔ nɛ wal pɛ *Kongawan Jésus, ka mbwa tɔ nde, yo bo nzeng na. Ma, mi ha mɛkara mɔ fɛt, ka Moïse ngɛraka ha takarata *mbonga, nɛ ka hio *wan-tɔkuliwen ngɛraka.

Deamɔ 24:5

Ɔ kpaa nde, wei kɛ nê gasa gdanga wi. Wɛnɛ ha ilo hio zuife ha nzan fɛt nde, mbwa ade woto-wotomɔ. Wɛnɛ nê kagama pɛ hio wi, ka ɛ sa nde, zugili pɛ Nazaret.