2 Pierre 2:2 - Takarata pɛ Sɔ Mbombe Mbon

² Hio wi nɛdɔka bendari deamɔ tum pɛ mbwa. Nɛ hio wi befɛngsi kpasa wal mɛ ndari Sɔ pi nɛ mɔ ha mbwa.

2 Pierre 2:2 ပူးပေါင်းရင်းမြစ်များ

Matthieu 22:16

Mbwa tomsa hio ma *wan-yambimɔ pɛ mbwa nɛ hio ma ngali pɛ Herode ha pɛ Jésus mɛ tɔ ha wɛnɛ: «Wan-osimɔ, ɔ ingɔ nde, mɛ nê wan-tɔ tɛwen, ka osi ngbak mɔ, ka Sɔ ngoya nde ɔ ade. Mɛ yu ke li ma wi na, nɛ mɛ de mɔ hazu pea li wi na.

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 7:14

Ma, yo nê bho-ngo-ngo nutwa nɛ bhɛtɛ-bhɛtɛ wal, ka nɛ ha tunɔ. Nɛ wi ndɔng ka kpa wal ɛngɛ dɔk na.»

Marc 12:14

Mbwa tɛa tɛ tɔ ha wɛnɛ: «Wan-osimɔ, ɔ ingɔ nde mɛ nê wan-tɔ tɛwen, ka yu ke li ma wi na, nɛ mɛ de mɔ hazu pea li wi na. Mɛ ha osa ngbak mɔ, ka Sɔ ngoya nde ɔ ade. Mɛ tɔ ha ɔ, *mbonga pɛ ɔ ha wal mɛ kpe garama ha kongapora Sezar, mana yo gdɔki wal mɛ kpe yo nde?»

Marc 13:22

Hazu, ha ngimɔ ɛngi, hio wan-osili wi begbo nɛ mbwa betɔ: ‹Mi nê Mesi!› Mana mbwa betɔ: ‹Mi nê *wan-tɔkuliwen pɛ Sɔ.› Mbwa bede hio *mɔkifi nɛ hio *mɔweka, nɛ ka mbwa kpa wal, mbwa beosili nɛ hio wi ndɔng ka Sɔ weka.

Jean 14:6

Jésus kiforo wen ha wɛnɛ: «Mi nê liwal, mi nê tɛwen, nɛ mi nê tunɔ. Yo nê sɔna nɛ wal mi ka wi lɛma nɛ ha pɛ Bafa mi.

Deamɔ 13:10

nɛ tɔa: «Bem pɛ *Satan, mɛ nê wan-likisi nɛ wan-nga sila, nɛ mɛ ha sungoro nzengmɔ fɛt! Hazu ge mɛ bhɔna ha tɔa nde, tɛwen pɛ *Kongawan nê wen dalo, ge nde?

Deamɔ 14:2

Ma, hio zuife ndɔng ka ngoy mɛkara na, aa sɔkira ha zala hio wi mɔ olo kandɔ nde, sila mbwa apang nɛ hio ya ha Christ.

Deamɔ 16:17

Wɛnɛ naka pata Paul nɛ ɔ fɛt, nɛ a gdɔra nɛ ngagɛl: «Hio wi ndɔng nê wan-tom pɛ Sɔ ha kuso ngɔn. Mbwa ha osa ha ɛnɛ wal *mɔkpasi.»

Deamɔ 18:26

Apolos bulo wen nɛ da ha *twa gɔ Sɔ. Ka Priscille hinɛ Akilas zea wen pɛa, mbwa kuo wɛnɛ sinɛ ha twa pɛ mbwa. Mbwa osa ha wɛnɛ osamɔ hazu wal pɛ Sɔ nɛdedea pen mɔ sɔngsi.

Deamɔ 19:9

Ma, hio ma wi dea nga zu, nɛ mbwa kafa mɛkara Jésus. Mbwa tɔa nyalɔ wen ha li giliwi fɛt sungiri osamɔ hazu wal pɛ Kongawan Jésus. Mɛgi, Paul gɔna soko hinɛ mbwa. A kaya hio *wan-yambimɔ pɛ Jésus gde nɛtɛ. Nɛ swe fɛt, wɛnɛ dungɔ ha osamɔ ha twa yambimɔ pɛ Tiranos.

Deamɔ 22:4

Mi namala hio wi ka ndara wal pɛ *Kongawan Jésus kanɛ mi gbɛa hio ma. Mi baa hio wei nɛ hio bhoko sang nɛ pɛl pi ha twa zɔbhɔ.

