Deamɔ 17:32 - Takarata pɛ Sɔ Mbombe Mbon

³² Ka hio wi zea wen guotɛ ha soko fiowi, hio ma mama wɛnɛ, nɛ hio ma tɔa: «Ɔ ngoy ze bin mɛ hazu wen ɛngɛ ma ngimɔ.»

Deamɔ 17:32 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 14:18

Ma, mbwa ndang ndang fɛt tɔa tili wen nɛtɛ-nɛtɛ. Bosi wi tɔa ha wan-tom: ‹Mi hɛa fɔ sising. Dea nde, mi anɛ nɛ zɔk yo. Mi ba nanga mɛ, mi lɛm tɛ na.›

Dede Wen hazu Jésus-Christ ka Luc ngɛraka 22:63

Hio nasara ka pɛm Jésus mama wɛnɛ. Mbwa hɛla li wa nɛ mɛla wɛnɛ. Mbwa tɔa: «*Wan-tɔkuliwen, mɛ sum ling wi ka mɛla mɛ!»

Dede Wen hazu Jésus-Christ ka Luc ngɛraka 23:11

Nɛ Herode nɛ hio nasara pɛa yaa Jésus fin. Hazu mam nɛ wɛnɛ, mbwa yola ma konga la ha tɛ wa, nɛ mbwa kiforo wɛnɛ si ha pɛ Pilate.

Dede Wen hazu Jésus-Christ ka Luc ngɛraka 23:36

Hio wan-bibulo mama Jésus fin, mbwa tiko hapɛtɛ wa hazu gde kpaya dɔkɔ ha nu wa.

Deamɔ 13:41

‹Ɛnɛ zɔk, ɛnɛ hio wan-bhɛsiri wen pɛ Sɔ, ɛnɛ yaksi nɛ ɛnɛ bhondi! Hazu mi bede ma tom ha ngimɔ tunɔ pɛ ɛnɛ, ka ɛnɛ lɛm mɛkiri ha yo na, ngase ka ma wi tɔa kasia ha ɛnɛ.›»

Deamɔ 17:18

Hio ma wan-mbarimɔ mɔ zugili Epikurien nɛ mɔ zugili Stoisien, zanga wen hinɛ Paul. Hio ma anamɔ: «Nalogorogol ɛngɛ ngoy tɔ nde ge?» Nɛ hio ma, ka zea Paul ha bulo wen fio nɛ guotɛ pɛ Jésus, tɔa pɛ mbwa: «Wɛnɛ nê wan-bul wen gɔn-gɛnɛ sɔ.»

Deamɔ 17:31

Hazu a weka ma yala, ka wɛnɛ begɔn nzeng kita ha zu hio wi mɔ nzan fɛt. A weka wan-gɔn kita ɛngɛ kari, nɛ a gbasa wɛnɛ long nɛ wal guo wɛnɛ ha soko hio fio wi.»

Deamɔ 17:33

Mɛgi, Paul gboa ha soko mbwa pen.

Deamɔ 2:13

Nɛ hio ma mama nɛ tɔa: «Dɔkɔ ha dea mbwa!»

Deamɔ 24:25

Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»

Deamɔ 25:19

Mɔ ka dungɔ ha soko mbwa, yo sɔna nê zanga wen hazu mɔ Sɔ pɛ mbwa, nɛ hazu ma fiowi, ling wa nde, Jésus, ka Paul tɔa nde, wɛnɛ nɛ zutunɔ.

Deamɔ 26:8

Hazu ge ɛnɛ, hio zuife, ha takara nde, Sɔ tunsi hio fiowi na, ge nde?

1 Korente 1:23

Ma, pɛ ɔ, ɔ bul nɛ wen tɛ Christ ka fea ha getakate. Wen ɛngɛ dung tuka mɔ kɔ nanga ha li hio zuife, nɛ yo dung fin tuka wen bili ha li hio olo kandɔ.

1 Korente 15:12

Ɔ ha bulo wen nde, Christ guotɛ ha soko hio fiowi. Ma, hio ma wi ha soko ɛnɛ tɔ pɛ mbwa nde, hio fiowi lɛm gu fin tɛ na. Mbwa tɔ mɛgi mɛng?

1 Korente 4:10

Hio wi mɔ nzan zɔk ɔ tuka hio wan-bili hazu Christ. Ma, ɛnɛ takiri pɛ ɛnɛ nde, ɛnɛ nê hio wan-mbarimɔ hazu ɛnɛ ha dea sɔy hinɛ Christ. Ɔ nê hio mɔka wi, ma, ɛnɛ takiri nde, ɛnɛ nê hio ngawi. Hio wi ha bhɛsara ɔ, ma, mbwa ha lukoso ɛnɛ.

2 Korente 6:2

Kpasawen, Sɔ batɔ: «Mi zea mɛ ha dede ngimɔ, mi gbakara mɛ ha swe kpasisi wi.» Ɛnɛ zɔk, kpasa dede ngimɔ lɛma kari, swe kpasisi wi lɛma kari.

Hebro 11:36

Pɛ hio ma, ɛ yaa mbwa nɛ ɛ zuro mbwa nɛ zambala. Ɛ sanga hio ma nɛ pɛl bolo pi ha twa zɔbhɔ.

Hebro 13:13

Mɛgi, ɔ agbo nɛ ha gdong kin nde, ka hio wi abhɛsiri ɔ hinɛ wɛnɛ gbesi.