Deamɔ 2:23 - Takarata pɛ Sɔ Mbombe Mbon

²³ Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Deamɔ 2:23 ပူးပေါင်းရင်းမြစ်များ

Matthieu 20:19

nɛ mbwa begde mi ha kɔ hio wi ka bo nê *zuife na. Wi ndɔng bemam mi nɛ bezuri mi nɛ zambala. Nɛ mbwa bengba mi ha getakate. Ma, ha zetar yala, mi begutɛ ha soko hio fiowi.»

Matthieu 26:24

Mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ Wi. Ɛ abhɛ se wɛnɛ na, ki dea se!»

Matthieu 27:35

Mbwa ngbaa wɛnɛ ha getakate, nɛ kapana latɛ pɛa ha soko mbwa nɛ wal mbela.

Marc 15:24

Mɛgi, mbwa ngbaa wɛnɛ ha getakate. Nɛ mbwa dea mbela, hazu ing wal mɛ kapini latɛ pɛa ha soko may.

Dede Wen hazu Jésus-Christ ka Luc ngɛraka 22:22

Kpasawen, mi, *Bewei pɛ Wi, befe tuka ka Sɔ bhɔngara. Ma, ngɔtɛ ha wi ka beha kasatɛ mi.»

Dede Wen hazu Jésus-Christ ka Luc ngɛraka 22:37

Ɛ gɔna ha zang takarata pɛ Sɔ nde, ‹Ɛ tɔla wɛnɛ ha soko *wan-de gdangamɔ.› Mi tɔ ha ɛnɛ nde, dea ka de nde, yo alɛmsiri tɛ hazu mi. Tunɔ pɔm bekari sising.»

Dede Wen hazu Jésus-Christ ka Luc ngɛraka 23:33

Nɛ ka mbwa hɔa ha bhandi ka ɛ sa nde «Gbala Zu», hio wan-bibulo ngbaa Jésus hinɛ hio gdanga wi bwa ha hio getakate. Ndang ha wekɔ, nɛ ndang ha gare wa.

Dede Wen hazu Jésus-Christ ka Luc ngɛraka 24:20

Hio gasa wan-hasadaka nɛ hio wan-le pɛ ɔ gdea wɛnɛ ha kɔ Pilate mɛ gɔn kita fio ha zu wa. Nɛ ɛ ngbaa wɛnɛ ha getakate.

Jean 19:18

Haki mbwa ngbaa Jésus ha getakate. Mbwa ngbaa fin hio ma wi bwa ha getakate pɛ mbwa hapɛtɛ wa, ma, pɛ Jésus ha binsila.

Jean 19:24

Mɛgi, mbwa tɔa ha soko may: «Ɔ gba soko gasa la ɛngɛ na. Ma, ɔ de yo nɛ mbela hazu zɔk wi ka beku yo.» Mɔ hɔa mɛgi hazu lɛmsiri nɛ wen ɛngɛ ha zang takarata pɛ Sɔ: «Mbwa kapana hio latɛ pɔm ha soko may, nɛ mbwa kuo gasa la pɔm de nɛ mbela.» Ɛngi nê mɔ ka hio wan-bibulo dea.

Deamɔ 13:27

Hio wi mɛ Jérusalem, nɛ hio wan-le pɛ mbwa fɛt tɛ ing nde, Jésus tɛa hazu kpasisi ɔ, na. Ngase ka mbwa ha tɔla wen pɛ hio wan-tɔkuliwen ha swe ɔmtɛ ndang ndang fɛt, mbwa ing gotoa ndang na. Ma, mbwa lɛmsara hio wen ndɔng nɛ wal gɔna kita fio ha zu Jésus.

Deamɔ 15:18

ka mi bagbasi sɔngsi bhee.›»

Deamɔ 2:36

«Mɛgi, hio wi mɔ Israel fɛt aing nɛdedea nde, Jésus ɛngɛ ka ɛnɛ ngbaa ha getakate, Sɔ dea wɛnɛ Kongawan nɛ *Mesi.»

Deamɔ 3:18

Ma, yo nɛ wal ɛngi ka Sɔ lɛmsara hio mɔ, ka wɛnɛ batɔ se nɛ wal nu hio *wan-tɔkuliwen. Mbwa batɔ nde, *Mesi, ka Sɔ betomsi, bekpa yimtɛ nɛdɔka.

