2 Pierre 2:3 - Takarata pɛ Sɔ Mbombe Mbon

³ Hio wan-osimɔ dalo ndɔng ha dea hɛl mbɔli pentɛ. Mɛgi, mbwa bendɔmbili ɛnɛ nɛ dede gɛl hazu yɔng ɛnɛ. Ma, Sɔ gɔna kita ba nɛ mbwa bhee, nɛ ngimɔ ka wɛnɛ bebhondisi nɛ mbwa koka kari.

2 Pierre 2:3 ပူးပေါင်းရင်းမြစ်များ

Matthieu 23:14

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Ɛnɛ yɔng likɔ pɛ hio nagula fɛt. Nɛ ɛnɛ gɔ Sɔ ndɛliɛɛ nɛ peali tuka nde, hio wi azɔk ɛnɛ tuka *nzeng wi. Hazu ɛngi, Sɔ begɔn kita ha zu ɛnɛ nɛngaya pen hio olo wi.]

Dede Wen hazu Jésus-Christ ka Luc ngɛraka 18:8

Ey, mi tɔ ha ɛnɛ nde, a bede nzengmɔ ha tɛ mbwa nɛhasa. «Ma, ka mi, *Bewei pɛ Wi bekifiri, mi bekpa fin hio wi ka mɛkara Sɔ, nde?»

Dede Wen hazu Jésus-Christ ka Luc ngɛraka 20:20

Mɛgi, mbwa bhɔna ka ha mbara wɛnɛ. Nɛ wuso, mbwa tomsa hio ma wi ka de mbɔlɛ nde, mbwa nê *nzeng wi. Mbwa ngoya ki nu wa nde, wɛnɛ atɔ ma wen ka lɛma mɛ gde wɛnɛ ha kɔ ziomɔ pɛ gɔfɔrma.

Dede Wen hazu Jésus-Christ ka Luc ngɛraka 22:47

Ka Jésus boka ha wolamɔ, zugiliwi hɔa. Judas, ma *wan-nɛtom pɛa ha soko bhukɔ gbala bwa, nɛa ha li mbwa. A tiko tɛ hapɛtɛ Jésus hazu duy mbuku wa.

Jean 2:16

A tɔa ha hio wan-gdongi gbakuli: «Ɛnɛ kay mɔ ndɔng fɛt yunɛ hakɛ. Ka ɛnɛ akpali twa pɛ Bafa mi nɛ twa de zando na!»

Rome 16:18

hazu hio tili wi mɛgi de tom ha Christ, *Kongawan pɛ ɔ, na. Ma, mbwa de nɛ tom zang mbwa. Nɛ wal yefa wen nɛ dede gɛl mbwa, mbwa ha osala hio wi ndɔng ka li mbwa bha na.

2 Korente 2:17

Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

1 Tesalonike 2:5

Ɛnɛ ingɔ nde, ɔ tɛ wolmɔ ha ɛnɛ nɛ mbɔlɛ na, nɛ ɔ tɛ ndɔmbili ɛnɛ hazu kpa ma mɔ ha kɔ ɛnɛ na. Sɔ nê wan-kɛwen pɛ ɔ.

1 Tesalonike 5:3

Ha ngimɔ ka hio wi betɔ nde, hoo, mɔ fɛt nɛ gaa, yeksamɔ bo na, yo nê ha ndangtɛ ngimɔ ɛngi ka gasa yeksamɔ bewang mbwa. Nɛ mbwa lɛm kpɔy ang na. Yo bedung tuka yimtɛ bio bhɛ ka kpa nazang.

1 Timothée 3:3

Ka wɛnɛ adung nê wan-fe dɔkɔ mana wan-bi tumbɔ na. Ma, wɛnɛ adung nɛ gaa nɛ mɛndi, nɛ ka wɛnɛ agde sila wa ha tɛ mbɔli na.

1 Timothée 3:8

Lɛma nde, hio diakre adung nê hio zio wi, ka bo nɛ nu bwa na. Ka mbwa anɔ dɔkɔ nɛ ngurua na, nɛ ka mbwa aki mbɔli nɛ gdanga wal na.

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

Tite 1:11

Lɛma nde, ɛ agdɔki nu mbwa, hazu mbwa ha dea nde, hio ma nam zɛm agde gdong ha dede osamɔ. Mbwa ha osa mɔ ka lɛm na, hazu kpa nɛ mbɔli nɛ gdanga wal.

