Deamɔ 10:22 - Takarata pɛ Sɔ Mbombe Mbon

²² Mbwa kiforo wen: «Yo nê Korneille, kagama-bulo, ha tomsi ɔ. Wɛnɛ nɛ nzeng nɛ mboazu ha li Sɔ. Hio wi mɔ kandɔ zuife fɛt tɔa dede lingtɛ wa. Ma telenge pɛ Sɔ tɔa ha wɛnɛ mɛ sa mɛ ha twa pɛa hazu ze wen nu mɛ.»

Deamɔ 10:22 ပူးပေါင်းရင်းမြစ်များ

Matthieu 1:19

Wei pɛa Joseph dungɔ nê *nzeng wi. A takara nde, ka wɛnɛ kafi Marie ha li wi fɛt, ki yo bedung nê mɔ foy. Mɛgi a ngoya mɛ kafi wɛnɛ nɛ wuso.

Matthieu 2:12

Hapata, Sɔ gba tazu mbwa nɛ wal lisɔ nde, ka mbwa akifiri fin tɛ ha pɛ Herode na. Mɛgi mbwa sio ha le pɛ mbwa nɛ ma mbing wal.

Marc 6:20

hazu Herode dungɔ ha yuo ke Jean. Herode ingɔ nde, Jean nê *nzeng wi nɛ nzɔy wi. Mɛgi wɛnɛ dungɔ ha pama Jean. Nɛ ka wɛnɛ zea wen ka Jean tɔa, sila wa bhunzoko ngase ka wɛnɛ zea Jean nɛ totɛ.

Marc 8:38

Hio wi mɔ ngimɔ ɛngɛ bo nɛ mboazu na, nɛ mbwa nê *wan-de gdangamɔ. Ka mɛ de foy ha li mbwa hazu ling mi nɛ hazu wen pɔm, mɛgi mi, *Bewei pɛ Wi, mi bede foy fin hazu mɛ, ha ngimɔ ka mi betɛ hinɛ hio nzɔy *telenge ha zang *lɛkɛ-lɛkɛmɔ pɛ Bafa mi.»

Dede Wen hazu Jésus-Christ ka Luc ngɛraka 2:25

Ma wei ang ha Jérusalem, ling wa nde Siméon. Wɛnɛ nê *nzeng wi, ka yu ke Sɔ. A kera wan-yɔkili *Israel nɛting. Nɛ *Nzɔy-Sɔtɛ dungɔ ha zu wa,

Dede Wen hazu Jésus-Christ ka Luc ngɛraka 23:50

Ma wei mɔ Arimate, ma le ha Judée, ling wa nde Joseph ang fin haki. Wɛnɛ nê ma ha soko hio *wan-kpo zuwen, ma, a tɛ mɛkiri kpoa zuwen nɛ deamɔ pɛ hio oloa na. Wɛnɛ nê dede nɛ *nzeng wi, nɛ a dungɔ ha kera nɛting ngimɔ ka *Kongakandɔ pɛ Sɔ behɔ.

Dede Wen hazu Jésus-Christ ka Luc ngɛraka 9:26

Ka ma wi nɛ foy hazu mi nɛ hazu wen pɔm, mi, Bewei pɛ Wi, bedung nɛ foy hazu wa ha ngimɔ ka mi bekifiri ha zang *lɛkɛ-lɛkɛmɔ pɔm, pɛ Bafa mi nɛ pɛ hio nzɔy *telenge.

Jean 13:20

Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»

Jean 17:20

«Mi gɔ mɛ hazu mbwa sɔna na, ma, mi gɔ mɛ fin hazu wi ndɔng fɛt ka bemɛkiri mi nɛ wal bulowen pɛ mbwa.

Jean 17:8

Hazu mi tɔa ha mbwa hio wen ndɔng ka mɛ batɔ ha mi, nɛ mbwa mɛkara yo. Mbwa ingɔ nɛkpasa nde, mi guotɛ ha pɛ mɛ tɛnɛ. Nɛ mbwa mɛkara nde, yo nê mɛ ka tomsa mi tɛnɛ.

Jean 5:24

«Kpasawen, mi tɔ ha ɛnɛ nde, wi ka ze wen pɔm nɛ ka mɛkiri Sɔ ka tomsa mi, a bedung nɛ *tunɔ kpoo. Sɔ lɛm gɔn kita ba wɛnɛ fin na. Mɛgi, wia laka fio gde kari, nɛ a tɛ bo nɛ tunɔ.

Jean 6:63

Yo nê *Nzɔy-Sɔtɛ ka ha tunɔ ha hio wi. Wi lɛm de ma mɔ nɛ pɛa tɛ na. Hio wen ndɔng ka mi tɔa ha ɛnɛ don nɛ Nzɔy-Sɔtɛ ka ha tunɔ ha hio wi.

Jean 6:68

Nɛ Simon Pierre kiforo wen ha wɛnɛ: «*Kongawan, ɔ betɛ lak mɛ gde, tɛ nɛ ha pɛ o? Yo nê wen pɛ mɛ, ka dung nê wen ka ha tunɔ kpoo.

Deamɔ 10:2

Wɛnɛ hinɛ hio wi mɛ twa pɛa fɛt dungɔ ha lukoso Sɔ nɛ mboazu. A dungɔ ha dea dedemɔ ha tɛ hio fabha wi *zuife nɛdɔka, nɛ a dungɔ ha gɔa Sɔ kpoo.

Deamɔ 10:21

Mɛgi, Pierre zilo nɛ kpaa wi ndɔng. A tɔa ha mbwa: «Mi nê wi kɛ ka ɛnɛ ha kioa. Ɛnɛ tɛa hazu ge?»

