2 Korente 8:3 - Takarata pɛ Sɔ Mbombe Mbon

³ Mi tɔ ha ɛnɛ nde, mbwa haa mɔ nɛdɔka lɛm nɛ ngatɛ pɛ mbwa, nɛ fin pen zua. Ma wi ndang tɛ nɔsisi mbwa mɛ de mɛgi na.

2 Korente 8:3 ပူးပေါင်းရင်းမြစ်များ

Marc 14:8

Mɔ ka wɛnɛ lɛma se mɛ de, a dea yo. A tɛla liama ha tɛ mi bingiri hazu bhɔngiri nɛ ngimɔ gun mi.

Deamɔ 11:29

Mɛgi hio wan-yambimɔ kpoa zuwen nde, mbwa ndang ndang fɛt betomsi mɔ, ka lɛm nɛ mɔ ha kɔ mbwa, ha hio wi pɛ Christ ha kandɔnu Judée.

Rome 10:2

Hazu mi ingɔ nde, mbwa nɛ tɛ hɛl mɛ de tom Sɔ. Ma, mbwa ing tɛ kpasa wal mɛ de nɛ yo na.

1 Korente 16:2

Ha swe dimasi fɛt lɛma nde, ɛnɛ ndang ndang fɛt aku ma mbɔli ka lɛm nɛ kpaamɔ pɛ ɛnɛ, gde nɛtɛ hazu pam ha twa. Ɛnɛ ade mɛgi tuka nde, ka mi behɔ ha pɛ ɛnɛ, ɛnɛ awesiri fin ma mbɔli ha li mi na.

1 Korente 9:17

Ka bo se nde, mi nɛ pɔm tɛ aweki mɛ de tom ɛngɛ, ki mi lɛma mɛ kpa mɔ-kɛ mi. Ma, yo bo nê mi ha weki mɛ de toma na. Mi de kanɛ tom ka Sɔ gdea ha kɔ mi.

Galasi 4:15

Totɛ pɛ ɛnɛ ka badung ha ngimɔ ɛngi, nɛa ha ndo nde? Mi kɛ wen pɛ ɛnɛ long nde, ka bo se nde, ɛnɛ akpa wal, ki ɛnɛ bakɔti tɛ gbali ɛnɛ ku ha mi!

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

Kolose 4:13

Ey, mi ha kɛa wen tɛ wa nde, wɛnɛ ha dea ngatom pentɛ hazu ɛnɛ nɛ hazu hio wi pɛ Christ mɔ hio le Laodise nɛ Hierapolis.

1 Tesalonike 2:8

Ey, ɔ ngoya ɛnɛ pentɛ. Mɛgi ɔ zɔka nɛ dedea nde, ɔ aha ɛnɛ bo sɔna nɛ Dede Wen na, ma, ɔ aha ɛnɛ tɛ ɔ nɛ pɛ ɔ tɛ hazu ɛnɛ tɛ bo nê hio ndɔngsila ɔ.

Philémon 1:14

Ma, mi ngoy de ma mɔ ndang na, hazu lɛma nde, mɛ amɛkiri yo sɔngsi. Mi ngoy nɔsisi mɛ hazu de dedemɔ na, ma, lɛma nde, mɛ ade yo nɛ wal *dede sila pɛ mɛ.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

1 Pierre 5:2

ɛnɛ apam hio giliwi mɔ eglize nɛdedea gbesi tuka ka zaoro sami day nɛ hio sami. Ɛnɛ pam mbwa nɛ totɛ tuka Sɔ ngoya. Ka ɛnɛ ade tom ɛngɛ tuka wi ka ɛ nɔsisi, na. Ɛnɛ de yo bo hazu kang mbɔli na, ma, ɛnɛ gde sila ɛnɛ fɛt ha toma.