2 Timothée 4:2 - Takarata pɛ Sɔ Mbombe Mbon

² mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

2 Timothée 4:2 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 7:23

Totɛ ha wi kɛ ka kafi mɛkara mi na!»

Dede Wen hazu Jésus-Christ ka Luc ngɛraka 7:4

Mbwa hɔa ha pɛ Jésus, nɛ mbwa lokatɛ ha wɛnɛ nɛ tɔa: «Wi ɛngɛ nɛ zioa nde, mɛ akpasisi bala pɛa.

Dede Wen hazu Jésus-Christ ka Luc ngɛraka 9:60

Ma, Jésus tɔa ha wɛnɛ: «Mɛ gde hio fiowi agun hio fiowi pɛ mbwa. Nɛ pɛ mɛ, mɛ nɛ nɛ bul wen *Kongakandɔ pɛ Sɔ.»

Deamɔ 13:5

Haki, kuga bhanda ha le Salamine. Mbwa bulo wen pɛ Sɔ ha zang hio *twa gɔ Sɔ pɛ hio *zuife. Jean Marc dungɔ hinɛ mbwa hazu gbakiri mbwa.

Deamɔ 16:13

Ha *swe ɔmtɛ, ɔ gboa ha Filipe nɛ ɔ nɛa hapɛtɛ nanali. Ɔ takara nde, bhandi gɔ Sɔ pɛ hio *zuife haki. Ɔ dungɔnu nɛ ɔ wolamɔ hinɛ hio bhoko, ka wesara may haki.

Deamɔ 20:7

Ha *swe ɔmtɛ, ɔ wesara may nɛ mbolo hazu yɔngamɔ pɛ *Kongawan. Nɛ Paul bulo wen nɛ bɔyaa tee kanɛ gduko zɛ, hazu a bepen nɛ mɔsaa.

Deamɔ 28:16

Ka ɔ hɔa ha Rome, ɛ haa wal ha Paul mɛ ɔ ha ma twa nɛtɛ. Nɛ ma wan-bibulo ndang ha pɛm wɛnɛ haki.

Rome 10:15

Nɛ ɛ bebul wena mɛng, ka ɛ tɛ tomsi wan-bul wena na? Yo gbesi tuka ɛ ngɛraka ha takarata pɛ Sɔ: «Yo nê gasa totɛ mɛ zɔk wi ndɔng ka ku dede kasi tɛnɛ.»

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

Galasi 6:6

Wan-yambi wen pɛ Sɔ, dea nde, wɛnɛ akapini soko kpaamɔ pɛa hinɛ wan-osi yo ha wɛnɛ.

Kolose 1:25

Mi tɛ bo nê wan-tom pɛ giliwi mɔ eglize hazu de nɛ tom ka Sɔ gdea ha kɔ mi. Nɛ li toma nde, mi abul wen pɛa fɛt long ha ɛnɛ.

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

1 Tesalonike 1:6

Ɛnɛ zɔka deamɔ pɛ ɔ nɛ pɛ Kongawan de nɛ pɛ ɛnɛ. Ɛnɛ mɛkara wen pɛ Sɔ nɛ totɛ ka tɛ nɛ Nzɔy-Sɔtɛ, ngase ɛnɛ kpaa dɔka yeksamɔ ha wena.

1 Tesalonike 5:14

Hio ya ɔ, ɔ mbo ɛnɛ nde, ɛnɛ aha mbɔla ha hio pɔsa wi, ɛnɛ aha da ha hio wan-ke, ɛnɛ agbakiri hio mɔka wi, nɛ ɛnɛ aba sila ɛnɛ nɛ hio wi fɛt.

1 Tesalonike 5:20

Ka ɛnɛ abhɛsiri hio kuliwen na.

1 Timothée 4:13

Hɔ ha tɛa pɔm, mɛ gde tɛ mɛ ha tɔla wen pɛ Sɔ ha hio wi, ha mboa mbwa, nɛ ha osamɔ ha mbwa.

1 Timothée 5:20

Mɛ sɛn wen ha hio *wan-de gdangamɔ ha li wi fɛt, tuka nde, ke ade hio mbinga.

2 Timothée 2:21

Wi ka lak gdanga osamɔ ndɔng ki fɛt gde, bedung tuka kpana mɔ swe yenga. A bedung nɛ nzɔya, nɛ a begbakiri wan pɛa ha dea hio dede tom fɛt.

2 Timothée 2:25

Lɛma nde, wɛnɛ aosimɔ nɛ gaa sila ha hio wan-lunsiri wen ha nu wa. Mana Sɔ beha mbwa wal mɛ kifiri sila hazu ing nɛ tɛwen.

2 Timothée 3:10

Ma, pɛ mɛ, mɛ naka pata osamɔ pɔm, deamɔ pɔm, bhekamɔ pɔm, mɛkaramɔ pɔm, baa sila pɔm, ngoy pɔm, nɛ yikosila pɔm.

Tite 1:13

Wen ka wɛnɛ gbasa mɛgi, yo nê tɛwen. Hazu ɛngi, mɛ sɛn wen ha mbwa nɛkpasa tuka nde, mbwa akifiri tɛ ndari nzeng wal mɛ mɛkiri Sɔ.

Tite 2:15

Mɛ osi mɔ ndɔng ki ha hio wi, mɛ mbo mbwa, nɛ mɛ gay mbwa nɛ ziomɔ fɛt ka Sɔ haa ha mɛ. Ka ma wi ndang abhɛsiri mɛ na.

Hebro 13:22

Hio ya mi, mi alnu ha ɛnɛ nde, ɛnɛ akonzi hio wen mbɔla ndɔng ha zang sila ɛnɛ. Hazu mi ngɛraka kanɛ dɔ wen ha ɛnɛ.

Gbasamɔ 3:19

Hio wi fɛt ka mi ngoy, mi dak zala mbwa nɛ ndulsi mbwa. Mɛgi, ɛnɛ gbɛngsi tɛ ɛnɛ, nɛ ɛnɛ kifiri sila ɛnɛ.