Tite 1:7

Lɛma nde, wan-pam *giliwi mɔ eglize adung nɛ ma wen ndang ha zu wa na, hazu wɛnɛ nê wan-pam mɔ pɛ Sɔ. Ka wɛnɛ adung nê wan-sutɛ na, wan-de ngambi na, wan-nguru dɔkɔ na, wan-bi tumbɔ na, nɛ fin, ka wɛnɛ aki mbɔli nɛ gdanga wal na.

1 Pierre 2:8

Nɛ ɛ bangɛriki fin: «Ta ɛngɛ tɛ bo nê ta kɔ nanga, yo tɛ bo nê ta ka teksi hio wi pi ha nu.» Mbwa kɔa nanga ang tek, hazu mbwa kafa zea wen pɛ Sɔ. Sɔ babhɔngiri mɔ hazu mbwa mɛgi sɔngsi bhee.

1 Pierre 5:2

ɛnɛ apam hio giliwi mɔ eglize nɛdedea gbesi tuka ka zaoro sami day nɛ hio sami. Ɛnɛ pam mbwa nɛ totɛ tuka Sɔ ngoya. Ka ɛnɛ ade tom ɛngɛ tuka wi ka ɛ nɔsisi, na. Ɛnɛ de yo bo hazu kang mbɔli na, ma, ɛnɛ gde sila ɛnɛ fɛt ha toma.

2 Pierre 1:16

Ɔ batɔ wen ha ɛnɛ sɔngsi hazu tɛa pɛ *Kongawan pɛ ɔ, Jésus-Christ, ha zang ziomɔ pɛa. Ɔ tɛ tɔ hio to ka tɛ nɛ wal mbaramɔ pɛ wi na, ma, ɔ zɔka gasa kongamɔ pɛa nɛ tɛ li ɔ.

2 Pierre 2:1

Sɔngsi bhee, hio *wan-tɔkuliwen dalo bahɔ ha soko kandɔ *Israel. Gbesi tuka ɛngi fin, hio wan-osimɔ dalo behɔ ha soko ɛnɛ. Mbwa betɛ nɛ wuso hazu osi hio kalbho-kalbho osamɔ ka begdangsi tunɔ pɛ hio wi. Nɛ mbwa bekafi Jésus-Christ, wan pɛ mbwa, ka yanga mbwa. Nɛ wal dea mɔ mɛgi, mbwa de nde, Sɔ abhondisi mbwa nɛhasa.

2 Pierre 2:9

Hio mɔ ndɔng osi nde, Sɔ ingɔ wal mɛ kpasisi ha zang yeksamɔ hio wi ka dung nɛ mboazu ha li wa. Nɛ a ingɔ fin mɛ pam hio kalbho-kalbho wi keri nɛ swe kita ka wɛnɛ bendulsi mbwa ang.

Jude 1:11

Ngɔtɛ ha mbwa! Hazu mbwa ndara deamɔ pɛ Kain. Mbwa tɔa wen dalo hazu kpa nɛ mbɔli gbesi tuka ka Balaam batɔ nɛ. Mbwa guotɛ sungiri nɛ Sɔ, gbesi tuka ka Kore bade nɛ, nɛ mbwa fɛt befe tuka wɛnɛ.

Jude 1:15

hazu gɔn kita ha zu hio wi fɛt. Nɛ wɛnɛ bendulsi hio *wan-kafi Sɔ ndang ndang fɛt hazu mɔ, ka mbwa dea sungiri nɛ wɛnɛ. A bendulsi mbwa, hio *wan-de gdangamɔ ka kafi Sɔ, hazu hio gdanga wen fɛt ka mbwa tɔa sungiri nɛ wɛnɛ.

Jude 1:16

Wi ndɔng nê nakɛkiri wen ka tɔ tɛ swe fɛt. Mbwa de mɔ fɛt tuka sila mbwa ngoya. Mbwa ha tɔa wen sutɛ nɛ ha ndɔmbala hio wi nɛ zɛng gɛl hazu ku nɛ mɔ ha kɔ mbwa.»

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Jude 1:7

Tazu ɛnɛ agba fin nɛ le Sodome nɛ Gomore, nɛ hio le mɔ pɛtɛa. Hio wi mɔ le ndɔng dea mɔ nak pata pɛ hio telenge ndɔng. Mbwa haa tɛ mbwa ha dea tili wanza fɛt, nɛ fin, mbwa ɔa nu nɛ hio sari. Sising, mbwa ha yɔnga nzata ha we ka besisi kpoo. Nɛ wal mbwa Sɔ gbaa tazu ɔ long.