Deamɔ 18:3 - Takarata pɛ Sɔ Mbombe Mbon

³ nɛ a ɔa nɛ de tom hinɛ mbwa, hazu mbwa ha dea ndangtɛ tom fulo hio gasa la mɛ bɛ nɛ twa.

Deamɔ 18:3 ပူးပေါင်းရင်းမြစ်များ

1 Korente 4:12

Ɔ ha fea dea tom nɛ kɔ ɔ. Hio wi ha yaa ɔ, nɛ ɔ ha wola dede wen ha zu mbwa. Ɔ ha kpaa yeksamɔ ha kɔ hio wi. Ma, ɔ ha yɔnga yini.

1 Korente 9:14

Yo fin gbesi nê hio wan-bul Dede Wen. Kongawan haa nu nde, hio wi ka ze Dede Wen, mbwa aha yɔngamɔ ha hio wan-bul yo.

1 Korente 9:15

Ma, pɔm, ngase ka mi lɛma mɛ kpa mɔ ha kɔ ɛnɛ, mi tɛ ani yo ndang na. Nɛ mi ngɛriki takarata ɛngɛ hazu ani nɛ mɔ ha kɔ ɛnɛ na. Hazu, ka mi fea, ɛngɛ nɛ dedea pen nde, hio wi agdangsi dede lingtɛ mi ka mi sutɛ ang.

1 Korente 9:18

Mɛgi, mɔ-kɛ mi nê nge tɛ mɔ ge? Mɔ-kɛ mi, yo nde, mi bul Dede Wen ha hio wi nɛgbelea, nɛ mi ani mɔ ha kɔ hio wi ka ze Dede Wen ɛngɛ na, ngase toma ha wal mɛ de mɛgi.

2 Korente 11:7

Ɛnɛ tɛ kpe mi ha bulo *Dede Wen pɛ Sɔ ha ɛnɛ na. Ɛngi osi nde, mi hilo nɛ mɛndi hazu gu ɛnɛ gde ha ngɔn. Mi ani ɛnɛ nde, mana nɛ wal dea mɛgi mi dea gdangamɔ nde?

2 Korente 11:9

Ka mi dungɔ ha pɛ ɛnɛ, mi tɛ dung nê zio toy ha zu ma wi ndang na, ngase ka mɔ kɔpa mi. Yo nê hio ya ha Christ mɔ Masedoane ka tɛa tɛ gbakiri mi nɛ mɔ ka kɔpa mi. Ha mɔ fɛt, mi pama tɛ mi tuka nde, mi adung nê zio toy ha zu ɛnɛ na. Nɛ mi bepam tɛ mi mɛgi swe fɛt.

2 Korente 12:13

Mi tɛ de ma mɔ ha hio olo *giliwi mɔ eglize lak ɛnɛ gde na, sɔna nde, mi tɛ dung tuka zio toy ha zu ɛnɛ na. Ma, ka ɛnɛ zɔka yo tuka gdanga deamɔ, mi ani *tiso ha kɔ ɛnɛ.

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Tesalonike 4:11

Nɛ ɛnɛ agbɛngsi tɛ ɛnɛ mɛ de hio mɔ mɛgɛ: Dea le ha zang gaamɔ, gdea li ɛnɛ ha tom pɛ ɛnɛ, nɛ dea tom nɛ kɔ ɛnɛ tuka ɔ haa nu ha ɛnɛ kari.