2 Pierre 3:7 - Takarata pɛ Sɔ Mbombe Mbon

⁷ Ma, pɛ nu nɛ ngɔn ka dung sising, Sɔ tɔa nɛ ndangtɛ wen nu wa nde, a bebesisi yo fɛt nɛ we. Wɛnɛ ha pama yo keri nɛ ngimɔ, ka wɛnɛ begɔn kita ha zu hio *wan-kafi Sɔ mɛ bhondisi nɛ mbwa.

2 Pierre 3:7 ပူးပေါင်းရင်းမြစ်များ

Matthieu 10:15

Kpasawen, mi tɔ ha ɛnɛ nde, ha ngimɔ ka Sɔ begɔn kita, wɛnɛ beba hio wi mɔ le ɛngi nɛngaya pen hio wi mɔ le Sodome nɛ Gomore.»

Matthieu 11:22

Mɛgi mi tɔ ha ɛnɛ nde, ha ngimɔ ka Sɔ begɔn kita, hio wi mɛ le Tir nɛ Sidon bekpa yeksamɔ kpasawen. Ma, pɛ ɛnɛ bepentɛ pet.

Matthieu 11:24

Mɛgi mi tɔ ha ɛnɛ nde, ha ngimɔ ka Sɔ begɔn kita, hio wi mɛ le Sodome bekpa yeksamɔ kpasawen. Ma, pɛ ɛnɛ bepentɛ pet.»

Matthieu 12:36

Ma, mi tɔ ha ɛnɛ nde, ha swe kita pɛ Sɔ, hio wi betɔ olo nu mbwa hazu tum wen fɛt ka mbwa batɔ.

Matthieu 24:35

Ngɔn nɛ nu bepen. Ma, hio wen pɔm lɛm pen ndang na.»

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Marc 6:11

Nɛ ka hio wi ha ma bhandi ba ɛnɛ nɛ dede kɔ na, nɛ ka mbwa ze ɛnɛ na, ɛnɛ pen ha bhandi ɛngi. Nɛ ɛnɛ ngbɔ ngbabhuki nanga ɛnɛ, ka yo aosi ha mbwa gdanga deamɔ pɛ mbwa.»

Jean 12:48

Wi ka kafi mi nɛ ka mɛkiri wen pɔm na, kpaa may hinɛ wan-gɔn kita pɛa kari. Yo nê wen ndɔng ka mi tɔa ka begɔn kita ba wɛnɛ ha kpogio ngimɔ.

Rome 2:5

Ma, mɛ ha ngasasa sila mɛ, nɛ mɛ ngoy kifiri sila mɛ na. Yo nê ɛngi ka mɛ kay ngambi pɛ Sɔ gde ha zu mɛ keri nɛ swe kita pɛa, ka wɛnɛ begbasi ngambi pɛa, nɛ ka wɛnɛ begɔn kita nzeng.

1 Korente 3:13

Ha swe kita pɛ Sɔ, li tom pɛ wi ndang ndang fɛt begbasi tɛ long. Hazu ha swea, Sɔ bewe tom ndɔng fɛt nɛ we. Nɛ we ɛngɛ beosi li tom ndang ndang fɛt, mana yo nɛ dedea, mana yo nɛ gdangaa.

Filipe 1:28

Ka ɛnɛ ayu ke hio ngana pɛ ɛnɛ fin na. Ka ɛnɛ zati ha li mbwa, yo begba tazu mbwa nde, Sɔ begɔn kita ba mbwa, nɛ fin nde, Sɔ kpasasa ɛnɛ kari. Yo nê Sɔ nɛ tɛ wa ka begbasi yo ha mbwa mɛgi.

2 Tesalonike 2:3

Ka ma wi aosili ɛnɛ ndang na. Hazu, sɔngsi nde, swe ɛngɛ ahɔ, dɔka wi belak wal mɛkara Christ gde, nɛ Wan-kafi *mbonga begbasi tɛ ing. Ma, wɛnɛ bebhondi bin.

