2 Pierre 3:1 - Takarata pɛ Sɔ Mbombe Mbon

¹ Hio ndɔngsila mi, ɛngɛ nê zebwa takarata ka mi ngɛriki ha ɛnɛ. Ha zang takarata ndɔng bwa fɛt, mi gba tazu ɛnɛ nɛ hio mɔ ka ɛnɛ ingɔ kari, tuka nde, ɛnɛ atakiri mɔ nɛ wala.

2 Pierre 3:1 ပူးပေါင်းရင်းမြစ်များ

Matthieu 5:8

Totɛ ha hio wi ndɔng ka sila mbwa nɛ saa, hazu mbwa bezɔk Sɔ!

2 Korente 13:2

Ha zebwa yali pɔm ha pɛ ɛnɛ, mi bagba tazu wi ndɔng ka dea gdangamɔ nɛ tazu hio olo wi fɛt. Nɛ sising ka mi tɛ hɔ ka ha soko ɛnɛ na, mi gba tazu mbwa bingiri ze ndang fin nde, ka mi hɔa nɛ mbinga, mi lɛm gde ma wi fin ndang na.

1 Timothée 5:22

Ka mɛ agde kɔ ha zu ma wi nɛhasa hazu gde wɛnɛ ha ma tom ha soko giliwi mɔ eglize na. Ka mɛ ade sɔy hinɛ ma wi ha gdangamɔ pɛa na. Mɛ pam tɛ mɛ nɛ saa.

2 Timothée 1:6

Yo nê hazu ɛngi, mi gba tazu mɛ nde, ngatɛ ka Sɔ haa ha mɛ nɛ wal gdea kɔ mi ha zu mɛ, mɛ tunsi yo nɛ mbinga fin.

Hebro 6:9

Ma, pɛ ɛnɛ, hio ndɔngsila ɔ, ngase ka ɔ tɔ wen mɛgi ha ɛnɛ, ɔ ingɔ nde, ɛnɛ ha ndara dede wal ka Sɔ bekpasisi nɛ ɛnɛ ang.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

1 Pierre 2:11

Hio ndɔngsila mi, ɛnɛ ha nzan tuka hio gɔn-gɛnɛ wi. Mɛgi mi mbo ɛnɛ nde, ka ɛnɛ ade fin hɛl mɔ multɛ na, hazu yo ha bio bulo sungiri nɛ sɔtɛ ɛnɛ.

2 Pierre 3:14

Hazu ɛngi hio ndɔngsila mi, ha kera swe ɛngɛ, ɛnɛ agbɛngsi tɛ ɛnɛ nde, deamɔ pɛ ɛnɛ adung nɛ saa, ma wen adung ha zu ɛnɛ ha li Sɔ na, nɛ gaamɔ adung ha soko ɛnɛ hinɛ wɛnɛ.

2 Pierre 3:17

Ka bo nê pɛ ɛnɛ, hio ndɔngsila mi, mi gbaa tazu ɛnɛ kari. Mɛgi, ɛnɛ pangay yu nde, hio *kalbho-kalbho wi betɛ sɛbhili ɛnɛ mɛ ndari mbwa ha gdanga wal pɛ mbwa, nɛ ɛnɛ betɛ lak gde mɛ zati ha wal mɔ Sɔ.

2 Pierre 3:8

Ma, hio ndɔngsila mi, lɛm nde, tazu ɛnɛ abisi nɛ mɔ mɛgɛ na: Ha li Kongawan, yala ndang dung tuka bɛlɛ tomay ndang, nɛ bɛlɛ tomay ndang dung fin tuka yala ndang.

Jude 1:5

Mi ingɔ nde, ɛnɛ ingɔ mɔ ndɔng fɛt. Ma, mi ngoya gba tazu ɛnɛ nde, ngase ka Sɔ kpasasa kandɔ *Israel gbo ha kandɔnu Ezipte, nɛ pata, wɛnɛ gbɛa wi ndɔng ka kafa mɛkara wɛnɛ.