2 Pierre 3:16 - Takarata pɛ Sɔ Mbombe Mbon

¹⁶ Ha zang hio takarata pɛa fɛt, ka wɛnɛ nɛ ma wen hazu mɔ ndɔng, a tɔ kanɛ ndangtɛ wen gbesi. Hio ma mɔ ang ha zang hio takarata pɛa, ka wi ze zanga nɛhasa na. Mɛgi, hio wi ndɔng ka bo nɛ mbaramɔ na, nɛ ka pɔsi ha wal mɔ Sɔ, mbwa ha bhabha goto wen ndɔng, gbesi tuka mbwa ha dea nɛ hio olo wen ha zang takarata pɛ Sɔ. Nɛ wal deamɔ mɛgi, mbwa dak nɛ fio pi ha zu mbwa nɛ pɛ mbwa tɛ.

2 Pierre 3:16 ပူးပေါင်းရင်းမြစ်များ

Matthieu 15:3

Ma, Jésus kiforo wen ha mbwa: «Nɛ pɛ ɛnɛ, ɛnɛ tukili mbonga pɛ Sɔ, hazu gde ha bhandia ndɔki deamɔ pɛ ɛnɛ, hazu ge?

Matthieu 15:6

ki wɛnɛ lɛma laka gbakara mbwa gde. Mɛgi ɛnɛ laka wen pɛ Sɔ gde, hazu gde ndɔki deamɔ pɛ ɛnɛ ha bhandia.

Matthieu 22:29

Jésus kiforo wen ha mbwa: «Ɛnɛ yɔamɔ. Hazu ɛnɛ ing takarata pɛ Sɔ nɛ ziomɔ pɛa na.

Filipe 3:19

Sɔ bebhondisi mbwa ha kpogio ngimɔ. Zang mbwa tɛ bo nê sɔ pɛ mbwa, mbwa ha suotɛ hazu deamɔ foy pɛ mbwa, nɛ mbwa takiri mɔ sɔna ha zu hio mɔ nzan.

Hebro 5:11

Ɔ nɛ hio mɔ nɛdɔka mɛ tɔ ha ɛnɛ hazu mɔ ndɔng. Ma, yo nɛ ngaya mɛ tɔ gotoa ha ɛnɛ, hazu ɛnɛ ze mɔ nɛhasa na.

Jacques 1:8

Hazu wɛnɛ nɛ sila bwa, nɛ a nɛ nɔ zelem-zelem ha wal pɛa fɛt.

1 Pierre 1:1

Yo nê mi Pierre, *wan-nɛtom pɛ Jésus-Christ, ha ngɛriki takarata ɛngɛ ha ɛnɛ, hio wi ka Sɔ weka, ka de le ha nzan tuka gɔn-gɛnɛ wi ha hio kandɔnu Pon, Galasi, Kapadose, Azi, nɛ Bitini.

1 Pierre 2:8

Nɛ ɛ bangɛriki fin: «Ta ɛngɛ tɛ bo nê ta kɔ nanga, yo tɛ bo nê ta ka teksi hio wi pi ha nu.» Mbwa kɔa nanga ang tek, hazu mbwa kafa zea wen pɛ Sɔ. Sɔ babhɔngiri mɔ hazu mbwa mɛgi sɔngsi bhee.

2 Pierre 2:1

Sɔngsi bhee, hio *wan-tɔkuliwen dalo bahɔ ha soko kandɔ *Israel. Gbesi tuka ɛngi fin, hio wan-osimɔ dalo behɔ ha soko ɛnɛ. Mbwa betɛ nɛ wuso hazu osi hio kalbho-kalbho osamɔ ka begdangsi tunɔ pɛ hio wi. Nɛ mbwa bekafi Jésus-Christ, wan pɛ mbwa, ka yanga mbwa. Nɛ wal dea mɔ mɛgi, mbwa de nde, Sɔ abhondisi mbwa nɛhasa.

2 Pierre 2:14

Dɔka takaramɔ pɛ mbwa sɔna nɛ dea li hio bhoko-de wanza. Tɛ mbwa kati ha dea gdangamɔ na. Mbwa ha kio wal mɛ osili hio wan-pɔsa ha wal mɔ Sɔ pi ha dea gdangamɔ. Sila mbwa dona nɛ wɔ mbɔli. Sɔ foma mbwa kari.

2 Pierre 3:14

Hazu ɛngi hio ndɔngsila mi, ha kera swe ɛngɛ, ɛnɛ agbɛngsi tɛ ɛnɛ nde, deamɔ pɛ ɛnɛ adung nɛ saa, ma wen adung ha zu ɛnɛ ha li Sɔ na, nɛ gaamɔ adung ha soko ɛnɛ hinɛ wɛnɛ.

2 Pierre 3:2

Tazu ɛnɛ agba nɛ hio wen ndɔng ka hio nzɔy *wan-tɔkuliwen batɔ sɔngsi bhee. Nɛ tazu ɛnɛ agba fin nɛ *mbonga pɛ *Kongawan, *Wan-kpasisi ɔ, ka hio *wan-nɛtom pɛa osa ha ɛnɛ.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.