Deamɔ 13:1 - Takarata pɛ Sɔ Mbombe Mbon

¹ Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

Deamɔ 13:1 ပူးပေါင်းရင်းမြစ်များ

Matthieu 27:32

Ka mbwa ha gboa ha gasa le, mbwa kpaa ma wi mɔ Sirene, ling wa nde Simon. Hio wan-bibulo nɔsasa wɛnɛ mɛ gu getakate pɛ Jésus.

Dede Wen hazu Jésus-Christ ka Luc ngɛraka 3:1

Ha ndangtɛ ngimɔ ka *kongapora mɔ Rome, Sezar Tibere, dea tom lɛm bɛlɛ bhukɔ zanga mɔrkɔ, Ponse Pilate dungɔ gɔfɔrma mɔ kandɔnu Judée, Herode dungɔ kongapora mɔ kandɔnu Galile, Philippe ya mɛ Herode dungɔ kongapora mɔ kandɔnu Iture nɛ mɔ kandɔnu Trakoni, Lisanias dungɔ kongapora mɔ kandɔnu Abilene,

Deamɔ 11:30

Mbwa dea yo mɛgi. Mbwa tomsa Barnabas hinɛ Saul mɛ ku hio mɔ ndɔng fɛt nɛnɛ ha hio kotowi mɔ eglize ha Jérusalem.

Deamɔ 12:25

Ka Barnabas hinɛ Saul karsa tom pɛ mbwa ha Jérusalem, mbwa kuo Jean, ka ɛ sa fin nde Marc, sinɛ hinɛ mbwa.

Deamɔ 13:9

Mɛgi, Saul, ka ɛ sa fin nde, Paul, dona nɛ Nzɔy-Sɔtɛ, nɛ a gɛra wan-nganga ɛngɛ gdoo,

Deamɔ 15:32

Nɛ Jude nɛ Silas, ka dungɔ fin nê hio *wan-tɔkuliwen, mboa hio ya ndɔng nɛ dɔka wen hazu ngasisi mɛkaramɔ pɛ mbwa.

Deamɔ 15:35

Paul nɛ Barnabas bhɔna ha Antioshe. Mbwa hinɛ dɔka hio ma wi osa nɛ bulo *Dede Wen pɛ Kongawan.

Deamɔ 19:6

Paul gdea kɔ ha zu mbwa, nɛ Nzɔy-Sɔtɛ zilo ha zu mbwa. Mbwa angara wolamɔ nɛ hio nu pɛ Nzɔy-Sɔtɛ, nɛ mbwa tɔa kuliwen.

Deamɔ 21:9

Wɛnɛ nɛ bebhoko nar, ka tɛ si wei na. Mbwa dungɔ mɛ tɔ kuliwen pɛ Sɔ.

Deamɔ 4:36

Ma bezang pɛ Lévi ang, ling wa nde, Joseph. Ɛ bhɛa wɛnɛ ha Shipre. Hio wan-nɛtom haa ma ling wa nde, Barnabas, ka tɔ nde, wan-yɔkili wi.

Deamɔ 9:1

Saul bhɔna ha sɛna hio *wan-yambimɔ pɛ *Kongawan nɛngaya, nɛ a tɔa wen gbɛ mbwa. Ma swe ndang, a nɛa ha pɛ *wan-zu hio wan-hasadaka.

Rome 16:21

Timothée, sɔy-tom pɔm fana ɛnɛ. Hio nam pɔm, Lusius, Yason, nɛ Sosipater, fana ɛnɛ.

1 Korente 11:4

Wei ka gɔ Sɔ mana ka tɔ kuliwen pɛ Sɔ, nɛ ka gok zu wa, wɛnɛ pio foy ha li Christ ka dung nê wan hazu wa.

1 Korente 13:2

Ka Sɔ ha mi ngatɛ mɛ tɔ nɛ kuliwen pɛa, ka mi ing goto mɔ wuso pɛ Sɔ fɛt, ka mi nɛ ingɔmɔ fɛt, ka mi gu ngari gde ha ma bhandi nɛ wal mɛkaramɔ pɔm, ma, ka mi ngoy hio wi na, mi nê gombo mɔ.

1 Korente 13:8

Ngoy lɛm kari na. Tɔa kuliwen pɛ Sɔ bekari. Wolamɔ nɛ hio nu pɛ *Nzɔy-Sɔtɛ, yo bepen. Nɛ ingɔmɔ fin beyɛmili.

1 Korente 14:29

Ka bo nê pɛ wi ka tɔ kuliwen pɛ Sɔ, wi bwa mana tar lɛma tɔ wen. Nɛ hio mbinga agba soko mɔ ka mbwa tɔa.

1 Korente 14:32

Wi ka dung nɛ ngatɛ mɛ tɔ kuliwen pɛ Sɔ, lɛma nde, wɛnɛ adung nê wan hazu ngatɛ ɛngɛ.

1 Korente 9:6

Mi hinɛ Barnabas ha dea tom nɛ kɔ ɔ hazu gbakiri nɛ tɛ ɔ. Yo sɔna nê ɔ ka mɔ nɔsisi mɛ de mɛgi nde?

Galasi 2:13

Nɛ hio olo wi pɛ Christ mɔ kandɔ zuife fɛt angara dea dambari gbesi tuka Pierre. Ngase Barnabas fin nɛ pɛa tɛ, a lesasa tɛ wa ha zang dambari ɛngɛ.

Galasi 2:9

Jacques, Pierre nɛ Jean, ka hio wi pɛ Christ mɛkara tuka hio wi mɔ zu eglize, mbwa zɔka nde, Sɔ haa tom ɛngɛ ha mi. Yo nê ɛngi, ka mbwa fana mi hinɛ Barnabas nɛ kɔ hazu osi nde, ɔ hinɛ mbwa, ɔ tɛ bo nê sɔy-tom ha bulo Dede Wen. Mbwa bebhɔn ha dea tom ha soko kandɔ zuife, nɛ ɔ benɛ nɛ de tom ha soko hio olo kandɔ.

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

Filipe 4:22

Hio olo wi pɛ Christ ka dung hakɛ, pen fɛt ɛ ndɔng mɔ zang kin pɛ *kongapora Sezar, fana ɛnɛ.

1 Tesalonike 5:20

Ka ɛnɛ abhɛsiri hio kuliwen na.