1 Timothée 6:9

Ma, wi ndɔng ka ngoy kpaamɔ nɛdɔka, kpaamɔ ɛngɛ besɛbhili mbwa, nɛ mbwa betek ha wal mɔ Sɔ. Hɛl dɔka tum mɔ nɛ gdangamɔ baa mbwa tuka pɔndɔ. Hio mɔ ndɔng ha gdangsa wi gde ha bhonda.

Hebro 12:29

Hazu Sɔ pɛ ɔ dung tuka we ka besisi mɔ fɛt.

2 Pierre 2:9

Hio mɔ ndɔng osi nde, Sɔ ingɔ wal mɛ kpasisi ha zang yeksamɔ hio wi ka dung nɛ mboazu ha li wa. Nɛ a ingɔ fin mɛ pam hio kalbho-kalbho wi keri nɛ swe kita ka wɛnɛ bendulsi mbwa ang.

2 Pierre 3:10

Kpasawen, swe ka Kongawan bepe nɛ, behɔ tuka wanzu. Ha swe ɛngi, ngɔn bepen nɛ gdanga gisi, hio mɔ ngɔn fɛt bebhondi ha we, nɛ hio mɔ fɛt ka dung ha zu nu beyɛmili.

2 Pierre 3:12

Ɛnɛ zengi swe ka Sɔ bepe nɛ, nɛ ɛnɛ gbɛngsi tɛ ɛnɛ tuka nde, swea ahɔ nɛhasa. Ha swe ɛngi, ngɔn bebe we nɛ yo beyɛmili, nɛ hio mɔ ngɔn beyɛkili ha we mburr.

1 Jean 4:17

Ka ngoy lɛma wɛɛ ha tɛ ɔ, ɔ bedung nɛ da ha swe kita pɛ Sɔ, hazu dungɔ pɛ ɔ ha nzan yo gbesi tuka pɛ Jésus. Ke bo ha zang ngoy na.

Jude 1:7

Tazu ɛnɛ agba fin nɛ le Sodome nɛ Gomore, nɛ hio le mɔ pɛtɛa. Hio wi mɔ le ndɔng dea mɔ nak pata pɛ hio telenge ndɔng. Mbwa haa tɛ mbwa ha dea tili wanza fɛt, nɛ fin, mbwa ɔa nu nɛ hio sari. Sising, mbwa ha yɔnga nzata ha we ka besisi kpoo. Nɛ wal mbwa Sɔ gbaa tazu ɔ long.

Gbasamɔ 17:11

Ngɔnzu ɛngɛ ka badung se nɛ zutunɔ, nɛ ka bo fin nɛ zutunɔ na, wɛnɛ nê zemɔrkɔ zanga tar kongapora. Ma, wɛnɛ fin nê ma ndang ha soko ɛ ndɔng mɔrkɔ zanga bwa. Nɛ wɛnɛ benɛ ha bhonda.

Gbasamɔ 17:8

Ngɔnzu ɛngɛ ka mɛ zɔka, badung se nɛ zutunɔ. Ma, sising, a bo fin nɛ zutunɔ na. A begbo ha fongo hazu nɛ ha bhonda. Hio wi mɔ zu nu beyaksi ha zɔka wɛnɛ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Hazu, ngɔnzu ɛngɛ badung se nɛ zutunɔ. Ma, sising, a bo fin nɛ zutunɔ na. Ngase ɛngi, a bekifiri pe.

Gbasamɔ 20:11

Hapata ɛngi, mi zɔka ma gasa bu solowan, nɛ ma wi ka dungɔnu ha zua. Ngɔn nɛ nu yuo mɔ ha li wa, nɛ yo pena wong.

Gbasamɔ 21:1

Hapata ɛngi, mi zɔka mbombe ngɔn nɛ mbombe nu. Hazu mɔa ngɔn nɛ mɔa nu pena kari, nɛ nana-litɔng bo fin na.