Deamɔ 1:14 - Takarata pɛ Sɔ Mbombe Mbon

¹⁴ Mbwa fɛt dungɔ ha wesara may nɛ gɔ Sɔ nɛting nɛ sila ndang. Marie, nana mɛ Jésus, nɛ hio ma bhoko dungɔ hinɛ mbwa, tɛ ba nɛ hio ya mɛ Jésus.

Deamɔ 1:14 ပူးပေါင်းရင်းမြစ်များ

Matthieu 12:46

Ka Jésus boka ha wolamɔ ha hio giliwi, nana wa nɛ hio ya wa hɔa tɛ dung ha dɛl. Mbwa kio wal mɛ wolmɔ ha wɛnɛ.

Matthieu 21:22

Ka ɛnɛ gɔ Sɔ nɛ mɛkaramɔ, ɛnɛ bekpa mɔ fɛt ka ɛnɛ gɔ ha kɔ wa.»

Matthieu 27:55

Nɛ hio bhoko nɛdɔka dungɔ nɛyɛa zɔk nɛ mɔ. Yo nê mbwa ka ndara Jésus nɛ dea tom ha wɛnɛ nisi ha Galile tɛnɛ.

Marc 15:40

Hio ma bhoko dungɔ ha yola nɛyɛa zɔk nɛ mɔ. Nɛ hio ma ha sokoa dungɔ nê: Marie Magdala, Salome, nɛ Marie nana mɛ bebe Jacques hinɛ Yozes.

Marc 16:1

Ka *swe ɔmtɛ pena kari, Marie Magdala, Salome nɛ Marie nana mɛ Jacques, mbwa hɛa dede pɛl kulo liama, hazu nɛ nɛ hɔng nɛ wɔl Jésus.

Dede Wen hazu Jésus-Christ ka Luc ngɛraka 11:13

Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi, pen fɛt Bafa ɛnɛ ha kuso ngɔn beha *Nzɔy-Sɔtɛ ha wi ndɔng ka gɔ wɛnɛ.»

Dede Wen hazu Jésus-Christ ka Luc ngɛraka 18:1

Jésus tɔa ma towen ha hio *wan-yambimɔ pɛa hazu mbo nɛ mbwa nde, mbwa agɔ Sɔ kpoo nɛ tɛ mbwa akati ha dea yo na.

Dede Wen hazu Jésus-Christ ka Luc ngɛraka 23:49

Hio wi fɛt ka ingɔ Jésus, nɛ hio bhoko ka ndara wɛnɛ nisi ha Galile, yola nɛyɛa zɔk nɛ mɔ.

Dede Wen hazu Jésus-Christ ka Luc ngɛraka 23:55

Hio bhoko ka ndara Jésus nisi ha Galile, nɛa hinɛ Joseph. Nɛ mbwa zɔka zupisi, nɛ wal ka ɛ gdea wɔl Jésus ang.

Dede Wen hazu Jésus-Christ ka Luc ngɛraka 24:10

Hio bhoko ndɔng nê Marie Magdala, Jeanne, Marie nana mɛ Jacques, nɛ fin hio ma mbinga. Mbwa tɔa kasia ha hio *wan-nɛtom,

Dede Wen hazu Jésus-Christ ka Luc ngɛraka 24:33

Nɛ ha ndangtɛ ngimɔ, mbwa baa wal kifiri si ha Jérusalem. Haki, mbwa kpaa hio *wan-nɛtom bhukɔ gbala ndang ha wesara may hinɛ hio olo wan-yambimɔ.

Dede Wen hazu Jésus-Christ ka Luc ngɛraka 24:53

Mbwa bhɔna swe fɛt ha *gasa twa Sɔ ha lukoso Sɔ.

Dede Wen hazu Jésus-Christ ka Luc ngɛraka 8:20

Mɛgi ɛ tɔa ha wɛnɛ: «Nana mɛ nɛ hio ya mɛ hakɛ ha dɛl. Mbwa ngoya zɔka mɛ.»

Deamɔ 2:1

Ka swe Pantekote hɔa kari, hio wi pɛ Christ wesara may fɛt ha bhandi ndang.

Deamɔ 2:42

Mbwa dungɔ nɛ mboazu ha zea osamɔ pɛ hio wan-nɛtom, ha dungɔa nɛ sila ndang, ha kapana mampa pɛ Christ ha soko may, nɛ ha gɔa Sɔ.

Deamɔ 2:46

Swe fɛt mbwa wesara may ha zang *gasa twa Sɔ. Mbwa kapana mampa pɛ Christ ha soko may ha zang twa pɛ mbwa, nɛ mbwa yɔnga mɔ nɛ totɛ nɛ mɛndi.

Deamɔ 6:4

Pɛ ɔ, tuka mɔ sɔngsi, ɔ begde tɛ ɔ nɛ nɛting ha gɔa Sɔ nɛ ha tom bulo wen pɛ Sɔ.»

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

1 Korente 14:13

Mɛgi, wi ka wol mɔ nɛ hio nu pɛ Nzɔy-Sɔtɛ, lɛma nde, wɛnɛ agɔ Sɔ tuka nde, Nzɔy-Sɔtɛ aha wɛnɛ fin ngatɛ mɛ bul longowen nu ndɔng.

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

Kolose 4:2

Ɛnɛ agɔ Sɔ nɛting. Ɛnɛ ayang la ha yo, nɛ ɛnɛ aha oeba ha Sɔ.