Deamɔ 1:16 - Takarata pɛ Sɔ Mbombe Mbon

¹⁶ «Hio ya mi, ha zang takarata pɛ Sɔ, *Nzɔy-Sɔtɛ bagbasi nɛ wal nu David ma mɔ hazu Judas, wi ka baosi wal ha hio wan-ba Jésus. Dea nde, mɔ ɛngɛ alɛmsiri tɛ.

Deamɔ 1:16 ပူးပေါင်းရင်းမြစ်များ

Matthieu 26:14

Hapata, ma ndang ha soko *wan-nɛtom bhukɔ gbala bwa, ling wa nde Judas Iskariote, nɛa ha pɛ hio gasa wan-hasadaka,

Matthieu 26:47

Nɛ ka Jésus boka ha wolamɔ, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka nɛ hio kotowi pɛ hio *zuife ka tomsa wi ndɔng.

Matthieu 26:54

Ma, ka Sɔ de mɛgi, ki takarata pɛ Sɔ ka tɔa nde, mɔ behɔ mɛgi, belɛmsiri tɛ mɛng?»

Matthieu 26:56

Ma, yo fɛt hɔa mɛgi, tuka nde, mɔ ka hio *wan-tɔkuliwen bangɛriki ha zang takarata pɛ Sɔ alɛmsiri tɛ.» Mɛgi, hio wan-yambimɔ fɛt yuo mɔ pen lak Jésus gde.

Marc 12:36

*Nzɔy-Sɔtɛ bale se sila David, nɛ wɛnɛ batɔ: ‹*Kongawan Sɔ tɔa ha Kongawan pɔm: Mɛ dungnu ha wekɔ mi, mi begde hio ngana pɛ mɛ adung nê mɔ-gde nanga mɛ.›

Marc 14:43

Ha ndangtɛ ngimɔ ka Jésus boka ha tɔa wen ndɔng, Judas, ma ndang ha soko *wan-yambimɔ bhukɔ gbala bwa, hɔa hinɛ hio giliwi ha pata wa. Mbwa dungɔ nɛ hio gbapa nɛ mbiti te ha kɔ mbwa. Yo nê hio gasa wan-hasadaka, hio *wan-osi mbonga nɛ hio kotowi pɛ hio *zuife ka tomsa wi ndɔng.

Dede Wen hazu Jésus-Christ ka Luc ngɛraka 22:47

Ka Jésus boka ha wolamɔ, zugiliwi hɔa. Judas, ma *wan-nɛtom pɛa ha soko bhukɔ gbala bwa, nɛa ha li mbwa. A tiko tɛ hapɛtɛ Jésus hazu duy mbuku wa.

Jean 10:35

Hio wi ndɔng ka Sɔ tɔa wen ha mbwa, a saa mbwa nde, hio sɔ. Nɛ Wen pɛ Sɔ lɛm tukili ndang na.

Jean 13:18

«Mi tɔ wen ɛngɛ bo hazu ɛnɛ fɛt na. Mi ingɔ wi ndɔng ka mi weka. Ma, lɛma nde, wen ɛngɛ ha zang takarata pɛ Sɔ alɛmsiri tɛ: ‹Wi kɛ ka mi yɔngamɔ hinɛ may, tɛ bo nê kɔmbɛ pɔm.›

Jean 17:12

Ha ngimɔ ka mi dungɔ hakɛ ha nzan, mi pama mbwa nɛ wal ziomɔ pɛ ling mɛ ka mɛ haa ha mi. Mi pama mbwa, nɛ ma ndang tɛ yɔ mɔ na, kanɛ wi kɛ ka ɛ bangɛriki se wen pɛa ha zang takarata pɛ mɛ nde, a beyɔmɔ. Mɛgi, wen ɛngi lɛmsara tɛ.

Jean 19:36

Hazu mɔ hɔa mɛgi tuka nde, wen ɛngɛ ha takarata pɛ Sɔ alɛmsiri tɛ: «Ɛ lɛm gbin ma gbala tɛ wa ndang na.»

Deamɔ 1:20

«Hazu ɛ ngɛraka ha zang takarata *gima pɛ David tuka ɛngɛ: ‹Dea nde, twa pɛa adung nɛ gomboa. Ka ma wi aɔ ang fin na.› Nɛ fin nde, ‹Ma mbing wi aba bhandi tom ka wɛnɛ laka gde.›

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Deamɔ 13:38

Mɛgi, hio ya mi, ɛnɛ aing nde, Sɔ bheka mɛ bisi *sɛmbɔ pɛ ɛnɛ nɛ wal Jésus. Mbonga pɛ Moïse lɛm de nde, ɛnɛ apen sɛɛ ha li kita pɛ Sɔ, na.