Deamɔ 24:14

Ngase ɛngi, mi gbasi ha mɛ long nde, mi de tom ha Sɔ pɛ hio ngbabafa ɔ nɛ wal pɛ *Kongawan Jésus, ka mbwa tɔ nde, yo bo nzeng na. Ma, mi ha mɛkara mɔ fɛt, ka Moïse ngɛraka ha takarata *mbonga, nɛ ka hio *wan-tɔkuliwen ngɛraka.

Rome 2:24

Yo nê gbesi tuka ɛ ngɛraka ha takarata pɛ Sɔ: «Hio mbing kandɔ ha tɔa gdanga lingtɛ Sɔ pi nɛ mɔ ha zu ɛnɛ, hio zuife.»

1 Timothée 5:14

Mɛgi, mi ngoya nde, mbwa asi ma mbing wei, mbwa abhɛ bem, nɛ mbwa apam twa nɛdedea. Yu nde, hio ngana pɛ ɔ betɛ kpa wal mɛ tɔ nɛ gdanga lingtɛ ɔ.

Tite 2:5

wal mɛ ba zu ha deamɔ pɛ mbwa, wal mɛ dung nɛ mboazu, wal mɛ de dede tom zang twa, wal mɛ ze nu wei pɛ mbwa. Mbwa ade mɛgi yu nde, hio wi betɛ fɛngsi Wen pɛ Sɔ.

Tite 2:8

Mɛ osi mɔ nzeng ka ɛ lɛm sungiri yo na, tuka nde, foy ade hio ngana pɛ ɔ hazu mbwa lɛm tɔ ma gdanga wen ha tɛ ɔ na.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

2 Pierre 2:12

Ma, hio wi ndɔng de mɔ nɛ wal multɛ tuka hio sari bɛlɛ, ka ɛ bhɛ mbwa nde, hio wi aba mbwa gbɛ. Mbwa ha fɛngsa hio mɔ ka mbwa ing na. Sɔ bebhondisi mbwa tuka hio sari bɛlɛ.

2 Pierre 2:15

Mbwa yɔamɔ lak nzeng wal pɛ Sɔ gde. Mbwa tɛ bo ha ndara wal pɛ Balaam, bewei pɛ Bosor, ka ngoya mɛ kpa mbɔli nɛ wal dea gdangamɔ.

2 Pierre 2:18

Mbwa ha suotɛ tɔ nɛ hio tum wen. Nɛ wal hɛl mɔ multɛ, mbwa ha kio wal mɛ osili hio wi ndɔng ka gboa pɛ mbwa ngimɔ tikiring sɔna pen ha soko ɛ ndɔng ka ing tɛwen na.

2 Pierre 2:21

Hio wi ndɔng ingɔ nzeng wal mɔ Sɔ ngimɔ tikiring, nɛ hapata mbwa kiforo wolo gdong ha nzɔy *mbonga, ka Sɔ haa ha mbwa. Pɛ mbwa, lɛma se pentɛ nde, mbwa aing nzeng wal mɔ Sɔ na.

2 Pierre 2:7

Sɔ kpasasa kanɛ Lot, *nzeng wi, ka kpaa ngɔtɛ nɛ wal deamɔ tum pɛ hio *kalbho-kalbho wi ndɔng.

Jude 1:10

Hio wi ndɔng ha fɛngsa mɔ ka mbwa ing gotoa na. Ma, hio mɔ ndɔng, ka mbwa ingɔ dea yo nɛ wal multɛ tuka hio sari bɛlɛ, yo nê mɔ ndɔng fɛt ka bebhondisi mbwa.

Jude 1:15

hazu gɔn kita ha zu hio wi fɛt. Nɛ wɛnɛ bendulsi hio *wan-kafi Sɔ ndang ndang fɛt hazu mɔ, ka mbwa dea sungiri nɛ wɛnɛ. A bendulsi mbwa, hio *wan-de gdangamɔ ka kafi Sɔ, hazu hio gdanga wen fɛt ka mbwa tɔa sungiri nɛ wɛnɛ.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Jude 1:7

Tazu ɛnɛ agba fin nɛ le Sodome nɛ Gomore, nɛ hio le mɔ pɛtɛa. Hio wi mɔ le ndɔng dea mɔ nak pata pɛ hio telenge ndɔng. Mbwa haa tɛ mbwa ha dea tili wanza fɛt, nɛ fin, mbwa ɔa nu nɛ hio sari. Sising, mbwa ha yɔnga nzata ha we ka besisi kpoo. Nɛ wal mbwa Sɔ gbaa tazu ɔ long.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 13:8

Hio wi mɔ zu nu fɛt belukisi wɛnɛ tuka ma sɔ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Takarata ɛngɛ nê pɛ Besami ka ɛ bagbɛ.