Deamɔ 12:3 - Takarata pɛ Sɔ Mbombe Mbon

³ Ka wɛnɛ zɔka nde, hio *zuife dungɔ nɛ totɛ ha wena, a haa nu nde, ɛ aba fin Pierre. Mɔ ɛngɛ hɔa ha ngimɔ yenga yɔng mampa ka ha na.

Deamɔ 12:3 ပူးပေါင်းရင်းမြစ်များ

Matthieu 26:17

Ha bosi yala yenga mampa ka ha na, hio wan-yambimɔ tɛa tɛ ani Jésus: «Mɛ ngoya nde, ɔ agi yɔngamɔ mɔ yenga Pake ha mɛ ha ndo nde?»

Jean 12:43

Hazu mbwa ngoya lukosomɔ pɛ hio wi pen lukosomɔ ka tɛ nɛ Sɔ.

Jean 19:11

Jésus kiforo wen ha wɛnɛ: «Mɛ bo nɛ ziomɔ ha zu mi na, ka Sɔ tɛ ha yo ha mɛ na. Hazu ɛngi, wi kɛ ka gdea mi ha kɔ mɛ, gdangamɔ pɛa pena pɛ mɛ.»

Jean 21:18

Kpasawen, mi tɔ ha mɛ nde, ha ngimɔ ka mɛ bhɔna pɔlɔmbɔ, mɛ dungɔ ha bhɔngara tɛ nɛ tɛ mɛ hazu yal ha bhandi ka sila mɛ ngoya. Ma, ka mɛ gbɛla kari, mɛ beyafifi hio kɔ mɛ, nɛ ma mbing wi bebhɔngiri tɛ mɛ hazu ku mɛ nɛnɛ ha ma bhandi ka mɛ ngoy na.»

Deamɔ 12:4

Ka ɛ baa Pierre pi ha twa zɔbhɔ, Herode weka hio zugili bulo nar hazu pɛm wɛnɛ. Ha zang zugili ndɔng ndang ndang, ɛ kpa wan-bibulo nar. Herode takara mɛ gɔn kita ha zu Pierre ha li hio wi fɛt hapata yenga *Pake.

Deamɔ 2:14

Mɛgi Pierre guotɛ hinɛ hio olo *wan-nɛtom bhukɔ gbala ndang, nɛ a tɔa nɛ ngagɛl: «Ɛnɛ hio *zuife nɛ hio wi mɛ Jérusalem fɛt, ɛnɛ lɛngi zala nɛ ze mi nɛdedea hazu ing gotomɔ ɛngɛ.

Deamɔ 20:6

Ma, ɔ, hio olo wi, ɔ lea kuga ha le Filipe hapata yenga yɔng mampa ka ha na. Hapata yala mɔrkɔ, ɔ kpaa mbwa ha Troas. Nɛ ɔ dea dimasi ndang haki.

Deamɔ 24:27

Nɛ ka kili bɛlɛ bwa pena, gɔfɔrma Porsius Festus baa bhandi pɛ Félix. Nɛ Félix gdea Paul bhɔn ha twa zɔbhɔ hazu a ngoya haa totɛ ha hio zuife.

Deamɔ 25:9

Festus ngoya ha totɛ ha hio zuife, nɛ wɛnɛ ana Paul nɛ tɔa: «Mɛ ngoya nɛ ha Jérusalem nde? Haki, mbwa begɔn kita ha zu mɛ ha li mi hazu wen ndɔng.»

Deamɔ 4:13

Ka hio wan-kpo zuwen zɔka da pɛ Pierre nɛ Jean, mbwa yaksa, hazu mbwa ingɔ nde, wi ndɔng bwa nê hio gele wi ka tɛ yambi dɔka mɔ na. Ma, mbwa ingɔ nde, wi ndɔng bwa badung hinɛ Jésus.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

1 Tesalonike 2:4

Hazu Sɔ wea ɔ nɛ a kpaa nde, ɔ lɛma ha li wa ka wɛnɛ agde tom bulo Dede Wen ha kɔ ɔ. Mɛgi ɔ ha wolamɔ bo hazu ha totɛ ha wi na, ma, hazu ha totɛ ha Sɔ ka we takaramɔ sila pɛ ɔ.