Deamɔ 17:12 - Takarata pɛ Sɔ Mbombe Mbon

¹² Dɔka wi ha soko mbwa mɛkara Jésus. Ha soko kandɔ greke, dɔka konga bhoko nɛ hio wei fin mɛkara Jésus.

Deamɔ 17:12 ပူးပေါင်းရင်းမြစ်များ

Marc 15:43

Joseph wi mɛ le Arimate hɔa. Wɛnɛ nê ma zio *wan-kpo zuwen pɛ hio *zuife. A dungɔ fin nɛting ha kera nde, *Kongakandɔ pɛ Sɔ ahɔ. Mɛgi, a baa da, nɛ a nɛa ha pɛ Pilate hazu ani wɔl Jésus.

Jean 7:17

Wi ka ngoy de mɔ ka sila Sɔ ngoya, wɛnɛ being nde, mana osamɔ pɔm tɛ nɛ wal Sɔ, mana mi ha wola nɛ mɔ nɛ pɔm tɛ.

Deamɔ 13:46

Mɛgi, Paul nɛ Barnabas baa da nɛ tɔa ha mbwa: «Dea nde, ɛ atɔ wen pɛ Sɔ ha ɛnɛ sɔngsi. Ma, ɔ zɔka nde, ɛnɛ mulo yo pi. Ɛnɛ gbasa tɛ ɛnɛ tuka wi ka lɛm nɛ *tunɔ kpoo na. Mɛgi, ɔ ha kiforo tɛ nɛ ha pɛ hio wi ndɔng, ka bo nê zuife na.

Deamɔ 13:50

Hio zuife ilo hio ma konga bhoko, ka lukisi Sɔ, nɛ hio konga wei mɔ le ɛngi nde, mbwa anamili Paul hinɛ Barnabas nɛ yin mbwa gbo ha kandɔnu ɛngi.

Deamɔ 14:1

Ha Ikoniom Paul nɛ Barnabas lea fin *twa gɔ Sɔ pɛ hio *zuife. Mbwa bulo wen pɛ Sɔ nɛ ngatɛ. Mɛgi, hio dɔka zuife nɛ hio dɔka wi mɔ olo kandɔ mɛkara Jésus.

Deamɔ 2:47

Mbwa lukoso Sɔ nɛ hio wi zɔka mbwa tuka dede wi. Nɛ yala ndang ndang fɛt *Kongawan lesasa hio wi ndɔng ka wɛnɛ kpasasa, ha soko hio wi mɔ eglize.

1 Korente 1:26

Hio ya mi, Sɔ saa ɛnɛ mɛ dung nê hio wi pɛa. Tazu ɛnɛ gba nde, ha li hio wi, dɔka wi ha soko ɛnɛ bo nê hio wan-mbarimɔ, mana hio ngawi, mana hio konga wi na.

Efeze 5:14

Hazu, mɔ fɛt ka ɛ gbasi long, yo tɛ bo nê saamɔ. Yo nê hazu ɛngi ka ɛ tɔa: «Mɛ ka dung ha ɔala, mɛ tun. Mɛ gutɛ ha soko hio fiowi, nɛ Christ beba tuka saamɔ ha zu mɛ.»

Jacques 1:10

Nɛ ya ha Christ, ka dung nê wan-kpamɔ, lɛma nde, wɛnɛ ade totɛ hazu Sɔ hilso wɛnɛ kari. Ey, wan-kpamɔ bepen tuka do bɛlɛ.

Jacques 1:21

Mɛgi, ɛnɛ lak mɔ nzing nɛ gdangamɔ fɛt gde. Ɛnɛ ze nɛ mɛndi wen ka Sɔ lesisi ha zang sila ɛnɛ. Hazu wen ɛngɛ lɛma kpasisi tunɔ pɛ ɛnɛ.