2 Timothée 3:3 - Takarata pɛ Sɔ Mbombe Mbon

³ wan-nga sila, wan-tukili mɔ, wan-tɔ lingtɛ, wan-de ngamɔ, wan-nyalɔ, wan-sungiri dedemɔ,

2 Timothée 3:3 ပူးပေါင်းရင်းမြစ်များ

Matthieu 10:21

«Gdiya begde gdiya nde, ɛ agbɛ wɛnɛ. Nɛ gdibafa bede mɛgi nɛ bem pɛa. Nɛ hio bem begutɛ sungiri bafa nɛ nana mbwa hazu gde mbwa ha kita fio.

Matthieu 4:1

Hapata *Nzɔy-Sɔtɛ ngbɔsa Jésus nɛnɛ ha kpɛnu tuka nde, Satan awe sila wa.

Dede Wen hazu Jésus-Christ ka Luc ngɛraka 10:16

Nɛ Jésus tɔa fin ha hio *wan-yambimɔ pɛa: «Wi ka mɛkiri wen pɛ ɛnɛ, mɛkara mi. Wi ka kafi ɛnɛ, kafa mi. Nɛ wi ka kafi mi, a kafa Sɔ ka tomsa mi.»

Dede Wen hazu Jésus-Christ ka Luc ngɛraka 16:14

Hio *Farizien zea wen ndɔng fɛt, nɛ mbwa mama Jésus hazu mbwa ngoya mbɔli gdang.

Jean 6:70

Jésus kiforo wen ha mbwa: «Bo nê mi ha weki ɛnɛ ndɔng bhukɔ gbala bwa na nde? Ma, ngase ɛngi ma ndang ha soko ɛnɛ nê ngana pɛ Sɔ.»

Rome 1:29

Sila mbwa dona nɛ tili kalbho-kalbho mɔ nɛ gdangamɔ fɛt. Mbwa ha gola mɔ, ha dea gdangamɔ, nɛ ha dea gasa sila. Mbwa ha gbɛa wi, ha kio wen, nɛ ha osala wi. Mbwa ha dea gdanga sila, nɛ ha tɔa lingtɛ wi.

Rome 1:31

Mbwa nê yera wi, mbwa bo nɛ mboazu na, mbwa nê wan-nyalɔ, nɛ mbwa de kobhe tɛ wi na.

1 Korente 7:5

Ka ɛnɛ akafi may ha li yala na. Ma, ka ɛnɛ kpoa zuwen mɛ kafi baa yala ha ma ngimɔ hazu gɔ Sɔ, ɛnɛ lɛma de mɛgi. Nɛ hapata ngimɔ ɛngi, ɛnɛ akifiri tɛ dung hinɛ may yu nde, ngatɛ mɛ gan zu tɛ ɛnɛ betɛ kɔpi ɛnɛ, nɛ yu nde, *Satan betɛ osili ɛnɛ pi ha dea wanza.

1 Korente 7:9

Ma, ka mbwa bo nɛ ngatɛ mɛ gan zu wɔ tɛ mbwa na, mbwa lɛma si may. Yo nɛ dedea mɛ si may pen nde, wɔ tɛ agan zu mbwa.

1 Tesalonike 4:8

Mɛgi, wi ka kafi mɛ ze wen ndɔng, a kafi nɛ wen pɛ hio wi na, ma, a kafi nɛ Sɔ ka ha *Nzɔy-Sɔtɛ pɛa ha ɛnɛ.

1 Timothée 3:11

Hio ko pɛ hio diakre fin, lɛma nde, mbwa adung nê hio zio wi, ka ba lingtɛ hio wi na. Mbwa agan zu tɛ mbwa, nɛ mbwa adung nɛ mboazu ha mɔ fɛt.

