Deamɔ 14:5 - Takarata pɛ Sɔ Mbombe Mbon

⁵ Hapata, hio ma zuife nɛ hio ma wi mɔ olo kandɔ, tɛ ba nɛ hio wan-le pɛ mbwa, guotɛ sungiri nɛ Paul hinɛ Barnabas hazu lo mbwa nɛ ta gbɛ.

Deamɔ 14:5 ပူးပေါင်းရင်းမြစ်များ

Matthieu 5:44

Ma, pɔm, mi tɔ ha ɛnɛ nde, ɛnɛ angoy hio ngana pɛ ɛnɛ, nɛ ɛnɛ agɔ Sɔ hazu wan-namili ɛnɛ.

Dede Wen hazu Jésus-Christ ka Luc ngɛraka 6:28

Ɛnɛ awol dede wen ha zu wi ndɔng ka fom ɛnɛ. Ɛnɛ agɔ Sɔ hazu ɛ ndɔng ka yukiti ɛnɛ.

Deamɔ 13:45

Ka hio zuife zɔka dɔka giliwi, mbwa angara dea silamɔ. Mbwa kɛkara wen ha nu Paul nɛ mbwa fɛngsa wɛnɛ.

Deamɔ 13:50

Hio zuife ilo hio ma konga bhoko, ka lukisi Sɔ, nɛ hio konga wei mɔ le ɛngi nde, mbwa anamili Paul hinɛ Barnabas nɛ yin mbwa gbo ha kandɔnu ɛngi.

Deamɔ 14:19

Hio ma *zuife guotɛ ha gasa le Antioshe nɛ Ikoniom tɛnɛ. Mbwa aa sɔkira ha zala hio wi, nɛ mbwa loa Paul nɛ ta. Hazu mbwa takara nde, a fea kari, mbwa daka wɛnɛ nɛnɛ ha gdong le.

Deamɔ 14:2

Ma, hio zuife ndɔng ka ngoy mɛkara na, aa sɔkira ha zala hio wi mɔ olo kandɔ nde, sila mbwa apang nɛ hio ya ha Christ.

Deamɔ 14:4

Ma, hio wi mɛ gasa le ɛngi kɛtana soko bwa. Hio ma dungɔ ha gdong hio zuife, nɛ hio ma ha gdong hio *wan-nɛtom.

Deamɔ 17:5

Ma, hio zuife dea silamɔ. Mbwa kaya hio ma wan-gdanga zu ha soko hio wi mɔ zando, nɛ mbwa aa sɔkira ha zala hio giliwi. Mɛgi mbwa angara dea woto-wotomɔ ha zang le. Mbwa nɛa nɛ ki Paul nɛ Silas ha twa pɛ Yason hazu gde mbwa ha li wi fɛt.

2 Korente 11:26

Ha hio dɔka yali pɔm, mi kpaa yeksamɔ ha mbeng li, mi kpɔya ha fio ha kɔ hio nagbɛwi, mi kpaa ngamɔ ha kɔ hio zuife, kandɔ pɔm, nɛ ha kɔ hio olo kandɔ, mi kpaa yeksamɔ ha hio gasa le, ha kpɛnu, ha li nana-litɔng, nɛ ha kɔ wi ndɔng ka tɔ nde, mbwa nê hio ya mi.

1 Tesalonike 2:14

Hio ya ɔ, ɛnɛ tɛ bo gbesi tuka hio *giliwi mɔ eglize pɛ Sɔ ha Judée. Mbwa ha dea sɔy hinɛ Jésus-Christ, mɛgi mbwa kpaa yeksamɔ ha kɔ hio bele pɛ mbwa, hio *zuife, gbesi tuka ka ɛnɛ kpaa nɛ yo ha kɔ hio bele pɛ ɛnɛ.

1 Tesalonike 2:16

Ɔ ha bulo wen ha hio kandɔ ka bo nê zuife na, tuka nde, mbwa akpasi. Nɛ hio zuife ngoy mɛ dol ɔ. Mɛgi, mbwa bhɔna ka swe fɛt ha yɛbhasa gdangamɔ pɛ mbwa. Ma, sising, Sɔ ha dea ngambi sungiri mbwa.

1 Tesalonike 2:2

Ɛnɛ ingɔ fin nde, sɔngsi mɛ hɔ ha pɛ ɛnɛ, hio wi ha le Filipe dea ngamɔ ha tɛ ɔ, nɛ mbwa yaa ɔ. Ma, ngase ka dɔka wi sungoro ɔ, Sɔ haa ɔ da mɛ bul *Dede Wen pɛa ha ɛnɛ.

2 Timothée 3:11

Mɛ ingɔ hio namalamɔ ka hio wi namala nɛ mi, nɛ hio ngamɔ ka mbwa dea ha tɛ mi ha le Antioshe, ha le Ikoniom nɛ ha le Listre. Mbwa namala mi pentɛ, ma, *Kongawan gbosasa mi ha zang mɔ ndɔng fɛt yunɛ.