2 Pierre 2:21 - Takarata pɛ Sɔ Mbombe Mbon

²¹ Hio wi ndɔng ingɔ nzeng wal mɔ Sɔ ngimɔ tikiring, nɛ hapata mbwa kiforo wolo gdong ha nzɔy *mbonga, ka Sɔ haa ha mbwa. Pɛ mbwa, lɛma se pentɛ nde, mbwa aing nzeng wal mɔ Sɔ na.

2 Pierre 2:21 ပူးပေါင်းရင်းမြစ်များ

Matthieu 21:32

Hazu *Jean wan-gdumsiwi tɛa tɛ osi nzeng wal ha ɛnɛ, nɛ ɛnɛ tɛ mɛkiri wɛnɛ na. Ma, hio wan-ndɛm mbɔli garama nɛ hio bhoko-de wanza mɛkara wen pɛa. Ngase ɛnɛ zɔka mɔ ɛngɛ, ɛnɛ tɛ kifiri sila ɛnɛ na, nɛ ɛnɛ tɛ mɛkiri wen pɛa na.»

Dede Wen hazu Jésus-Christ ka Luc ngɛraka 12:47

«Wan-tom ka ingɔ mɔ ka wan pɛa ngoya, nɛ ka kafi mɛ bhɔngiri nɛ de yo, ɛ bemɛl wɛnɛ nɛkpasa.

Jean 15:22

Mi atɛ se tɛ tɔ Wen pɛ Sɔ ha mbwa na, ki mbwa bo nɛ *sɛmbɔ na. Ma, mi tɛa tɛ tɔ Wen pɛ Sɔ ha mbwa kari. Mɛgi, mbwa bo fin nɛ ma nu mɛ gu hazu sɛmbɔ pɛ mbwa na.

Jean 9:41

Nɛ Jésus kiforo wen ha mbwa: «Ɛnɛ abo se nê hio wan-gdɔka li, ki ma *sɛmbɔ bo ha zu ɛnɛ na. Ma, ɛnɛ tɔa nde, ɛnɛ nê hio wan-dede li. Mɛgi, sɛmbɔ bebhɔn ha zu ɛnɛ.»

Rome 7:12

Ngase ɛngi, mbonga nɛ pɛa tɛ nɛ nzɔya, nɛ hio wen mbonga fɛt nɛ nzɔya, nzeng, nɛ dedea.

Galasi 6:2

Ɛnɛ agbakiri may ha zang hio ngamɔ. Ka ɛnɛ de mɛgi, ɛnɛ belɛmsiri *mbonga pɛ Christ.

1 Tesalonike 4:2

Ey, ɛnɛ ingɔ hio haanu ka ɔ baha ha ɛnɛ ha olo nu Kongawan Jésus.

1 Timothée 6:14

mɛ apam haanu pɔm. Mɛ pam yo nɛ saa, bo nɛ wen hazua na, hɔ ha ngimɔ ka *Kongawan pɛ ɔ, Jésus-Christ, bepe nɛ.

Hebro 10:26

Hazu ka ɔ ingɔ tɛwen kari, nɛ ka ɔ bhɔn ka ha dea gdangamɔ nɛ nyalɔ, ma mbing sadaka ka lɛma mɛ bisi nɛ *sɛmbɔ pɛ ɔ, bo fin na.

Jacques 4:17

Mɛgi, wi ka ingɔ wal mɛ de dedemɔ, nɛ ka de yo na, wia dea gdangamɔ.

2 Pierre 3:2

Tazu ɛnɛ agba nɛ hio wen ndɔng ka hio nzɔy *wan-tɔkuliwen batɔ sɔngsi bhee. Nɛ tazu ɛnɛ agba fin nɛ *mbonga pɛ *Kongawan, *Wan-kpasisi ɔ, ka hio *wan-nɛtom pɛa osa ha ɛnɛ.

Jude 1:3

Hio ndɔngsila mi, mi dungɔ nɛ tɛ gasa hɛl mɛ ngɛriki takarata ha ɛnɛ hazu *mɔkpasi ka Sɔ kpasisi nɛ ɔ hinɛ ɛnɛ fɛt. Ma, mi zɔka nde, yo lɛma nde, mi angɛriki ha ɛnɛ hazu mbo ɛnɛ. Ɛnɛ mɛkara hio wen ka Sɔ gbasa ha hio nzɔy wi pɛa hireng. Mɛgi mi mbo ɛnɛ mɛ bi tumbɔ hazu pam hio wen ndɔng nɛ saa.