2 Pierre 3:15 - Takarata pɛ Sɔ Mbombe Mbon

¹⁵ Ɛnɛ ing nde, Kongawan pɛ ɔ ha kera pea nde, ɛnɛ akpa ngimɔ mɛ kpasi. Ɛngi nê ndangtɛ wen, ka ndɔngsila ya ɔ, Paul, ngɛraka ha ɛnɛ nɛ wal mbaramɔ ka Sɔ haa ha wɛnɛ.

2 Pierre 3:15 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 21:15

Hazu mi nɛ pɔm tɛ beha ɛnɛ mbaramɔ mɛ tɔ wen, ka ngana pɛ ɛnɛ fɛt lɛm gan zua na, nɛ ka mbwa lɛm kifiri wen ha yo na.

Deamɔ 15:25

Hazu ɛngi, ɔ kpoa zuwen nɛ sila ndang mɛ weki hio ma wi, nɛ tomsi mbwa ha pɛ ɛnɛ hinɛ hio ndɔngsila ɔ, Paul nɛ Barnabas,

Deamɔ 7:10

nɛ a kpasasa wɛnɛ ha zang hio yeksamɔ fɛt. A haa wɛnɛ mbaramɔ nɛ dea nde, Faraon, *kongapora mɔ Ezipte, zɔka wɛnɛ nɛ dede li. Mɛgi, Faraon gdea wɛnɛ tuka wan hazu hio wi mɛ Ezipte nɛ fin tuka wan-pam hio mɔ pɛa fɛt.

Deamɔ 9:17

Mɛgi, Ananias pena nɛ lea twa ɛngi. A gdea kɔ ha zu Saul nɛ tɔa: «Saul, ya mi, yo nê Kongawan Jésus ha tomsi mi ha mɛ. Yo nê wɛnɛ ka gbasa tɛ ha mɛ ka mɛ ha tɛa ha liwal. A tomsa mi nde, mɛ azɔk mɔ nɛ mbinga, nɛ nde, mɛ adon nɛ *Nzɔy-Sɔtɛ.»

Rome 2:4

Sɔ nê gasa wan-de dedemɔ, wan-yikosila nɛ wan-ba sila nɛ kɔ. Mana mɛ bhɛsiri wɛnɛ ha wena nde? Wɛnɛ de dedemɔ ha tɛ mɛ tuka nde, mɛ akifiri sila mɛ. Mɛ ingɔ mɛgi, na nde?

1 Korente 12:8

Nzɔy-Sɔtɛ ha ngatɛ ha ma wi mɛ wol mɔ nɛ mbaramɔ. Ndangtɛ Sɔtɛ ha ngatɛ ha ma mbing wi mɛ wol mɔ nɛ ingɔmɔ.

1 Korente 2:13

Mɛgi, ɔ ha bulo wen mɔ ndɔng bo nɛ wal mbaramɔ ka hio wi osi na. Ma, ɔ ha bulo yo nɛ wal mbaramɔ ka Sɔtɛ pɛ Sɔ osa ha ɔ. Mɛgi, ɔ ha bulo tɛwen pɛ Nzɔy-Sɔtɛ ha wi ndɔng ka Sɔtɛ ɛngɛ de le ha sila mbwa.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

Efeze 3:3

Sɔ gbasa ha mi hio mɔ ka wɛnɛ babhɔngiri nɛ wuso. Mi ngɛraka hio ma bebe wen hazua sɔngsi ha zang takarata ɛngɛ kari.

1 Timothée 1:16

Ma, yo nê ɛngi, ka Jésus-Christ dea kobhe tɛ mi hazu osi long nde, wɛnɛ baa sila wa nɛ mi, gasa wan-de gdangamɔ pen fɛt. Mɛgi, nɛ wal mi, hio wi being nde, mbwa fɛt lɛma mɛkiri wɛnɛ, nɛ mbwa fɛt lɛma kpa *tunɔ kpoo.

Jacques 1:5

Ka ma wi ha soko ɛnɛ bo nɛ mbaramɔ na, dea nde, wɛnɛ agɔ yo ha kɔ Sɔ ka beha yo ha wɛnɛ. Hazu Sɔ ha mɔ ha wi fɛt nɛ *dede sila. Wi ka gɔ mɔ ha kɔ wa, Sɔ sɛn wen ha wɛnɛ na.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

1 Pierre 3:20

Hio sɔtɛ wi ndɔng bade kpandele sungiri nɛ Sɔ ha ngimɔ ka Noe dungɔ ha dea kuga. Sɔ kera nɛ yikosila kanɛ Noe karsa dea yo. Hio wi tikiring, yo tɔ nde, hio wi mɔrkɔ zanga tar sɔna lea kuga ɛngɛ, nɛ mbwa kpasa ha mbeng li.

2 Pierre 3:2

Tazu ɛnɛ agba nɛ hio wen ndɔng ka hio nzɔy *wan-tɔkuliwen batɔ sɔngsi bhee. Nɛ tazu ɛnɛ agba fin nɛ *mbonga pɛ *Kongawan, *Wan-kpasisi ɔ, ka hio *wan-nɛtom pɛa osa ha ɛnɛ.

2 Pierre 3:9

Hio ma wi ha takara nde, mɔ ka Kongawan gɔna nu mɛ de, a lɛmsiri yo nɛhasa na. Yo bo mɛgi na, ma, wɛnɛ nɛ yikosila hazu ɛnɛ. A ngoy nde, ma wi ndang abhondi na, ma, a ngoya nde, hio wi fɛt akpa ngimɔ mɛ kifiri sila mbwa.