2 Korente 8:1 - Takarata pɛ Sɔ Mbombe Mbon

¹ Hio ya mi, ɔ ngoya nde, ɛnɛ aing mɔ ka Sɔ dea nɛ wal *dede sila pɛa ha giliwi mɔ hio eglize ha Masedoane.

2 Korente 8:1 ပူးပေါင်းရင်းမြစ်များ

Matthieu 25:22

Nɛ wi ka kpaa lafu mbɔli bwa, hɔa fin, nɛ tɔa: ‹Wan pɔm, mɛ baha mi lafu mbɔli bwa. Mɛ zɔk, mi kpaa fin ma bwa gde ha zua.›

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Deamɔ 16:9

Ha ma zɛ ndang, Paul zɔka lisɔ. A zɔka ma wi mɔ kandɔnu Masedoane ha yola. Wi ɛngɛ lokatɛ ha wɛnɛ nɛ tɔa: «Mɛ tɛ ha Masedoane hazu gbakiri ɔ!»

Deamɔ 24:17

«Hapata dɔka bɛlɛ ka mi dea ha hio gɔn-gɛnɛ le, mi kiforo sising pe ha Jérusalem hazu gbakiri hio wi mɔ kandɔ pɔm nɛ mbɔli ka ɛ gdea ha kɔ mi, nɛ hazu ha sadaka ha Sɔ.

Rome 15:26

Hazu, hio wi pɛ Christ mɔ kandɔnu Masedoane nɛ kandɔnu Akai, mbwa kpoa zuwen nde, mbwa bewesiri mbɔli tomsi ha hio fabha wi ha soko hio wi pɛ Christ mɔ Jérusalem.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

2 Korente 11:9

Ka mi dungɔ ha pɛ ɛnɛ, mi tɛ dung nê zio toy ha zu ma wi ndang na, ngase ka mɔ kɔpa mi. Yo nê hio ya ha Christ mɔ Masedoane ka tɛa tɛ gbakiri mi nɛ mɔ ka kɔpa mi. Ha mɔ fɛt, mi pama tɛ mi tuka nde, mi adung nê zio toy ha zu ɛnɛ na. Nɛ mi bepam tɛ mi mɛgi swe fɛt.

2 Korente 9:12

Hazu tom haa mɔ belɛmsiri mɔ bwa: Yo begbakiri hio wi pɛ Sɔ nɛ mɔ ka kɔpi mbwa, nɛ yo bede nde, dɔka wi betɔ oeba ha Sɔ hazua.

2 Korente 9:2

Hazu mi ingɔ kari nde, ɛnɛ nɛ pɛ ɛnɛ tɛ ngoya gbakara mbwa fin. Swe fɛt mi ha lukoso tɛ hazu ɛnɛ ha li hio ya mɔ Masedoane nde, ɛnɛ, hio ya mɔ Akai, angara wesara mɔ ha bɛlɛ ka pena. Nɛ sulo mbwa angara haa mɔ fin, ka mbwa zea wen hɛl dea tom pɛ ɛnɛ.

2 Korente 9:4

Ka hio ya mɔ Masedoane ka benɛ hinɛ mi ha pɛ ɛnɛ bezɔk nde, ɛnɛ tɛ wesiri mɔ na, ki foy bede ɔ ha li mbwa hazu ɔ tɔa nde, ɔ ingɔ ɛnɛ nɛdedea. Nɛ gasa foy ka beba ɛnɛ, mi lɛm tɔ wena na.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

1 Tesalonike 4:10

Ey, ɛnɛ ha ngoya hio ya ha Christ mɔ kandɔnu Masedoane fɛt. Ma, ɔ mbo ɛnɛ, hio ya ɔ, nde, ɛnɛ angoy may pen mɔ sɔngsi.