Deamɔ 2:39 - Takarata pɛ Sɔ Mbombe Mbon

³⁹ Sɔ bagɔn se nu mɛ tomsi Nzɔy-Sɔtɛ. Gɔnanu ɛngɛ hazu ɛnɛ nɛ hio bem pɛ ɛnɛ. Yo fin hazu hio wi ndɔng ka dung nɛ yɛa nɛ ka Kongawan, Sɔ pɛ ɔ, besa mbwa.»

Deamɔ 2:39 ပူးပေါင်းရင်းမြစ်များ

Deamɔ 10:45

Hio wi pɛ Christ mɔ kandɔ zuife ka tɛa hinɛ Pierre yaksa pentɛ, ka mbwa zɔka Nzɔy-Sɔtɛ ha ziloa fin ha zu wi ndɔng, ka bo nê zuife na.

Deamɔ 14:27

Nɛ ka mbwa hɔa ha Antioshe, mbwa wesara *giliwi mɔ eglize nɛ baa kasi mɔ fɛt, ka Sɔ dea nɛ wal mbwa. Mbwa tɔa fin nde, Sɔ haa wal mɛ mɛkiri Jésus ha hio wi ndɔng, ka bo nê *zuife na.

Deamɔ 15:14

Simon baa kasi ha ɔ sising mɛng Sɔ bhɔngara sɔngsi bhee mɛ weki ma kandɔ pɛa ha soko ɛ ndɔng, ka bo nê zuife na.

Deamɔ 15:3

Eglize mɔ Antioshe gbakara mbwa nɛ mɔ fɛt hazu yali. Nɛ mbwa gɔna kandɔnu Fenisi nɛ *Samari. Ha liwal mbwa baa kasi ha hio wi pɛ Christ nde, wi ndɔng, ka bo nê *zuife na, kiforo sila nɛ mɛkara Jésus. Kasi ɛngɛ haa totɛ pentɛ ha hio wi pɛ Christ fɛt.

Deamɔ 15:8

Nɛ Sɔ, ka ingɔ sila wi fɛt, gbasa nde, a mɛkara mbwa nɛ wal haa *Nzɔy-Sɔtɛ ha mbwa fin, gbesi tuka ka wɛnɛ baha ha ɔ.

Rome 11:29

Kpasawen, ka Sɔ saa ma wi, nɛ ka wɛnɛ haa dedemɔ ha wia kari, a kpali yo fin na.

Rome 8:30

Tuka Sɔ babhɔngiri wen hazu mbwa mɛgi, a basa fin mbwa nde, ka mbwa adung nê hio wi pɛa. Tuka wɛnɛ saa mbwa kari, a gdea mbwa nzeng ha li wa fin. Nɛ tuka wɛnɛ gdea mbwa nzeng kari, a kapana fin lɛkɛ-lɛkɛmɔ pɛa hinɛ mbwa.

Rome 9:24

Ɔ fɛt nê hio wi ka Sɔ saa. A tɛ sa sɔna nɛ hio *zuife na. Ma, a saa fin hio wi mɔ hio olo kandɔ.

Rome 9:4

Mbwa nê hio kandɔ pɛ Israel, ka Sɔ weka tuka hio bem pɛa. A osa *lɛkɛ-lɛkɛmɔ pɛa ha mbwa, a nɔa *mbon hinɛ mbwa, a haa *mbonga pɛa ha mbwa, a osa ha mbwa wal mɛ lukisi wɛnɛ, nɛ a gɔna nu nɛdɔka ha mbwa.

1 Korente 7:14

Kpasawen, wei ka tɛ mɛkiri Christ na, tɛ bo sanga nɛ Sɔ nɛ wal ko pɛa. Nɛ bhoko ka tɛ mɛkiri Christ na, tɛ bo sanga nɛ Sɔ nɛ wal wei pɛa. Ka bo mɛgi na, ki hio bem pɛ mbwa bo nê pɛ Sɔ na. Ma, hio bem pɛ mbwa tɛ bo sanga nɛ Sɔ kari.

