2 Pierre 1:17 - Takarata pɛ Sɔ Mbombe Mbon

¹⁷ Sɔ, Bafa wa, ka dung nɛ konga lɛkɛ-lɛkɛmɔ, lukoso wɛnɛ nɛ haa wɛnɛ lɛkɛ-lɛkɛmɔ ha ngimɔ ka ɔ zea gɛl Sɔ ha tɔa: «Wi kɛ nê Bewei pɔm ka mi ngoya gdang. Mi gdea sila mi ha tɛ wa.»

2 Pierre 1:17 ပူးပေါင်းရင်းမြစ်များ

Matthieu 12:18

«Wi ɛngɛ nê wan-tom pɔm ka mi weka, mi ngoya wɛnɛ gdang nɛ mi de totɛ tɛ wa. Mi begde *Nzɔy-Sɔtɛ pɔm ha zu wa, nɛ wɛnɛ beosi nzeng wal deamɔ ha hio kandɔ ka bo nê *zuife na.

Matthieu 17:3

Nɛ Moïse hinɛ *Elie gbasa tɛ ha li mbwa, nɛ mbwa wolamɔ hinɛ Jésus.

Matthieu 17:5

Ka wɛnɛ boka ha wolamɔ, ma lɛkɛ-lɛkɛ buswe tɛa tɛ gok mbwa nɛ simɔa. Ma gɛl gboa ha soko buswe nɛ tɔa: «Wi kɛ nê Bewei pɔm ka mi ngoya gdang. Mi gdea sila mi ha tɛ wa. Ɛnɛ ze nu wa!»

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Matthieu 3:17

Ma gɛl gboa ha liswe nɛ tɔa: «Wi kɛ nê bewei pɔm ka mi ngoya gdang. Wɛnɛ gdea totɛ ha sila mi.»

Marc 1:11

Gɛl Sɔ gboa ha liswe nɛ tɔa: «Mɛ nê bewei pɔm ka mi ngoya gdang, mɛ gdea totɛ ha sila mi.»

Marc 9:7

Ma buswe hɔa nɛ goka mbwa nɛ zizi wa. Ma gɛl gboa ha soko buswe nɛ tɔa ha mbwa: «Wi kɛ nê bewei pɔm ka mi ngoya gdang, ɛnɛ ze nu wa!»

Dede Wen hazu Jésus-Christ ka Luc ngɛraka 10:22

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi, wɛnɛ being Bafa mi.»

Dede Wen hazu Jésus-Christ ka Luc ngɛraka 3:22

Nɛ *Nzɔy-Sɔtɛ zilo ha zu Jésus tuka gbakuli. Nɛ ma gɛl gboa ha liswe nɛ tɔa: «Mɛ nê bewei pɔm ka mi ngoya gdang. Mɛ gdea totɛ ha sila mi.»

Jean 10:15

gbesi tuka ka Bafa mi ingɔ nɛ mi, nɛ ka mi ingɔ nɛ wɛnɛ fin. Mi befe gɔn nɛ zu hio sami pɔm.

Jean 10:36

Sɔ weka mi nɛ wɛnɛ tomsa mi ha nzan. Mɛgi ɛnɛ dea mɛng mɛ tɔ nde, mi ha fɛngsa Sɔ hazu mi tɔa nde, mi nê Bewei pɛ Sɔ, nde?

Jean 14:11

Ɛnɛ mɛkiri wen ka mi tɔ nde, mi ang ha tɛ Bafa mi, nɛ Bafa mi ang ha tɛ mi. Ma, ka ɛnɛ ngoy mɛkara na, dea nde, ɛnɛ amɛkiri yo hazu tom ndɔng ka mi ha dea.

Jean 14:6

Jésus kiforo wen ha wɛnɛ: «Mi nê liwal, mi nê tɛwen, nɛ mi nê tunɔ. Yo nê sɔna nɛ wal mi ka wi lɛma nɛ ha pɛ Bafa mi.

Jean 17:21

Mi gɔ mɛ nde, mbwa fɛt adung tɛ ndang gbesi tuka ɔ hinɛ mɛ, Bafa mi, ɔ dung tɛ ndang. Nɛ nde, mbwa fɛt adung tɛ ndang hinɛ ɔ, tuka nde, hio wi mɔ nzan amɛkiri nde, yo nê mɛ ka tomsa mi.

