Deamɔ 17:23 - Takarata pɛ Sɔ Mbombe Mbon

²³ Ka mi ha yala ha zang le, mi ha zɔka hio bhandi sɔ pɛ ɛnɛ. Mi kpaa ma bhandi ha sadaka ndang, ka ɛ ngɛraka mɔ ɛngɛ: ‹Ha sɔ, ka wi ing na.› Yo nê ɛngɛ, ka mi tɛa hazua. Mi betɔ wen mɔ ɛngɛ, ka ɛnɛ lukisi, nɛ ka ɛnɛ ing na.

Deamɔ 17:23 ပူးပေါင်းရင်းမြစ်များ

Matthieu 15:9

Mbwa lukisi mi nɛgbelea, hazu mbwa osi tuka mbonga sɔna nɛ mɔ, ka tɛ nɛ wal takaramɔ pɛ wi.›»

Jean 17:25

Bafa mi, mɛ nɛ nzeng. Hio wi mɔ nzan ing mɛ na, ma, mi ingɔ mɛ, nɛ wi ndɔng hakɛ ingɔ nde, yo nê mɛ ka tomsa mi tɛnɛ.

Jean 17:3

Nɛ tunɔ kpoo, yo nê ingɔ mɛ, ndanga kpasa Sɔ, nɛ ingɔ mi, Jésus-Christ ka mɛ tomsa.

Jean 4:22

Ɛnɛ, hio wi mɔ Samari, ɛnɛ ing pɛ ɛnɛ Sɔ ka ɛnɛ lukisi na. Ma, ɔ, hio zuife, ɔ ingɔ Sɔ ka ɔ lukisi. Hazu *wan-kpasisi wi gbo ha soko hio zuife.

Jean 8:54

Jésus kiforo wen: «Ka mi lukisi tɛ mi nɛ pɔm tɛ, ki lukosomɔ ɛngɛ nɛ gbelea. Ma, yo nê Bafa mi ka lukisi mi. Ɛnɛ tɔ nde, wɛnɛ nê Sɔ pɛ ɛnɛ,

Deamɔ 17:30

Tazu Sɔ biso nɛ mɔ ndɔng ka hio wi bade ha ngimɔ ka mbwa tɛ ing wɛnɛ na. Ma, sising Sɔ ngoya nde, hio wi ha bhandi fɛt akifiri sila mbwa.

Rome 1:28

Nɛ tuka ka mbwa kafa ingɔ tɛwen hazu Sɔ, Sɔ gdea mbwa ha zang kalbho-kalbho takaramɔ pɛ mbwa. Mɛgi, mbwa ha dea hio mɔ foy nɛnɛ.

1 Korente 1:21

Ey, hio wi mɔ nzan nɛ wal mbaramɔ pɛ mbwa tɛ ing Sɔ na. Hazu, Sɔ nɛ mbaramɔ pɛa, zɔka nɛ dedea nde, wɛnɛ akpasisi hio wi ka mɛkara wɛnɛ nɛ wal bulowen pɛ ɔ, ka dung nê wen bili ha li hio olo wi.

1 Korente 8:5

Hio wi ha lukoso hio ma mɔ ha zang ngɔn nɛ ha zu nu tuka sɔ pɛ mbwa. Ey, hio sɔ nɛ hio *kongawan ang hebhe.

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

2 Tesalonike 2:4

Wan-kafi mbonga ɛngɛ begutɛ hazu sungiri hio mɔ Sɔ nɛ hio mɔ fɛt ka lɛm nɛ lukosomɔ. Nɛ wɛnɛ bele ha *gasa twa Sɔ, a bedungnu ang, nɛ a betɔ nde, wɛnɛ nê sɔ.

1 Timothée 1:17

Lukosomɔ nɛ *lɛkɛ-lɛkɛmɔ nê pɛ *Kongapora, ndanga Sɔ, kpoo nɛ kpoo. Wi lɛm zɔk wɛnɛ na, wɛnɛ lɛm fe na, nɛ wɛnɛ nê Kongapora kpoo. Amen.

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.