Deamɔ 14:3 - Takarata pɛ Sɔ Mbombe Mbon

³ Ngase ɛngi, Paul nɛ Barnabas dungɔ ha Ikoniom ngimɔ nɛzikoa. Mbwa gdea tazu mbwa ha tɛ *Kongawan, mɛgi mbwa wolamɔ nɛ da. Mbwa bulo wen *dede sila pɛ Sɔ, nɛ Sɔ haa mbwa ngatɛ mɛ de nɛ *mɔweka nɛ *mɔkifi hazu osi nde, wen pɛ mbwa nê tɛwen.

Deamɔ 14:3 ပူးပေါင်းရင်းမြစ်များ

Marc 16:20

Nɛ hio wan-yambimɔ pena nɛ bul *Dede Wen ha bhandi fɛt. Mɛgi, Kongawan dungɔ ha dea tom hinɛ mbwa. A dea hio *mɔweka nɛ wal mbwa hazu gbasi ha hio wi nde, Dede Wen ka hio wan-yambimɔ bul nê tɛwen.]

Jean 4:48

Jésus kiforo wen ha wɛnɛ: «Pɛ ɛnɛ, ɛnɛ mɛkiri mi sɔna, ka ɛnɛ zɔka *mɔweka nɛ *mɔkifi.»

Deamɔ 13:46

Mɛgi, Paul nɛ Barnabas baa da nɛ tɔa ha mbwa: «Dea nde, ɛ atɔ wen pɛ Sɔ ha ɛnɛ sɔngsi. Ma, ɔ zɔka nde, ɛnɛ mulo yo pi. Ɛnɛ gbasa tɛ ɛnɛ tuka wi ka lɛm nɛ *tunɔ kpoo na. Mɛgi, ɔ ha kiforo tɛ nɛ ha pɛ hio wi ndɔng, ka bo nê zuife na.

Deamɔ 2:22

«Hio wi mɔ *Israel, ɛnɛ ze wen ka mi betɔ! Sɔ gbasa ziomɔ pɛ Jésus, wi mɔ Nazaret, hazu a dea nɛ wal wɛnɛ hio *mɔbhana, mɔkifi, nɛ mɔweka ha soko ɛnɛ, tuka ɛnɛ ingɔ yo nɛ pɛ ɛnɛ tɛ.

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Deamɔ 4:31

Ka mbwa karsa gɔa Sɔ, nu yaka ha bhandi ka mbwa dungɔ ang. Mbwa fɛt dona nɛ Nzɔy-Sɔtɛ, nɛ mbwa bulo wen pɛ Sɔ nɛ da.

Deamɔ 5:32

Ɔ zɔka mɔ ndɔng, nɛ ɔ kɛ wena nde, yo nê tɛwen. Nɛ *Nzɔy-Sɔtɛ, ka Sɔ haa ha wi ndɔng ka ze nu wa, tɔ ndangtɛ wen fin.»

Rome 1:16

Mi bo nɛ foy mɛ bul Dede Wen na. Hazu Dede Wen ɛngɛ nê ngatɛ pɛ Sɔ, ka wɛnɛ kpasisi nɛ hio wi ndɔng ka mɛkiri Jésus-Christ. Yo hazu kpasisi hio *zuife sɔngsi, nɛ fin, hazu kpasisi hio wi mɔ hio olo kandɔ.

1 Tesalonike 2:2

Ɛnɛ ingɔ fin nde, sɔngsi mɛ hɔ ha pɛ ɛnɛ, hio wi ha le Filipe dea ngamɔ ha tɛ ɔ, nɛ mbwa yaa ɔ. Ma, ngase ka dɔka wi sungoro ɔ, Sɔ haa ɔ da mɛ bul *Dede Wen pɛa ha ɛnɛ.

Hebro 2:4

Ha ndangtɛ ngimɔ, Sɔ fin osa nde, wen ɛngɛ nê tɛwen, nɛ wal hio *mɔweka, hio *mɔkifi, hio tili *mɔbhana nɛtɛ-nɛtɛ, nɛ fin nɛ wal hio ngatɛ pɛ *Nzɔy-Sɔtɛ, ka wɛnɛ haa ha hio wi tuka sila wa ngoya.