2 Timothée 4:5 - Takarata pɛ Sɔ Mbombe Mbon

⁵ Ma, pɛ mɛ, mɛ abhɔn ngɛlɛlɛ ha mɔ fɛt. Mɛ yɔng yini ha zang yeksamɔ, mɛ de tom bulo *Dede Wen, nɛ mɛ lɛmsiri tom ka Sɔ gdea ha kɔ mɛ.

2 Timothée 4:5 ပူးပေါင်းရင်းမြစ်များ

Matthieu 25:16

Wi ka kpaa lafu mbɔli mɔrkɔ nɛa nɛ de tonga nɛ yo. Nɛ wɛnɛ kpaa ma mbinga mɔrkɔ gde ha zua.

Marc 13:34

Yo gbesi nê ma wi ka ngoy nɛ gɛnɛ. Sɔngsi ka wɛnɛ belak twa gde mɛ pen, a kapana tom ha hio wan-tom pɛa ndang ndang fɛt. Nɛ wɛnɛ haa nu ha wan-pɛm nutwa nde, wɛnɛ ayang la.

Marc 13:37

Wen ɛngɛ ka mi tɔ ha ɛnɛ, mi tɔ yo ha hio wi fɛt nde, ɛnɛ adung nɛ zɔma!»

Dede Wen hazu Jésus-Christ ka Luc ngɛraka 12:37

Totɛ ha hio wan-tom, ka wan pɛ mbwa bepe tɛ kpa li mbwa ngɛlɛlɛ. Kpasawen, mi tɔ ha ɛnɛ nde, a beyol la tom pɛa, a begde mbwa hapɛtɛ tabolo, nɛ wɛnɛ nɛ pɛa tɛ beha yɔngamɔ ha mbwa.

Deamɔ 21:8

Ka mɔsaa, ɔ tongara nɛ ha gasa le Sezare. Ɔ lea nɛ ɔ nu ha zang twa pɛ Philippe, wan-bul *Dede Wen. Wɛnɛ nê ma ndang ha soko wi ndɔng mɔrkɔ zanga bwa, ka ɛ baweki ha Jérusalem.

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

Efeze 4:12

Yo nê tom pɛ hio wi ndɔng mɛ gbakiri hio wi pɛ Sɔ nde, ka mbwa ade tom pɛ Sɔ, nɛ ka *giliwi mɔ eglize ka dung nê kilitɛ Christ angay pen mɔ sɔngsi.

Kolose 1:25

Mi tɛ bo nê wan-tom pɛ giliwi mɔ eglize hazu de nɛ tom ka Sɔ gdea ha kɔ mi. Nɛ li toma nde, mi abul wen pɛa fɛt long ha ɛnɛ.

Kolose 4:17

Ɛnɛ tɔ ha Arshipe nde, wɛnɛ agbɛngsi tɛ hazu lɛmsiri nɛdedea tom ka Kongawan gdea ha kɔ wa.

1 Tesalonike 5:6

Mɛgi, ka ɔ aɔla tuka hio mbing wi na. Ma, ɔ adung nɛ zɔma ngɛlɛlɛ.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

1 Timothée 4:15

Mɛ agbɛngsi tɛ ha tom pɛ Sɔ, nɛ mɛ agde sila mɛ fɛt ha yo tuka nde, hio wi fɛt azɔk nde, mɛ ha kpɔatɛ nɛnɛ sɔngsi ha tom ɛngɛ.

2 Timothée 1:8

Mɛgi, ka mɛ ade foy hazu kɛ wen pɛ *Kongawan pɛ ɔ na. Nɛ fin, ka mɛ ade foy hazu mi na, mi ka dung nê wan-zɔbhɔ hazu wen pɛa. Ma, nɛ ngatɛ pɛ Sɔ, mɛ ayɔng yini hinɛ mi ha zang yeksamɔ ka kpa ɔ hazu *Dede Wen.

2 Timothée 2:10

Hazu ɛngi, mi ha yɔnga yini ha mɔ fɛt tuka nde, hio wi ndɔng ka Sɔ weka, akpa *mɔkpasi ka Jésus-Christ bekpasisi nɛ mbwa. Mɛgi, mbwa fin bekpa *lɛkɛ-lɛkɛmɔ kpoo.

2 Timothée 2:3

Mɛ ayɔng yini ha zang yeksamɔ tuka dede wan-bibulo pɛ Jésus-Christ.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

1 Pierre 1:13

Hazu ɛngi ɛnɛ adung gdungɛ-gdungɛ hazu de tom pɛ Sɔ. Ɛnɛ adung ngɛlɛlɛ, nɛ ɛnɛ agde tazu ɛnɛ ha *dede sila ka Sɔ bede ha tɛ ɛnɛ, ha swe ka Jésus-Christ begbasi tɛ wa long.

Gbasamɔ 3:2

Ɛnɛ tun ha ɔala, ɛnɛ ngasisi olo mɔ ka tɛ fe ka na, yu nde, yo betɛ fe nɛkpasa. Hazu mi zɔka nde, tom pɛ ɛnɛ tɛ lɛm ha li Sɔ pɔm na.