Efeze 1:18

Ey! Sɔ agbosisi sila ɛnɛ long tuka nde, ɛnɛ atakiri mɔ nɛ saa, nɛ ɛnɛ aing mɔ ka wɛnɛ saa ɛnɛ mɛ gde tazu ang. Dea nde, ɛnɛ aing lɛkɛ-lɛkɛ mɔ likɔ ka wɛnɛ pam keri nɛ hio wi pɛa.

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

Efeze 4:4

Ɔ ka nê kilitɛ ndang. Nɛ Nzɔy-Sɔtɛ ka nê ndang. Mɔ ka Sɔ saa nɛ ɔ mɛ gde tazu ang, yo ka fin ndang.

2 Tesalonike 1:11

Yo nê ɛngi, ka ɔ gɔ Sɔ swe fɛt hazu ɛnɛ tuka nde, wɛnɛ agde ɛnɛ nɛ zioa ha li wa mɛ kpa *tunɔ kpoo ka wɛnɛ saa ɛnɛ ang. Ɔ gɔ Sɔ fin nde, wɛnɛ alɛmsiri nɛ wal ngatɛ pɛa hio tili dedemɔ fɛt ka ɛnɛ ngoy mɛ de, nɛ hio mɔ ka ɛnɛ de nɛ wal mɛkaramɔ.

2 Timothée 1:9

Yo nê Sɔ ka kpasasa ɔ, nɛ ka saa ɔ mɛ dung nê kandɔ pɛa. A dea mɛgi, bo hazu dede deamɔ pɛ ɔ na, ma, hazu a bheka yo nɛ *dede sila pɛa. A bheka mɛ de dede sila ha tɛ ɔ nɛ wal Jésus-Christ sɔngsi bhee gde ka wɛnɛ tɛ de ka nzan na.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.

Hebro 9:15

Hazu ɛngi, Christ nê wan-bhɔngiri mbombe mbon ha soko Sɔ hinɛ hio wi. Mɛgi, hio wi ndɔng ka Sɔ besa, mbwa bekpa hio dedemɔ, ka Sɔ gɔna nua mɛ ha tuka likɔ ka bebhɔn kpoo. Mɔ dung mɛgi, hazu Christ fea hazu yangi hio wi ha gdangamɔ ka mbwa dea ha si bosi mbon.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.

2 Pierre 1:10

Hazu ɛngi, hio ya mi, ɛnɛ gbɛngsi tɛ ɛnɛ pen mɔ sɔngsi hazu osi nde, ɛnɛ nê hio wi, ka Sɔ saa nɛ weka mɛ dung nê pɛa. Ka ɛnɛ de mɔ tuka ɛngi, ɛnɛ lɛm tek ha zang dea gdangamɔ na,

2 Pierre 1:3

Nɛ wal ngatɛ pɛa, Sɔ haa ɔ mɔ fɛt, ka kɔpa ɔ sɔngsi mɛ dung nɛ mboazu ha li wa. Yo tɔ nde, a haa ɔ wal mɛ ing Jésus-Christ, ka saa ɔ mɛ kpa *lɛkɛ-lɛkɛmɔ nɛ dedemɔ pɛa.

Gbasamɔ 17:14

Mbwa bebi bulo sungiri nɛ Besami. Ma, Besami began zu mbwa, hazu wɛnɛ nê *Kongawan ha zu hio kongawan fɛt, nɛ Kongapora ha zu hio kongapora fɛt. Nɛ hio wi ka wɛnɛ saa nɛ weka mɛ dung nê pɛa, nɛ ka dung nɛ mboazu, mbwa bedung fin wan-gan bulo hinɛ wɛnɛ gbesi.»

Gbasamɔ 19:9

Nɛ *telenge tɔa ha mi: «Mɛ ngɛriki mɔ nde: Totɛ ha wi ka Sɔ saa wɛnɛ ha yenga sibhoko pɛ Besami.» Nɛ a tɔa fin: «Hio wen ndɔng, yo nê tɛ kpasa wen nu Sɔ.»