Deamɔ 26:2 - Takarata pɛ Sɔ Mbombe Mbon

² «Kongapora Agripa, mɛsɛ mi nɛ totɛ mɛ kɛ wen tɛ mi ha li mɛ hazu mɔ fɛt, ka hio *zuife fundi nɛ mi.

Deamɔ 26:2 ပူးပေါင်းရင်းမြစ်များ

Matthieu 10:19

Ma, ka mbwa begde ɛnɛ ha li kita, ka sila ɛnɛ abhunziki nɛ wal mana wen ka ɛnɛ betɔ na. Hazu ɛnɛ bekpa wen ka ɛnɛ betɔ ha ndangtɛ ngimɔ ɛngɛ.

Dede Wen hazu Jésus-Christ ka Luc ngɛraka 12:11

Ka ɛ ku ɛnɛ nɛnɛ ha li kita ha zang *twa gɔ Sɔ, mana ha li hio wan-le, mana ha li hio nasara, ka ɛnɛ adung nɛ nɔzang hazu wal, ka ɛnɛ bekɛ nɛ wen pɛ ɛnɛ, nɛ hazu wen ka ɛnɛ betɔ, na.

Dede Wen hazu Jésus-Christ ka Luc ngɛraka 21:12

«Ma, sɔngsi ka mɔ ndɔng behɔ, ɛ beba ɛnɛ, nɛ ɛ benamili ɛnɛ ndɛr-ndɛr. Ɛ begde ɛnɛ ha li kita ha zang *twa gɔ Sɔ. Ɛ bepi ɛnɛ ha zɔbhɔ. Ɛ beku ɛnɛ nɛnɛ ha li hio *kongapora nɛ ha li hio gɔfɔrma hazu ɛnɛ nê wi pɔm.

Deamɔ 25:26

Mi tɛ kpa ma kpasawen mɛ ngɛriki hazu wei ɛngɛ ha kongapora Sezar na. Yo nê ɛngi, ka mi gde wɛnɛ ha li ɛnɛ, nɛ pen fɛt ha li mɛ, kongapora Agripa. Ɛnɛ ani goto wen pɛa, ka mi aing mɔ mɛ ngɛriki.

Deamɔ 26:1

Agripa tɔa ha Paul: «Mi ha mɛ ngimɔ hazu kɛ wen tɛ mɛ.» Paul pɛa kɔ nɛ a kɛa wen tɛ wa mɛgɛ:

Deamɔ 26:19

«Mɛgi, *kongapora Agripa, mi tɛ de kpandele sungiri nɛ zizimɔ ɛngɛ ka zilo ha ngɔn tɛ na.

Deamɔ 26:26

*Kongapora Agripa ingɔ mɔ ndɔng kari. Yo nê ɛngi, ka mi wolmɔ ha wɛnɛ nɛ da. Mi ingɔ nɛdedea nde, ma mɔ ndɔng ndang wusi tɛ ha li wa na, hazu mɔ ndɔng tɛ pen ha tutum na.

Deamɔ 26:3

Mi nɛ totɛ pen fɛt, hazu mɛ ingɔ hio ndɔki deamɔ nɛ hio mɔ sikafɛ pɛ hio zuife nɛkpasa. Mɛgi, mi alnu ha mɛ nde, mɛ aba sila mɛ nɛ ze wen pɔm.

Deamɔ 26:7

Hio nugala bhukɔ gbala bwa mɔ kandɔ pɛ ɔ, *Israel, ha gdea tazu nde, mbwa bezɔk swe, ka Sɔ belɛmsiri nɛ gɔnanu pɛa. Yo nê ɛngi, ka mbwa ha dea tom Sɔ nɛ lululu sila swe nɛ zɛ. Kongapora Agripa, hio zuife fundo mi hazu mi ha gdea tazu mi gbesi.