Deamɔ 15:4 - Takarata pɛ Sɔ Mbombe Mbon

⁴ Ka mbwa hɔa ha Jérusalem, *giliwi mɔ eglize, nɛ hio wan-nɛtom nɛ hio kotowi baa mbwa nɛ dede kɔ. Mbwa baa kasi mɔ fɛt, ka Sɔ dea nɛ wal mbwa.

Deamɔ 15:4 ပူးပေါင်းရင်းမြစ်များ

Matthieu 10:40

«Wi ka baa ɛnɛ nɛ dede kɔ, a baa mi. Nɛ wi ka baa mi nɛ dede kɔ, a baa Sɔ ka tomsa mi.

Deamɔ 11:30

Mbwa dea yo mɛgi. Mbwa tomsa Barnabas hinɛ Saul mɛ ku hio mɔ ndɔng fɛt nɛnɛ ha hio kotowi mɔ eglize ha Jérusalem.

Deamɔ 14:27

Nɛ ka mbwa hɔa ha Antioshe, mbwa wesara *giliwi mɔ eglize nɛ baa kasi mɔ fɛt, ka Sɔ dea nɛ wal mbwa. Mbwa tɔa fin nde, Sɔ haa wal mɛ mɛkiri Jésus ha hio wi ndɔng, ka bo nê *zuife na.

Deamɔ 15:12

Nɛ wi fɛt ka wesara may haki kara selele. Mbwa fɛt lɛnga zala ha tɛ Barnabas hinɛ Paul ha tɔa wen *mɔweka nɛ *mɔkifi, ka Sɔ dea nɛ wal mbwa ha soko hio wi ndɔng, ka bo nê zuife na.

Deamɔ 15:2

Paul nɛ Barnabas kafa wen ɛngɛ nɛ sio kafɛ nɛngaya hinɛ wi ndɔng. Ɛ bhɔngara wen nde, Paul, Barnabas nɛ hio ma wi anɛ ha Jérusalem, nɛ gde wen mɔ ɛngɛ ha li hio *wan-nɛtom nɛ hio kotowi mɔ eglize.

Deamɔ 15:22

Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 15:3

Eglize mɔ Antioshe gbakara mbwa nɛ mɔ fɛt hazu yali. Nɛ mbwa gɔna kandɔnu Fenisi nɛ *Samari. Ha liwal mbwa baa kasi ha hio wi pɛ Christ nde, wi ndɔng, ka bo nê *zuife na, kiforo sila nɛ mɛkara Jésus. Kasi ɛngɛ haa totɛ pentɛ ha hio wi pɛ Christ fɛt.

Deamɔ 15:6

Mɛgi hio wan-nɛtom nɛ hio kotowi wesara may hazu ki goto wen ɛngɛ.

Deamɔ 16:4

Ha hio gasa le, ka Paul, Silas nɛ Timothée pena ang, mbwa bulo wen mɔ, ka hio *wan-nɛtom nɛ hio kotowi ha Jérusalem kpoa zua. Nɛ mbwa mboa hio wi pɛ Christ mɛ pam wen ɛngɛ.

Deamɔ 18:27

Hapata, wɛnɛ nɛ hɛl mɛ nɛ ha Akai. Hio ya ha Christ mboa wɛnɛ nde, yo nɛ dedea. Mbwa ngɛraka ma takarata ha hio *wan-yambimɔ haki hazu ba wɛnɛ nɛ dede kɔ. Nɛ ka wɛnɛ hɔa haki, a gbakara dɔka wi ka mɛkara Jésus, hazu Sɔ dea *dede sila ha tɛ wa.

Deamɔ 21:17

Ka ɔ hɔa ha Jérusalem hio ya ha Christ baa ɔ nɛ dede kɔ.

Deamɔ 21:19

Paul fana mbwa, nɛ a baa kasi dedemɔ ndang ndang fɛt, ka Sɔ dea nɛ wal wɛnɛ ha soko hio wi ndɔng, ka bo nê *zuife na.

Rome 15:18

Hazu, nɛ wal mi Christ dea nde, hio kandɔ ka bo nê zuife na, aze nu Sɔ. Yo sɔna nê ɛngi, ka mi lɛma gu nu mɛ tɔ wena. A dea mɛgi nɛ wal hio wen nɛ deamɔ pɔm,

Rome 15:7

Ɛnɛ aba may nɛ dede kɔ gbesi tuka Christ baa ɛnɛ. Nɛ wal dea mɛgi ɛnɛ belukisi Sɔ.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

2 Korente 5:19

Kpasawen, Sɔ bhɔngara mɔ ha soko wa hinɛ hio wi mɔ nzan nɛ wal Christ. A tɔl gdangamɔ pɛ mbwa na. Nɛ wɛnɛ tomsa ɔ mɛ bul wen bhɔngaramɔ ɛngɛ.

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

Kolose 4:10

Aristarke ka dung hinɛ mi hakɛ ha twa zɔbhɔ fana ɛnɛ. Marc, beyang mɛ Barnabas, fana ɛnɛ fin. Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ, tuka mi tɔa wena ha ɛnɛ kari.

2 Jean 1:10

Ka ma wi ka osi ma mɔ nɛtɛ, tɛa ha pɛ ɛnɛ, ka ɛnɛ aba wɛnɛ nɛ dede kɔ ha twa pɛ ɛnɛ na, nɛ ka ɛnɛ afan wɛnɛ na.