Jean 20:17

Jésus tɔa ha wɛnɛ: «Mɛ daksi kɔ ha tɛ mi, hazu mi tɛ dang ka nɛ ha pɛ Bafa mi na. Ma, mɛ nɛ, nɛ tɔ ha hio ya mi nde, mi ha danga nɛ ha pɛ Bafa mi, ka dung fin nê Bafa mbwa. Wɛnɛ nê Sɔ pɔm nɛ Sɔ pɛ mbwa.»

Jean 3:35

Sɔ, Bafa, ngoya Bewei pɛa. Mɛgi, a gdea mɔ fɛt ha kɔ Bewei pɛa.

Jean 5:20

Hazu Bafa mi ngoya mi, Bewei pɛa, nɛ a osa ha mi mɔ ka wɛnɛ ha dea. Nɛ a beosi ha mi hio gasa tom fin pen mɔ ndɔng tuka nde, ɛnɛ ayaksi.

Jean 5:26

Hazu, gbesi tuka Bafa mi nɛ ziomɔ mɛ ha tunɔ ha hio wi, a haa mi fin ziomɔ mɛ ha tunɔ ha hio wi.

Jean 6:27

Ka ɛnɛ agbɛngsi tɛ hazu kpa nɛ yɔngamɔ ka beyek na. Ma, ɛnɛ gbɛngsi tɛ hazu kpa yɔngamɔ ka bebhɔn nɛ ka beha ɛnɛ *tunɔ kpoo. Mi, *Bewei pɛ Wi, beha yo ha ɛnɛ, hazu Sɔ, Bafa mi, gdea ziomɔ pɛa ha kɔ mi.»

Jean 6:37

Hio wi ndang ndang fɛt ka Bafa mi ha mi, betɛ ha pɔm. Nɛ mi lɛm kafi wi ka tɛ ha pɔm ndang na.

Jean 6:39

Mɔ ka sila wan-tomsi mi ngoya, yo nde, mi ayɔsisi ma wi ndang ka wɛnɛ haa ha mi na. Ma, yo lɛma nde, mi atunsi mbwa ha soko hio fiowi ha kpogio ngimɔ.

Rome 15:6

Mɛgi, nɛ ndanga gɛl ndang ɛnɛ fɛt gbesi belukisi Sɔ, Bafa mɛ *Kongawan pɛ ɔ, Jésus-Christ.

2 Korente 1:3

Mi lukisi Sɔ, Bafa mɛ *Kongawan pɛ ɔ, Jésus-Christ. Wɛnɛ nê Bafa ka de kobhe tɛ ɔ, nɛ wɛnɛ nê Sɔ ka yɔkili ɔ ha zang mɔ fɛt.

2 Korente 11:31

Sɔ, Bafa mɛ Kongawan Jésus, ka lukosomɔ nê pɛa kpoo nɛ kpoo, wɛnɛ ingɔ nde, mi tɔ dalo na.

Hebro 1:3

Wɛnɛ ha gbasa *lɛkɛ-lɛkɛmɔ pɛ Sɔ ha hio wi, dungɔ pɛa fɛt tuka pɛ Sɔ, nɛ wɛnɛ tɔn nzan fɛt nɛ wal ngatɛ mɔ wen nu wa. Hapata ka wɛnɛ zosa *sɛmbɔ pɛ hio wi kari, a dungɔnu ha ngɔn ha wekɔ Sɔ, ka dung nɛ ziomɔ pen fɛt.

2 Jean 1:3

Sɔ, Bafa ɔ, hinɛ Jésus-Christ, Bewei pɛa, bede *dede sila ha tɛ ɔ. Mbwa bede kobhe tɛ ɔ, nɛ mbwa beha ɔ gaamɔ. Mbwa bede mɛgi tuka nde, tɛwen nɛ ngoy adung ha tɛ ɔ.

Jude 1:1

Yo nê mi, Jude, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ mi fin nê bebe ya mɛ Jacques. Mi ngɛriki takarata ɛngɛ ha ɛnɛ, hio wi ka Sɔ, Bafa ɔ, weka. A ngoya ɛnɛ pentɛ, nɛ wɛnɛ ha pama ɛnɛ nɛ wal Jésus-Christ.