Deamɔ 4:28

Mɛgi, mbwa lɛmsara hio mɔ fɛt, ka mɛ babhɔngiri sɔngsi nɛ wal ngatɛ pɛ mɛ. Mɛ ngoya nde, mɔ ahɔ tuka ɛngɛ.

Deamɔ 5:28

«Ɔ sɛna wen ha ɛnɛ nɛngaya nde, ka ɛnɛ aosi fin mɔ ha hio wi nɛ ling ɛngɛ na. Ma, sising, osamɔ pɛ ɛnɛ dona zang le Jérusalem hɛrr. Nɛ ɛnɛ ngoy dak wen fio pɛa pi ha zu ɔ.»

Deamɔ 5:30

Yo nê ɛnɛ, ka ngbaa Jésus ha getakate gbɛ. Ma, Sɔ pɛ hio ngbabafa ɔ tunso wɛnɛ ha soko hio fiowi.

Deamɔ 7:52

Hio ngbabafa ɛnɛ namala hio wan-tɔkuliwen fɛt. Mbwa gbɛa hio wi, ka batɔ wen tɛa pɛ *Mesi, ndanga *nzeng wi. Yo nê wɛnɛ ka ɛnɛ haa kasatɛ wa nɛ gbɛa wɛnɛ.

Rome 2:12

Hio wi ang ka ing *mbonga pɛ Moïse na. Ngase ɛngi, ka mbwa de gdangamɔ, mbwa fɛt bebhondi. Ma, pɛ hio wi ka ing mbonga pɛ Moïse, nɛ ka de gdangamɔ, Sɔ begɔn kita ha zu mbwa lɛm nɛ wen mbonga ɛngɛ.

Rome 4:17

Yo gbesi tuka ɛ ngɛraka ha takarata pɛ Sɔ: «Mi gdea mɛ gdibafa hazu hio dɔka kandɔ.» Mɔ hɔa mɛgi hazu Abraham mɛkara Sɔ, Sɔ ka ha tunɔ ha hio fiowi fin nɛ mbinga, nɛ ka de tuka nde, hio mɔ ka tɛ dung ang sɔngsi na, yo adung ang sising.

1 Tesalonike 2:15

Hio zuife gbɛa *Kongawan Jésus nɛ hio *wan-tɔkuliwen, nɛ mbwa namala ɔ fin. Deamɔ pɛ mbwa ha totɛ ha Sɔ na, nɛ mbwa tɛ bo nê ngana pɛ wi fɛt.

1 Pierre 1:2

Sɔ, Bafa ɔ, baweki ɛnɛ lɛm nɛ mɔ ka wɛnɛ babhɔngiri sɔngsi bhee. *Nzɔy-Sɔtɛ pɛa gdea ɛnɛ nɛtɛ tuka nde, ɛnɛ aze nu Jésus-Christ, nɛ nde, tɔktɛ wa asasisi ɛnɛ. Sɔ ade *dede sila ha tɛ ɛnɛ, nɛ wɛnɛ aha gaamɔ ha ɛnɛ nɛdɔka pentɛ pet.

1 Pierre 1:20

Sɔngsi bhee gde Sɔ tɛ de ka nzan na, a baweki Christ hazu de tom ɛngɛ. Nɛ sising ha kpogio ngimɔ ɛngɛ, Sɔ tomsa wɛnɛ ha nzan hazu kpasisi ɛnɛ.

1 Pierre 2:8

Nɛ ɛ bangɛriki fin: «Ta ɛngɛ tɛ bo nê ta kɔ nanga, yo tɛ bo nê ta ka teksi hio wi pi ha nu.» Mbwa kɔa nanga ang tek, hazu mbwa kafa zea wen pɛ Sɔ. Sɔ babhɔngiri mɔ hazu mbwa mɛgi sɔngsi bhee.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Gbasamɔ 13:8

Hio wi mɔ zu nu fɛt belukisi wɛnɛ tuka ma sɔ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Takarata ɛngɛ nê pɛ Besami ka ɛ bagbɛ.