2 Timothée 3:8 - Takarata pɛ Sɔ Mbombe Mbon

⁸ Hio wi ndɔng ha sungoro tɛwen pɛ Sɔ gbesi tuka ka Yanes hinɛ Yambres basungiri nɛ Moïse. Takaramɔ pɛ mbwa nɛ gdangaa, nɛ mɛkaramɔ pɛ mbwa bo nê kpasamɔ na.

2 Timothée 3:8 ပူးပေါင်းရင်းမြစ်များ

Deamɔ 15:24

Ɔ zea nde, hio ma wi ha soko ɔ hɔa ha pɛ ɛnɛ nɛ tɔa ma wen ka bhunzoko nɛ gdangsa sila ɛnɛ. Ɔ tɛ haa nu ha mbwa mɛ tɔ wen mɛgi na.

Rome 1:28

Nɛ tuka ka mbwa kafa ingɔ tɛwen hazu Sɔ, Sɔ gdea mbwa ha zang kalbho-kalbho takaramɔ pɛ mbwa. Mɛgi, mbwa ha dea hio mɔ foy nɛnɛ.

Rome 16:18

hazu hio tili wi mɛgi de tom ha Christ, *Kongawan pɛ ɔ, na. Ma, mbwa de nɛ tom zang mbwa. Nɛ wal yefa wen nɛ dede gɛl mbwa, mbwa ha osala hio wi ndɔng ka li mbwa bha na.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

1 Timothée 1:19

Mɛ bhɔn ka ha mɛkara Christ, nɛ mɛ pam ingɔmɔ sila pɛ mɛ nɛ saa. Hio ma wi kafa mɛ de mɛgi, nɛ mɛkaramɔ pɛ mbwa bhonda.

1 Timothée 4:2

Mbwa bede mɛgi hazu dambari pɛ hio wan-tɔ dalo beosili mbwa. Ingɔmɔ sila pɛ hio wan-tɔ dalo ndɔng fea kari tuka mɔ ka bea we.

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

2 Timothée 4:15

Mɛ fin, mɛ pangay nɛ wɛnɛ. Hazu a sungoro hio wen nu ɔ nɛngaya.

Tite 1:10

Hazu hio wi ang nɛdɔka ka sungiri dede osamɔ ɛngɛ. Mbwa ha osala hio wi nɛ wal tumbulu wen pɛ mbwa. Sulo wi ndɔng nê hio *zuife ka mɛkara Christ.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

2 Pierre 2:14

Dɔka takaramɔ pɛ mbwa sɔna nɛ dea li hio bhoko-de wanza. Tɛ mbwa kati ha dea gdangamɔ na. Mbwa ha kio wal mɛ osili hio wan-pɔsa ha wal mɔ Sɔ pi ha dea gdangamɔ. Sila mbwa dona nɛ wɔ mbɔli. Sɔ foma mbwa kari.

1 Jean 2:18

Hio bem pɔm, kpogio ngimɔ koka kari. Ɛnɛ baze nde, wan-sungiri Christ behɔ bin. Ma, sising, hio dɔka wan-sungiri Christ hɔa kari. Yo osi ha ɔ nde, kpogio ngimɔ koka kari.

1 Jean 4:1

Hio ndɔngsila mi, hio wi ndɔng ka tɔ nde, *Nzɔy-Sɔtɛ ha tɛ mbwa, ka ɛnɛ amɛkiri mbwa fɛt na. Ma, ɛnɛ awe sɔtɛ ka dung ha tɛ mbwa hazu ing mana yo tɛ nɛ pɛ Sɔ. Hazu hio *wan-tɔkuliwen dalo dona nzan kari.

Gbasamɔ 2:20

Ma, mi nɛ mɔ sungiri ɛnɛ nde, ɛnɛ gdea wal ha Yezabel, bhoko ɛngɛ ka ba tɛ wa tuka *wan-tɔkuliwen. Nɛ wal osamɔ pɛa, a osala hio wan-tom pɔm nde, mbwa ade wanza, nɛ mbwa ayɔng sari sadaka pɛ hio gbele sɔ.

Gbasamɔ 2:6

Ma, ɛnɛ ha dea dedemɔ fin. Yo nde, ɛnɛ ha sɛna tom pɛ zugili pɛ Nicolas gbesi tuka mi ha dea.