Deamɔ 10:11 - Takarata pɛ Sɔ Mbombe Mbon

¹¹ A zɔka nu ngɔn gboa long, nɛ ma mɔ ha ziloa tɛ ha li wa tuka gasa la ka ɛ ba nɛ ngbilia nar.

Deamɔ 10:11 ပူးပေါင်းရင်းမြစ်များ

Matthieu 8:11

Ma, mi tɔ ha ɛnɛ nde, dɔka wi begutɛ ha wal gutɛ swe, nɛ ha wal ɔnu swe, nɛ mbwa bewesiri may ha yɔngamɔ hapɛtɛ tabolo hinɛ Abraham, Isaac nɛ Jacob ha *Kongakandɔ Ngɔn.

Dede Wen hazu Jésus-Christ ka Luc ngɛraka 3:21

Ka Jean tɛ le ka zɔbhɔ na, a gdumso hio wi fɛt ka tɛa ha pɛa. Nɛ a gdumso fin Jésus. Ha ngimɔ ka Jésus ha gɔa Sɔ, liswe gboa long.

Jean 1:51

Jésus tɔa fin: «Kpasawen, mi tɔ ha ɛnɛ nde, ɛnɛ bezɔk nu ngɔn nɛ gbosasa long, nɛ ɛnɛ bezɔk fin hio *telenge pɛ Sɔ ha dangaa nɛ ha ziloa ha pɔm, *Bewei pɛ Wi.»

Jean 11:52

Nɛ yo bo nê hazu kandɔ zuife sɔna na. Ma, hazu wesiri hio bem pɛ Sɔ, ka de le ha nzan fɛt.

Jean 12:32

Nɛ ka ɛ guo mi gde ha ngɔn kari, mi bedak hio wi fɛt tɛnɛ ha pɔm.»

Deamɔ 10:12

Ha zanga hio tili sari ang nɛtɛ-nɛtɛ: Ɛ ndɔng ka dung nɛ nanga nar, ɛ ndɔng ka hay nɛ nu, nɛ fin hio nɔy.

Deamɔ 11:5

«Mi dungɔ ha gasa le Zope. Ma swe ka mi ha gɔa Sɔ, mi zɔka zizimɔ. Mi zɔka mɔ tuka gasa la ka ɛ ba ha ngbilia nar. Yo ha ziloa ha ngɔn tɛ ha li mi.

Deamɔ 7:56

A tɔa: «Ɛnɛ ze, mi zɔka ngɔn gboa long, nɛ *Bewei pɛ Wi, ha yola ha wekɔ Sɔ.»

Rome 1:16

Mi bo nɛ foy mɛ bul Dede Wen na. Hazu Dede Wen ɛngɛ nê ngatɛ pɛ Sɔ, ka wɛnɛ kpasisi nɛ hio wi ndɔng ka mɛkiri Jésus-Christ. Yo hazu kpasisi hio *zuife sɔngsi, nɛ fin, hazu kpasisi hio wi mɔ hio olo kandɔ.

Rome 9:4

Mbwa nê hio kandɔ pɛ Israel, ka Sɔ weka tuka hio bem pɛa. A osa *lɛkɛ-lɛkɛmɔ pɛa ha mbwa, a nɔa *mbon hinɛ mbwa, a haa *mbonga pɛa ha mbwa, a osa ha mbwa wal mɛ lukisi wɛnɛ, nɛ a gɔna nu nɛdɔka ha mbwa.

Galasi 2:15

Ɔ nê hio zuife nɛ wal bhɛ. Ɔ bo nê hio *wan-de gdangamɔ tuka hio olo kandɔ na.

Galasi 3:28

Mɛgi, gbaa soko kandɔ *zuife nɛ olo kandɔ bo fin na. Gbaa soko bala nɛ bele bo fin na. Gbaa soko wei nɛ bhoko bo fin na. Ha dea sɔy hinɛ Jésus-Christ, ɛnɛ fɛt tɛ bo nê wi ndang.

Efeze 1:10

Mɔ ɛngɛ ka Sɔ belɛmsiri ha dede ngimɔ, yo nde, a bewesiri hio mɔ ha zang ngɔn nɛ zu nu fɛt gde ha kɔ Christ nde, wɛnɛ adung wan hazua.

Efeze 3:6

Mɔ ɛngɛ, yo nde: Nɛ wal Dede Wen, hio wi ndɔng ka bo nê zuife na, Sɔ beha mbwa ndangtɛ likɔ hinɛ hio zuife gbesi. Mbwa tɛ bo nê kilitɛ ndang hinɛ hio zuife gbesi. Mɛgi, mbwa bwa fɛt gbesi bekpa mɔ ka Sɔ gɔna nua nɛ wal Jésus-Christ.

Kolose 3:11

Mɛgi, kandɔ *zuife, hio olo kandɔ, hio wan-gɔn sɔru, hio wan-sɔru, hio wi mɔ bebe le, hio tombɔ, hio bala nɛ hio bele, mbwa fɛt bo fin nɛtɛ-nɛtɛ na. Gasa mɔ, yo ka nê Christ, ka dung ang ha tɛ mbwa fɛt.

Gbasamɔ 11:19

Ha zang ngɔn, nu *gasa twa Sɔ gboa long. Nɛ ɛ zɔka ang kubha *mbon pɛ Sɔ. Pioli kolo, gisi nɛ tubho da kolo gboa ha ngɔn, nu yaka, nɛ kolo bhɔkala gɔya nɛdɔka.

Gbasamɔ 19:11

Hapata ɛngi, mi zɔka ngɔn gboa long, nɛ ma bu yanga yola ang. Ling wan-dang yanga ɛngɛ nde, «Wan-mboazu» nɛ «Wan-tɛwen.» Wɛnɛ ha gɔna kita nɛ ha bio bulo nɛ wala nzeng.

Gbasamɔ 4:1

Hapata ɛngi, mi zɔka fin ma zizimɔ: Mi zɔka ma nutwa ka gboa ha zang ngɔn long. Nɛ ndangtɛ gɛl wi ka mi zea nɛ bosia, wolamɔ ha mi tuka gɛl mbia, nɛ tɔa: «Mɛ dang hakɛ ka mi aosi ha mɛ mɔ ndɔng ka behɔ ha pata.»