2 Pierre 2:4 - Takarata pɛ Sɔ Mbombe Mbon

⁴ Kpasawen, Sɔ tɛ de kobhe tɛ hio *telenge ndɔng ka bade gdangamɔ sɔngsi, na. Ma, a pio mbwa ha bhandi yɔng nzata. Mbwa dung haki nɛ sanga kɔ ha bhandi ngɛ-ngɛ-ngɛ tutum keri nɛ ngimɔ kita pɛ Sɔ.

2 Pierre 2:4 ပူးပေါင်းရင်းမြစ်များ

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Matthieu 8:29

Mbwa gdɔra: «*Bewei pɛ Sɔ, mɛ ngoy mɛ de nɛ ge nɛ ɔ ge? Mɛ tɛa hazu yukiti ɔ sɔngsi swe kita pɛ Sɔ nde?»

Marc 5:7

Nɛ wɛnɛ gdɔra nɛ ngagɛl, a tɔa: «Jésus, *Bewei pɛ Sɔ ha kuso ngɔn, mɛ ngoy mɛ de nɛ ge nɛ mi ge? Mi baa nanga mɛ nɛ ling Sɔ nde, ka mɛ andulsi mi na.»

Dede Wen hazu Jésus-Christ ka Luc ngɛraka 10:18

A tɔa ha mbwa: «Mi zɔka *Satan ha *bhiloa ha ngɔn tek ha nu tuka piolikolo.

Dede Wen hazu Jésus-Christ ka Luc ngɛraka 8:31

Nɛ hio gdanga sɔtɛ lokatɛ ha Jésus nde, ka wɛnɛ aha nu ha mbwa mɛ zil ha zang zɔbhɔ pɛ hio gdanga sɔtɛ na.

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

Rome 11:21

Pangay, ka Sɔ tɛ pam hio zuife ka dung nê hio tɛ kpasa gbakɔte na, a lɛma de gbesi nɛ mɛ, na nde?

Rome 8:32

Sɔ tɛ kafi nde, ngbak Bewei pɛa afe gɔn zu ɔ, na. A haa Bewei pɛa ha ɔ, yo osi long nde, a beha ɔ fin hio mbing mɔ fɛt.

2 Pierre 2:11

Ngase hio telenge ka dung pɛ mbwa nɛ ngatɛ nɛ ziomɔ pen hio wan-osimɔ dalo ndɔng, mbwa bo ha guo nu ha li *Kongawan mɛ tɔ gdanga lingtɛ hio lɛkɛ-lɛkɛ ziomɔ ndɔng na.

2 Pierre 2:5

Sɔngsi bhee, hio wi mɔ nzan tɛ kpɔy ha kita pɛ Sɔ na. Ma, Sɔ bhondasa mbwa nɛ wal gasa mbeng li. A kpasasa sɔna nɛ hio wi mɔrkɔ zanga tar: Yo nê Noe, ka gba tazu hio wi mɛ de mɔ nzeng, hinɛ hio nam pɛa.

2 Pierre 2:9

Hio mɔ ndɔng osi nde, Sɔ ingɔ wal mɛ kpasisi ha zang yeksamɔ hio wi ka dung nɛ mboazu ha li wa. Nɛ a ingɔ fin mɛ pam hio kalbho-kalbho wi keri nɛ swe kita ka wɛnɛ bendulsi mbwa ang.

1 Jean 3:8

Ma, wi ka bhɔna ha dea gdangamɔ, wɛnɛ nê wi pɛ gdanga sɔ. Hazu gdanga sɔ bhɔna ha dea gdangamɔ bhee nisi ha ngimɔ ka Sɔ dea nzan. Nɛ *Bewei pɛ Sɔ tɛa hazu yangili tom pɛ gdanga sɔ yunɛ.

Jude 1:13

Mbwa dung tuka tongbasali ha li nana-litɔng. Gdangamɔ pɛ mbwa gboa tuka puru ka yal ha zu li li. Nɛ mbwa dung gbesi tuka hio sɔla ka sɔwi nɛtum nɛtum. Sɔ bhɔngara bhandi ngɛ-ngɛ-ngɛ tutum gde keri nɛ mbwa kari, nɛ mbwa bedung haki kpoo nɛ kpoo.

Jude 1:6

Tazu ɛnɛ agba fin nɛ hio *telenge ndɔng ka balak bhandi pɛ mbwa gde hazu mbwa ngoya ziomɔ pen ɛngɛ ka Sɔ haa ha mbwa. Sɔ basang mbwa nɛ zɔbhɔ kpoo, pi ha zang ngɛ-ngɛ-ngɛ tutum, keri nɛ gasa ngimɔ kita.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.