Deamɔ 22:4 - Takarata pɛ Sɔ Mbombe Mbon

⁴ Mi namala hio wi ka ndara wal pɛ *Kongawan Jésus kanɛ mi gbɛa hio ma. Mi baa hio wei nɛ hio bhoko sang nɛ pɛl pi ha twa zɔbhɔ.

Deamɔ 22:4 ပူးပေါင်းရင်းမြစ်များ

Deamɔ 16:17

Wɛnɛ naka pata Paul nɛ ɔ fɛt, nɛ a gdɔra nɛ ngagɛl: «Hio wi ndɔng nê wan-tom pɛ Sɔ ha kuso ngɔn. Mbwa ha osa ha ɛnɛ wal *mɔkpasi.»

Deamɔ 18:26

Apolos bulo wen nɛ da ha *twa gɔ Sɔ. Ka Priscille hinɛ Akilas zea wen pɛa, mbwa kuo wɛnɛ sinɛ ha twa pɛ mbwa. Mbwa osa ha wɛnɛ osamɔ hazu wal pɛ Sɔ nɛdedea pen mɔ sɔngsi.

Deamɔ 19:23

Ha ngimɔ ɛngi, hio gasa woto-wotomɔ angara ha wen osamɔ hazu wal pɛ *Kongawan Jésus.

Deamɔ 19:9

Ma, hio ma wi dea nga zu, nɛ mbwa kafa mɛkara Jésus. Mbwa tɔa nyalɔ wen ha li giliwi fɛt sungiri osamɔ hazu wal pɛ Kongawan Jésus. Mɛgi, Paul gɔna soko hinɛ mbwa. A kaya hio *wan-yambimɔ pɛ Jésus gde nɛtɛ. Nɛ swe fɛt, wɛnɛ dungɔ ha osamɔ ha twa yambimɔ pɛ Tiranos.

Deamɔ 24:14

Ngase ɛngi, mi gbasi ha mɛ long nde, mi de tom ha Sɔ pɛ hio ngbabafa ɔ nɛ wal pɛ *Kongawan Jésus, ka mbwa tɔ nde, yo bo nzeng na. Ma, mi ha mɛkara mɔ fɛt, ka Moïse ngɛraka ha takarata *mbonga, nɛ ka hio *wan-tɔkuliwen ngɛraka.

Deamɔ 7:58

Mbwa baa wɛnɛ gbonɛ ha zang gasa le. Nɛ mbwa angara loa wɛnɛ nɛ ta hazu gbɛ wɛnɛ. Mbwa kpɔsa hio gasa la pɛ mbwa gde ha nu hapɛtɛ ma pɔlɔmbɔ wei ka ɛ sa nde, Saul.

Deamɔ 9:21

Hio wi fɛt ka zea wɛnɛ, yaksa nɛ mbwa anamɔ ha soko may: «Yo bo nê wei kɛ, ka dungɔ ha bhondasa hio wi ka mɛkara Jésus ha Jérusalem na nde? Bo nê wɛnɛ tɛa hakɛ hazu sang mbwa sinɛ ha hio gasa wan-hasadaka na nde?»

1 Korente 15:9

Kpasawen, mi nê bebe wi ha soko hio wan-nɛtom fɛt. Ey, mi lɛm fin nde, ɛ asa mi wan-nɛtom na, hazu mi banamili hio wi mɔ eglize pɛ Sɔ.

Galasi 1:13

Ɛnɛ zea wen deamɔ pɔm ha ngimɔ ka mi bhɔna ka ha dea tom Sɔ nɛ wal ndɔki deamɔ pɛ hio *zuife. Ɛnɛ ingɔ nde, mi dungɔ ha namala hio *giliwi mɔ eglize pɛ Sɔ nɛngaya. Ey, mi dungɔ ha kio wal mɛ bhondisi mbwa.

Filipe 3:6

Mi namala *giliwi mɔ eglize nɛ lululu sila. Deamɔ pɔm fɛt dungɔ nzeng ha li mbonga, nɛ ma wen bo ha zu mi na.

2 Pierre 2:2

Hio wi nɛdɔka bendari deamɔ tum pɛ mbwa. Nɛ hio wi befɛngsi kpasa wal mɛ ndari Sɔ pi nɛ mɔ ha mbwa.