Deamɔ 15:13

Ka mbwa karsa tɔa wen, Jacques kɔa nɛ tɔa: «Hio ya mi, ɛnɛ ze mi!

Deamɔ 15:7

Nɛ ka mbwa sio kafɛ nɛdɔka, Pierre guotɛ tɔ ha mbwa: «Hio ya mi, ɛnɛ ingɔ nde, yo tɛ bo nê ngimɔ nɛdɔka, ka Sɔ saa mi ha soko ɛnɛ hazu bul *Dede Wen ha wi ndɔng, ka bo nê zuife na, tuka nde, mbwa aze yo nɛ mɛkiri Jésus.

Deamɔ 2:23

Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Deamɔ 2:37

Ka hio wi zea wen ndɔng, gasa ngɔtɛ baa mbwa, nɛ mbwa ana Pierre nɛ hio olo wan-nɛtom: «Hio ya ɔ, ɔ bede mɛng?»

Deamɔ 22:1

«Hio ya mi, hio bafa mi, ɛnɛ ze mɔ ka mi betɔ hazu kɛ nɛ wen pɔm sising.»

Deamɔ 23:1

Paul zɔka hio wan-kpo zuwen gdoo, nɛ a tɔa: «Hio ya mi, ingɔmɔ sila pɔm gbasa ha mi nde, swe fɛt, mi dungɔ nɛdedea ha li Sɔ gbo ha swe mɛsɛ.»

Deamɔ 23:6

Paul ingɔ nde, hio ma wan-kpo zuwen nê zugili *Sadusien, nɛ hio ma nê zugili *Farizien. Mɛgi, a gdɔra ha mbwa nɛ ngagɛl: «Hio ya mi, mi nê tɛ Farizien, bezang pɛ hio Farizien. Ɛ gdea mi hakɛ ha li kita hazu mi mɛkara nde, hio fiowi begutɛ.»

Deamɔ 28:17

Hapata yala tar, Paul saa hio gasa wi pɛ hio *zuife mɔ Rome ha pɛa. Ka mbwa wesara may, Paul tɔa ha mbwa: «Hio ya mi, mi tɛ de ma gdangamɔ ndang sungiri nɛ kandɔ *Israel, mana sungiri nɛ ndɔki deamɔ pɛ hio ngbabafa ɔ na. Ngase ɛngi, ɛ baa mi ha Jérusalem gde ha kɔ hio wi mɔ Rome.

Deamɔ 28:25

Mbwa tɛ ze may na. Mɛgi, sɔngsi kɛtana soko, Paul tɔa ha mbwa sɔna: «Wen ka *Nzɔy-Sɔtɛ batɔ ha hio ngbabafa ɛnɛ nɛ wal nu wan-tɔkuliwen Esaïe, yo tɛ bo nê tɛwen.

Deamɔ 7:2

Etienne kiforo wen ha wɛnɛ, a tɔa: «Hio ya mi, hio bafa mi, ɛnɛ ze mi. Sɔ ka dung nɛ *lɛkɛ-lɛkɛmɔ fɛt gbasa tɛ ha ngbabafa ɔ, Abraham, ha ngimɔ ka wɛnɛ dungɔ ha kandɔnu Mezopotami, sɔngsi ka wɛnɛ tɛ de ka le ha Haran na.

1 Pierre 1:11

*Nzɔy-Sɔtɛ pɛ Christ ka dungɔ ha sila mbwa gbasa bingiri nde, Christ bekpa yimtɛ sɔngsi ing ki, a tɛ kpa lɛkɛ-lɛkɛmɔ. Mbwa dungɔ ha kio mɔ nɛngaya, hazu ing ngimɔ nɛ wal ka mɔ ndɔng behɔ nɛ.

2 Pierre 1:21

Hazu hio wan-tɔkuliwen tɛ wolmɔ nɛ wal mbaramɔ pɛ mbwa na. Ma, yo nê *Nzɔy-Sɔtɛ ka lea sila mbwa nde, mbwa atɔ wen ka gutɛ nɛ Sɔ.

2 Pierre 2:21

Hio wi ndɔng ingɔ nzeng wal mɔ Sɔ ngimɔ tikiring, nɛ hapata mbwa kiforo wolo gdong ha nzɔy *mbonga, ka Sɔ haa ha mbwa. Pɛ mbwa, lɛma se pentɛ nde, mbwa aing nzeng wal mɔ Sɔ na.