Deamɔ 1:11 - Takarata pɛ Sɔ Mbombe Mbon

¹¹ Nɛ mbwa tɔa: «Ɛnɛ, wi mɛ Galile, ɛnɛ yol hakɛ ha gɛramɔ ha ngɔn hazu ge? Jésus ɛngɛ ka Sɔ guo wɛnɛ si nɛ ha ngɔn, a bekifiri bin gbesi tuka ka ɛnɛ zɔka wɛnɛ ha danga.»

Deamɔ 1:11 ပူးပေါင်းရင်းမြစ်များ

Matthieu 16:27

Hazu mi, *Bewei pɛ Wi, betɛ hinɛ hio *telenge pɔm ha zang *lɛkɛ-lɛkɛmɔ pɛ Bafa mi. Nɛ mi bekɛ wi ndang ndang fɛt lɛm nɛ deamɔ pɛ mbwa.

Matthieu 16:28

Kpasawen, mi tɔ ha ɛnɛ, hio ma ha soko ɛnɛ ka dung hakɛ sising lɛm fe na, kanɛ mbwa bezɔk mi, Bewei pɛ Wi ha tɛa tuka *kongapora ha zu Kongakandɔ pɔm.»

Matthieu 24:30

Ha ngimɔ ɛngi, ɛ bezɔk ma *mɔweka ha liswe, ka gbasi nde, mi, Bewei pɛ Wi ha tɛa. Nɛ hio kandɔ fɛt ha nu behe kwa. Mbwa bezɔk mi, Bewei pɛ Wi, ha tɛa ha zu buswe nɛ ziomɔ, nɛ gasa *lɛkɛ-lɛkɛmɔ.

Matthieu 25:31

«Ha ngimɔ ka mi, *Bewei pɛ wi, betɛ hinɛ hio nzɔy *telenge ha zang *lɛkɛ-lɛkɛmɔ pɔm, mi bedung ha zu lɛkɛ-lɛkɛ solowan pɔm.

Marc 13:26

Hapata, hio wi bezɔk mi, Bewei pɛ Wi, ha tɛa ha zu buswe. Mi betɛ ha zang ziomɔ nɛ ha zang *lɛkɛ-lɛkɛmɔ.

Marc 14:70

Nɛ Pierre kafa fin nɛ mbinga. Ma bengimɔ hapata, hio wi ndɔng ka dungɔ haki tɔa ha Pierre: «Kpasawen, mɛ fin nê ma wi pɛ Jésus, hazu mɛ nê wi mɛ Galile.»

Marc 16:19

Nɛ ka *Kongawan Jésus tɔa wen ndɔng ha hio *wan-yambimɔ pɛa fɛt kari, Sɔ guo wɛnɛ si nɛ ha ngɔn. Nɛ a dungɔnu ha wekɔ Sɔ.

Dede Wen hazu Jésus-Christ ka Luc ngɛraka 21:27

Hapata, hio wi bezɔk mi, Bewei pɛ Wi, ha tɛa ha zu buswe. Mi betɛ ha zang ziomɔ nɛ ha zang gasa *lɛkɛ-lɛkɛmɔ.

Dede Wen hazu Jésus-Christ ka Luc ngɛraka 24:5

Ke baa bhoko ndɔng nɛ mbwa gɛsa zu ha nu. Nɛ wei ndɔng bwa ana mbwa: «Hazu ge ɛnɛ ki tunɔwi ha soko fiowi ge nde?

Jean 14:3

Nɛ ka mi nɛa nɛ bhɔngiri bhandi kari, ki mi bekifiri tɛ kay ɛnɛ sinɛ, tuka nde, ɛnɛ adung fin ha bhandi ka mi bedung ang.

Deamɔ 1:2

kanɛ swe ka Sɔ guo wɛnɛ si ha ngɔn. Jésus baweki se hio *wan-nɛtom pɛa. Nɛ sɔngsi ka wɛnɛ tɛ si ka ha ngɔn na, a osa ha mbwa nɛ wal ngatɛ pɛ Nzɔy-Sɔtɛ mɔ ka mbwa bede.

Deamɔ 1:9

Ka wɛnɛ tɔa wen ndɔng ha mbwa kari, a danga ha li mbwa fɛt si ha ngɔn. Nɛ buswe kuo wɛnɛ nɛ gdɔka pata wa ha li mbwa.

Deamɔ 13:31

Ha zang dɔka yala, Jésus gbasa tɛ ha hio wi ndɔng, ka banɛ hinɛ wɛnɛ angiri ha Galile hɔ ha Jérusalem. Yo nê mbwa ka tɛ bo nê hio wan-bul wen tɛ wa ha hio wi mɛ kandɔ Israel.

Deamɔ 2:7

Mɔ ɛngɛ gbinɔ gbala tɛ mbwa bhutu-bhutu, nɛ mbwa tɔa: «Bo nê wi ndɔng ka wolmɔ kɛ, fɛt nê hio wi mɛ Galile na?

Deamɔ 3:12

Ka Pierre zɔka mɛgi, a tɔa ha giliwi ndɔng: «Ɛnɛ hio wi mɔ *Israel, ɛnɛ ha yaksa hazu mɔ ɛngɛ hazu ge? Ɛnɛ ha gɛra ɔ hazu ge? Wi ɛngɛ tɛ kpasi nɛ wal ngatɛ pɛ ɔ na. Nɛ fin, yo tɛ hɔ hazu ɔ nɛ mboazu ha li Sɔ na.

Deamɔ 3:21

Ma, Jésus bebhɔn ha ngɔn kanɛ ngimɔ ka Sɔ bhɔngara mɔ fɛt nɛ mbombea, gbesi tuka ka wɛnɛ batɔ se wena nɛ wal nu hio nzɔy wan-tɔkuliwen pɛa.

1 Tesalonike 1:10

Nɛ mbwa ha tɔa fin nde, ɛnɛ ha kera *Bewei pɛ Sɔ, ka begutɛ ha ngɔn pe nɛ. Bewei ɛngɛ nê Jésus, wi ka Sɔ bagu se ha soko hio fiowi, nɛ ka kpasisi ɔ gbo ha ngambi pɛ Sɔ ka betɛ bin.

1 Tesalonike 4:16

Ha swe ɛngi, Sɔ beha nu nɛ ngagɛl, hio wi beze gɛl kagama pɛ hio *telenge, nɛ gɛl dɔma mbia pɛ Sɔ. Nɛ Kongawan begutɛ nɛ tɛ wa ha ngɔn zil tɛ. Hio wi ndɔng ka fea ha mɛkara Christ, mbwa begutɛ ha soko hio fiowi sɔngsi.

Hebro 9:28

Yo fin gbesi nɛ Christ. A fea ze ndang hireng tuka sadaka, hazu bisi nɛ sɛmbɔ pɛ hio dɔka wi. Ha zebwa tɛa pɛa, a begbasi tɛ bo hazu bisi sɛmbɔ pɛ wi na, ma, hazu kpasisi nɛ wi ndɔng ka keri wɛnɛ.

Gbasamɔ 1:7

Ɛnɛ zɔk, a betɛ ha zu buswe, nɛ wi fɛt bezɔk wɛnɛ, ngase wi ndɔng ka batok tɛ wa. Nɛ hio kandɔ mɔ nu fɛt gbi behe kwa hazu wa. Ey, mɔ behɔ mɛgi! Amen.