2 Timothée 1:14 - Takarata pɛ Sɔ Mbombe Mbon

¹⁴ Mɛ apam dede osamɔ ɛngɛ ka Sɔ gdea ha kɔ mɛ, nɛ wal ngatɛ pɛ *Nzɔy-Sɔtɛ ka de le ha sila ɔ.

2 Timothée 1:14 ပူးပေါင်းရင်းမြစ်များ

Jean 14:17

Wɛnɛ nê Nzɔy-Sɔtɛ ka gbasi tɛwen pɛ Sɔ ha hio wi. Hio wi mɔ nzan lɛm ba wɛnɛ nɛ dede kɔ na, hazu mbwa zɔk wɛnɛ na, nɛ mbwa ing wɛnɛ na. Ma, pɛ ɛnɛ, ɛnɛ ingɔ wɛnɛ, hazu a dung hapɛtɛ ɛnɛ, nɛ a dung ha zang sila ɛnɛ.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

1 Timothée 6:20

Timothée, mɛ pam mɔ ka Sɔ gdea ha kɔ mɛ, nɛdedea. Mɛ kafi hio ngbundu wolamɔ ka sungiri Sɔ, nɛ hio zanga wen ka ɛ sa nɛ tum nde, ingɔmɔ.

2 Timothée 1:12

Yo nê hazu ɛngi, ka mi ha kpaa nɛ yeksamɔ ndɔng. Ma, mi de foy na, hazu mi ingɔ wi kɛ ka mi gde tazu mi ha tɛ wa. Nɛ mi ingɔ nɛdedea nde, wɛnɛ nɛ ngatɛ mɛ pam mɔ ka wɛnɛ gdea ha kɔ mi, kanɛ swe ka wɛnɛ bepe nɛ.

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

Rome 8:9

Ka bo nê pɛ ɛnɛ, ka ɛnɛ ade mɔ nɛ tɛ ɛnɛ na, ma, ɛnɛ de mɔ nɛ Nzɔy-Sɔtɛ pɛ Sɔ, hazu Sɔtɛ ɛngɛ ha dea le ha tɛ ɛnɛ. Ka Sɔtɛ pɛ Christ de le ha sila ma wi na, wia bo nê pɛ Christ na.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

1 Tesalonike 5:19

Ka ɛnɛ agdɔki wal ha *Nzɔy-Sɔtɛ na.

2 Timothée 2:2

Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

1 Timothée 1:11

Kpasa osamɔ ɛngɛ, yo tɛ nɛ wal lɛkɛ-lɛkɛ *Dede Wen, ka Sɔ ka dung nɛ totɛ fɛt, gdea ha kɔ mi.

Efeze 5:18

Ka dɔkɔ ade ɛnɛ na, yu nde, ɛnɛ betɛ tɛ pofa wi ka de mɔ tum. Ma, ɛnɛ agde nde, *Nzɔy-Sɔtɛ adon sila ɛnɛ hɛrr.

Efeze 2:22

Ha dea sɔy hinɛ Jésus-Christ, ɛnɛ fin, ɛnɛ tɛ bo nê ma bhalkɔ twa ɛngɛ ka Sɔ de le ang nɛ wal Nzɔy-Sɔtɛ pɛa.

1 Korente 9:17

Ka bo se nde, mi nɛ pɔm tɛ aweki mɛ de tom ɛngɛ, ki mi lɛma mɛ kpa mɔ-kɛ mi. Ma, yo bo nê mi ha weki mɛ de toma na. Mi de kanɛ tom ka Sɔ gdea ha kɔ mi.

Kolose 4:11

Jésus ka ɛ sa fin nde, Yustus, fana ɛnɛ. Ha soko hio *zuife fɛt ka mɛkara Christ, yo ka nê wi ndɔng tar sɔna ka de tom hinɛ mi ha *Kongakandɔ pɛ Sɔ. Mbwa tɛ bo ha yɔkala mi nɛkpasa.

Galasi 2:7

Kpasawen, mbwa nɛ pɛ mbwa tɛ zɔka nde, tuka ka Sɔ baha nɛ tom ha Pierre mɛ bul Dede Wen ha kandɔ zuife, Sɔ haa tom ha mi mɛ bul yo ha hio olo kandɔ gbesi.

2 Korente 5:16

Hazu ɛngi, ɔ lɛm ing fin wi nɛ wal ndɔkitɛ mɔ nzan na. Sɔngsi, ɔ ingɔ Christ mɛgi, ma, sising, ɔ ing wɛnɛ mɛgi fin na.

1 Korente 6:19

Ɛnɛ tɛ ing nde, tɛ ɛnɛ nê twa pɛ Nzɔy-Sɔtɛ, na nde? Sɔ haa ɛnɛ Nzɔy-Sɔtɛ kari, nɛ wɛnɛ de le ha sila ɛnɛ. Mɛgi, ɛnɛ bo nê wan hazu tɛ ɛnɛ nɛ pɛ ɛnɛ tɛ na.

Rome 8:11

Nɛ wal Nzɔy-Sɔtɛ pɛa, Sɔ guo Jésus ha soko hio fiowi. Nɛ Sɔtɛ ɛngɛ ha dea le ha sila ɛnɛ. Yo ngoy tɔ nde, Sɔ ka guo Christ ha soko hio fiowi, a begde bin tɛ ɛnɛ ka befe, nɛ zutunɔ. A bede mɛgi nɛ wal Sɔtɛ pɛa ka de le ha sila ɛnɛ.

Rome 3:2

Ey, mbwa kpaa dedemɔ ang nɛ wal fɛt. Hazu, ha bosia, Sɔ gdea hio wen pɛa ha kɔ mbwa, hio zuife.

Dede Wen hazu Jésus-Christ ka Luc ngɛraka 16:11

Mɛgi, ka ɛnɛ dea mɔ nɛ yambala zu nɛ kpaamɔ mɔ nzan, Sɔ begde kpasa kpaamɔ ha kɔ ɛnɛ mɛng?