Deamɔ 1:8 - Takarata pɛ Sɔ Mbombe Mbon

⁸ Ma, ka *Nzɔy-Sɔtɛ zilo ha zu ɛnɛ, ɛnɛ bekpa ngatɛ, nɛ ɛnɛ bedung hio wan-bul wen tɛ mi ha hio wi mɛ Jérusalem, hio wi mɛ kandɔnu Judée nɛ kandɔnu *Samari fɛt, gbo ha kpogio nzan.»

Deamɔ 1:8 ပူးပေါင်းရင်းမြစ်များ

Matthieu 24:14

Nɛ ɛ bebul *Dede Wen *Kongakandɔ pɛ Sɔ dam nzan fɛt tuka nde, hio wi mɔ hio kandɔ fɛt aze yo. Hapata, kpogio ngimɔ behɔ.»

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Marc 16:15

Nɛ wɛnɛ tɔa ha mbwa fin: «Ɛnɛ nɛ ha nzan fɛt, nɛ bul *Dede Wen ha hio wi fɛt.

Dede Wen hazu Jésus-Christ ka Luc ngɛraka 1:35

Telenge tɔa ha wɛnɛ: «*Nzɔy-Sɔtɛ betɛ ha zu mɛ, nɛ Sɔ ha kuso ngɔn begok mɛ nɛ ngatɛ pɛa tuka zizi. Hazu ɛngi bem ka mɛ bebhɛ bedung nɛ nzɔya, nɛ ɛ besa wɛnɛ nde, Bewei pɛ Sɔ.

Dede Wen hazu Jésus-Christ ka Luc ngɛraka 10:19

Mi haa ɛnɛ ziomɔ hazu um zu gɔk nɛ tolɛ, nɛ hazu gan zu ngatɛ fɛt pɛ Satan, kɔmbɛ pɛ ɔ. Nɛ ma mɔ ndang lɛm de gdangamɔ ha tɛ ɛnɛ na.

Dede Wen hazu Jésus-Christ ka Luc ngɛraka 24:29

Ma, mbwa dola wɛnɛ nɛ tɔa: «Mɛ bhɔn hinɛ ɔ hazu mɔ gaa kari, nɛ zɛ betɛ de sising.» Mɛgi a lea twa hazu bhɔn hinɛ mbwa.

Jean 15:27

Mɛgi, ɛnɛ betɔ wen tɛ mi fin ha hio wi. Hazu ɛnɛ dungɔ hinɛ mi nisi ha ngimɔ angara tom pɔm kanɛ swe mɛsɛ.»

Deamɔ 1:5

Jean gdumso hio wi ha li, ma, yala dɔk na, Sɔ begdumsi ɛnɛ ha zang Nzɔy-Sɔtɛ.»

Deamɔ 13:31

Ha zang dɔka yala, Jésus gbasa tɛ ha hio wi ndɔng, ka banɛ hinɛ wɛnɛ angiri ha Galile hɔ ha Jérusalem. Yo nê mbwa ka tɛ bo nê hio wan-bul wen tɛ wa ha hio wi mɛ kandɔ Israel.

Deamɔ 2:32

«Ɔ nê wan-kɛwen nde, Sɔ tunso Jésus ɛngɛ ha soko hio fiowi.

Deamɔ 22:15

Mɛ bekɛ wen pɛa ha li wi fɛt, nɛ mɛ betɔ wen mɔ, ka mɛ zɔka nɛ ka mɛ zea.

Deamɔ 3:15

Mɛgi, ɛnɛ gbɛa wi ɛngɛ ka lɛma mɛ ha tunɔ ha hio wi. Ma, ɔ zɔka nɛ gbali ɔ, ka Sɔ guo wɛnɛ yunɛ ha soko hio fiowi. Nɛ ɔ ha bulo wena ha li wi fɛt.

Deamɔ 4:33

Hio *wan-nɛtom kɛa nɛ bulo wen nɛ gasa ziomɔ nde, *Kongawan Jésus guotɛ ha soko hio fiowi. Nɛ Sɔ dea *dede sila gdang ha tɛ mbwa fɛt gbi.

Deamɔ 5:32

Ɔ zɔka mɔ ndɔng, nɛ ɔ kɛ wena nde, yo nê tɛwen. Nɛ *Nzɔy-Sɔtɛ, ka Sɔ haa ha wi ndɔng ka ze nu wa, tɔ ndangtɛ wen fin.»

Deamɔ 6:8

Sɔ dea *dede sila ha tɛ Etienne pentɛ, nɛ a haa wɛnɛ ziomɔ nɛdɔka. Mɛgi, Etienne dungɔ ha dea *mɔkifi nɛ gasa *mɔweka ha soko hio wi.

Deamɔ 8:1

Saul mɛkara nɛdedea gbɛa Etienne. Angiri ha swe gbɛa Etienne, ɛ namala hio wi mɔ eglize nɛkpasa ha Jérusalem. Mbwa fɛt yambala yumɔ nɛ ha kandɔnu Judée nɛ *Samari. Yo nê hio *wan-nɛtom sɔna ka bhɔna ha Jérusalem.

Rome 10:18

Mɛgi, mi ani mɔ nde, hio zuife tɛ ze kasi na, kpasawen nde? Dalo, mbwa zea yo. Yo gbesi tuka ka ɛ ngɛraka ha takarata pɛ Sɔ: «Hio wi zea gɛl hio wan-nɛkasara dam zu nu fɛt, hio wen pɛ mbwa hɔa ha kpogio nzan.»

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.