Deamɔ 10:30

Korneille kɔa nɛ tɔa: «Yo tɛ bo nê yala nar mɛsɛ, ha ngonga tar mɔ wal mbolo tuka mɔ sising. Mi dungɔ hakɛ ha gɔa Sɔ ha twa pɔm, ka ma wi nɛ lɛkɛ-lɛkɛ latɛ tɛa tɛ yol ha li mi.

Deamɔ 10:33

«Mɛgi, mi tomsa hio wi nɛhasa hazu nɛ, nɛ sa mɛ. Mɛ dea nɛdedea hazu mɛ tɛa. Sising, ɔ fɛt dung hakɛ ha li Sɔ hazu ze hio wen fɛt, ka Kongawan gdea ha nu mɛ.»

Deamɔ 10:6

Wɛnɛ ha pɛ ma wan-de tom kotu ka ɛ sa nde, Simon. Twa pɛa ha nukolo nana-litɔng.»

Deamɔ 11:14

A betɔ ha mɛ wen wal ka Sɔ bekpasisi mɛ nɛ hio wi mɛ twa pɛ mɛ fɛt.›

Deamɔ 22:12

«Ma wi dungɔ haki ling wa nde, Ananias. Wɛnɛ nɛ mboazu ha li Sɔ, nɛ wɛnɛ ha pama *mbonga pɛ Moïse. Hio *zuife mɔ Damas fɛt ha tɔa dede lingtɛ wa.

Deamɔ 24:15

Mi gde tazu mi ha tɛ Sɔ gbesi tuka mbwa fin nde, hapata fio, wɛnɛ betunsi bin hio *nzeng wi nɛ hio *kalbho-kalbho wi fɛt.

Deamɔ 6:3

Hazu ɛngi, hio ya ɔ, ɛnɛ weki hio wi mɔrkɔ zanga bwa ha soko ɛnɛ, ka ɔ agde tom kapana yɔngamɔ ha kɔ mbwa. Lɛma nde, mbwa adung nɛ dede ling, nɛ mbaramɔ, nɛ sila ka don nɛ *Nzɔy-Sɔtɛ.

Rome 1:17

Kpasawen, Dede Wen gbasi wal ka Sɔ gde wi nzeng ha li wa. Hazu kpa wal ɛngɛ, lɛma ka lɛm sɔna nde, wia amɛkiri Jésus-Christ, nɛ mɛkaramɔ ɛngɛ belɛm nɛkpasa. Yo gbesi tuka ɛ ngɛraka ha takarata pɛ Sɔ nde, «Wi ka dung nzeng ha li Sɔ nɛ wal mɛkaramɔ, wia bedung nɛ tunɔ.»

2 Korente 5:18

Mɔ ndɔng fɛt tɛa nɛ wal Sɔ, ka bhɔngara mɔ ha soko wa hinɛ ɔ nɛ wal Christ. Sɔ gdea ɔ ha tom mɛ yɛbhisi dɔka hio wi ka wɛnɛ bhɔngara mɔ hinɛ mbwa.

1 Timothée 3:7

Lɛma fin nde, lingtɛ wi mɔ zu eglize adung nɛ dedea ha zala hio wi mɔ nzan yu nde, mbwa betɛ bhɛsiri wɛnɛ, nɛ Satan betɛ ba wɛnɛ ha pɔndɔ pɛa.

Hebro 10:38

Nɛ wi ka dung nzeng ha li mi, bebhɔn nɛ zutunɔ nɛ wal mɛkara mi. Ma, ka wɛnɛ laka wala gde, mi lɛm de totɛ tɛ wa na.»

Hebro 11:2

Hio gasa ngbabafa ɔ bamɛkiri Sɔ. Yo nê hazu ɛngi ka Sɔ tɔa dede lingtɛ mbwa.

Hebro 12:23

Ɛnɛ tiko nɛ hapɛtɛ wesara may yenga pɛ hio kay bem pɛ Sɔ, ka ling mbwa ha zang takarata ha ngɔn. Ɛnɛ tiko nɛ hapɛtɛ Sɔ ka gɔn kita ha zu hio wi fɛt, nɛ fin hapɛtɛ sɔtɛ hio *nzeng wi ka Sɔ lɛmsara mbwa wɛɛ kari.

2 Pierre 3:2

Tazu ɛnɛ agba nɛ hio wen ndɔng ka hio nzɔy *wan-tɔkuliwen batɔ sɔngsi bhee. Nɛ tazu ɛnɛ agba fin nɛ *mbonga pɛ *Kongawan, *Wan-kpasisi ɔ, ka hio *wan-nɛtom pɛa osa ha ɛnɛ.

3 Jean 1:12

Ka bo nê pɛ Demetrius, wi fɛt ha tɔa dede lingtɛ wa. Hio deamɔ pɛa ka lɛm nɛ tɛwen, ha tɔa ndangtɛ wen. Nɛ ɔ fin ha tɔa yo gbesi. Mɛ ingɔ nde, wen ka ɔ tɔ, yo nê tɛwen.

Gbasamɔ 14:10

mbwa benɔ ba li vigne pɛ Sɔ. Yo nê li vigne mɔ ngambi pɛ Sɔ, ka wɛnɛ tɛ sɔkiri na, nɛ ka wɛnɛ gɔsa ha zang kɔpɔ mɔ ngambi pɛa. Nɛ mbwa bekpa yukotomɔ ha zang we nɛ piti we ha li hio nzɔy telenge nɛ ha li Besami.