Tite 1:8

Ma, wɛnɛ adung nê dede wan-pam gɛnɛwi, wan-de dedemɔ, wan-mbarimɔ, *nzeng wi, mboazu wi ha wal mɔ Sɔ, nɛ fin, wɛnɛ agan zu tɛ wa fɛt.

Tite 2:3

Gbesi tuka ɛngi, mɛ tɔ ha hio koto bhoko nde, mbwa ade mɔ tuka nzɔy wi ha li Sɔ. Ka mbwa atɔ gdanga lingtɛ dan mbwa na. Ka mbwa adung bala ha si dɔkɔ na. Ma, mbwa adung hio wan-osi dede deamɔ.

Jacques 2:6

Pɛ ɛnɛ, ɛnɛ ha bhɛsara hio fabha wi. Ma, bo nê hio wan-kpamɔ ha yukiti ɛnɛ, nɛ ha ku ɛnɛ nɛnɛ ha li kita, na nde?

2 Pierre 2:14

Dɔka takaramɔ pɛ mbwa sɔna nɛ dea li hio bhoko-de wanza. Tɛ mbwa kati ha dea gdangamɔ na. Mbwa ha kio wal mɛ osili hio wan-pɔsa ha wal mɔ Sɔ pi ha dea gdangamɔ. Sila mbwa dona nɛ wɔ mbɔli. Sɔ foma mbwa kari.

2 Pierre 2:19

Hio wan-osimɔ dalo ndɔng ha gɔna nu ha mbwa nde, mbwa bedung sɛɛ. Ma, mbwa nɛ pɛ mbwa tɛ nê bala ha si wɔ dea mɔ ka begdangsi mbwa. Hazu wi ndang ndang fɛt nê bala ha si mɔ ka gan zu wa.

2 Pierre 3:3

Sɔngsi mɔ fɛt, ɛnɛ aing nɛdedea nde, ha kpogio ngimɔ hio ma wi betɛ, ka bede kanɛ mɔ ka sila mbwa ngoya. Mbwa bemam ɛnɛ,

Jude 1:16

Wi ndɔng nê nakɛkiri wen ka tɔ tɛ swe fɛt. Mbwa de mɔ fɛt tuka sila mbwa ngoya. Mbwa ha tɔa wen sutɛ nɛ ha ndɔmbala hio wi nɛ zɛng gɛl hazu ku nɛ mɔ ha kɔ mbwa.»

Jude 1:18

Mbwa batɔ ha ɛnɛ nde, ha kpogio ngimɔ, hio ma wi ka ing Sɔ na, bemam ɛnɛ, nɛ mbwa bede gdangamɔ tuka sila mbwa ngoya.

Gbasamɔ 13:15

Nɛ zebwa ngɔnzu kpaa ziomɔ mɛ ha ɔmi tunɔ ha zizi bosi ngɔnzu. Mɛgi zizi bosi ngɔnzu lɛma wolamɔ, nɛ haa nu nde, ɛ agbɛ hio wi ndɔng ka kafi lukoso yo.

Gbasamɔ 13:17

Nɛ ka ma wi bo nɛ dafu ɛngɛ na, a lɛm mɛ hɛ nɛ gdongi ma mɔ na. Dafu ɛngɛ, yo nê ling bosi ngɔnzu mana nɔmɔrɔ ka lɛma nɛ ling wa.

Gbasamɔ 16:6

Ey, hio wi gɔsa tɔktɛ hio wi pɛ mɛ nɛ tɔktɛ hio *wan-tɔkuliwen. Nɛ sising mɛ haa mbwa tɔk mɛ nɔ. Ɛngi nê mɔ ka lɛma hazu mbwa.»

Gbasamɔ 17:6

Nɛ mi zɔka nde, bhoko ɛngɛ fea dɔkɔ nɛ wal nɔa tɔktɛ hio wi pɛ Sɔ nɛ tɔktɛ hio wan-kɛwen tɛ Jésus. Nɛ ka mi gɛra wɛnɛ, mi yaksa pentɛ.