2 Korente 7:7 - Takarata pɛ Sɔ Mbombe Mbon

⁷ Nɛ yo bo sɔna nê hɔa pɛ Tite ka yɔkala ɔ na, ma, yo fin nê yɔkalamɔ ka ɛnɛ yɔkala nɛ wɛnɛ. A tɔa ha ɔ nde, ɛnɛ ngoya mɛ zɔk mi pentɛ, ɛnɛ ha dea ngɔtɛ hazu mɔ ka hɔa ha soko ɔ hinɛ ɛnɛ, nɛ ɛnɛ nɛ da mɛ le gdong mi. Wen ndɔng fɛt haa totɛ ha mi pen mɔ sɔngsi.

2 Korente 7:7 ပူးပေါင်းရင်းမြစ်များ

Matthieu 26:75

Nɛ tazu Pierre gbaa nɛ wen ka Jésus tɔa se ha wɛnɛ: «Mɛ bekafi mi zetar ing, ki gɔlɛ tɛ dɔm.» Nɛ wɛnɛ gboa nɛ a hea kwa pentɛ.

Matthieu 5:4

Totɛ ha hio wan-ngɔtɛ, hazu Sɔ beyɔkili mbwa!

Dede Wen hazu Jésus-Christ ka Luc ngɛraka 22:44

Jésus tɛ bo nɛ nɔzang pentɛ, mɛgi a angara gɔa Sɔ nɛngaya pen mɔ sɔngsi. Nɛ gbɛngamɔ tɛ wa sɛa ha nu tuka mbɔrɔ tɔk.]

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Rome 1:12

Ɛngɛ tɔ nde, mi ngoy dung hinɛ ɛnɛ tuka nde, ɔ aha ngatɛ ha may. Mi bepka ngatɛ nɛ wal mɛkaramɔ pɛ ɛnɛ, nɛ ɛnɛ bekpa ngatɛ nɛ wal mɛkaramɔ pɔm.

1 Korente 5:2

Nɛ ngase ɛngi, ɛnɛ ha suotɛ. Dea nde, ɛnɛ ade ngɔtɛ, nɛ ɛnɛ ayin wi ka dea mɔ mɛgi, yunɛ ha soko ɛnɛ.

2 Korente 1:14

Sising, ɛnɛ tɛ ze ka yo fɛt nɛdedea na. Ma, ha ngimɔ ka *Kongawan Jésus bekifiri nɛ, ɛnɛ belukisi fin tɛ hazu ɔ, gbesi tuka ɔ ha lukoso tɛ hazu ɛnɛ.

2 Korente 1:4

Wɛnɛ ha yɔkala ɔ ha zang yeksamɔ pɛ ɔ fɛt tuka nde, ɔ adung nɛ ngatɛ hazu yɔkili nɛ hio olo wi ka dung ha zang tili yeksamɔ nɛtɛ-nɛtɛ gbesi tuka ka wɛnɛ yɔkala nɛ ɔ.

2 Korente 2:9

Mi ngɛraka takarata ɛngi ha ɛnɛ hazu ing, mana ɛnɛ nɛ mboazu mɛ ze nu mi ha mɔ fɛt.

2 Korente 5:2

Sising ɔ ha gɔfa hazu ɔ nɛ hɛl mɛ le ha zang mbombe twa mɔ ngɔn.

2 Korente 7:6

Sɔ ka yɔkili hio wan-ngɔtɛ, yɔkala ɔ nɛ wal hɔa pɛ Tite.

2 Korente 7:8

Kpasawen, takarata ka mi batomsi ha ɛnɛ, haa ngɔtɛ ha ɛnɛ. Ma, mi takiri fin hazua na. Sɔngsi mi takara mɔ hazu mi zɔka nde, takarata ɛngɛ haa ngɔtɛ ha ɛnɛ ngimɔ tikiring.

2 Korente 8:16

Ɔ lukisi Sɔ hazu wɛnɛ gdea hɛl ha sila Tite mɛ gbakiri ɛnɛ fin tuka ɔ ha dea.

Filipe 1:20

Mi gdea tazu mi fɛt ha tɛ Sɔ, nɛ mi ngoy nɛkpasa nde, mi ade ma mɔ foy ha li Sɔ ndang na. Sising nɛ swe fɛt, mi bhɔna nɛ da, nɛ mi bede mɔ fɛt nde, nɛ wal tunɔ pɔm mana nɛ wal fio pɔm, hio wi azɔk ha tɛ mi nde, Christ nɛ gasaa.

Kolose 2:5

Ngase ka mi bo ha soko ɛnɛ na, mi ha soko ɛnɛ nɛ wal takaramɔ pɔm. Nɛ mi nɛ totɛ ha zɔka nde, ɛnɛ ha dea mɔ nɛ wala, nɛ ɛnɛ bhɔna ka nɛ nɔa nging ha mɛkara Christ.

1 Tesalonike 3:6

Ma, sising Timothée hɔa ha pɛ ɛnɛ pe nɛ. A tɔa dede kasi tɛ ɛnɛ ha ɔ nde, ɛnɛ bhɔna ka ha mɛkara Christ, nɛ ha ngoya may. A tɔa fin nde, tazu ɛnɛ ha gbaa nɛ ɔ swe fɛt nɛ totɛ, nɛ nde, hɛl zɔka ɔ ha dea ɛnɛ gbesi tuka ka hɛl zɔka ɛnɛ de nɛ ɔ.

1 Tesalonike 3:8

Sising, ɔ dung fin nɛ zutunɔ nɛkpasa hazu ɛnɛ ha dea sɔy hinɛ Kongawan nɛ nɔa nging.

Hebro 2:1

Tuka ɛngi, lɛma nde, ɔ akonzi wen ka ɔ zea nɛkpasa yu nde, ɔ betɛ yɔsisi wal.

Jacques 5:17

Tazu ɛnɛ agba nɛ *wan-tɔkuliwen *Elie. A badung nê wi gbesi tuka ɔ hinɛ ɛnɛ. A gɔa Sɔ nɛting nde, ka kolo aɔl na. Nɛ yo dea kili bɛlɛ tar nɛ kilize mɔrkɔ zanga ndang, ka kolo tɛ tek ha nu na.

2 Jean 1:4

Mi dea totɛ pentɛ ka mi zea nde, hio ma bem pɛ mɛ ha deamɔ lɛm nɛ tɛwen, gbesi tuka Sɔ, Bafa ɔ, haa ɔ *mbonga mɛ de.

Jude 1:3

Hio ndɔngsila mi, mi dungɔ nɛ tɛ gasa hɛl mɛ ngɛriki takarata ha ɛnɛ hazu *mɔkpasi ka Sɔ kpasisi nɛ ɔ hinɛ ɛnɛ fɛt. Ma, mi zɔka nde, yo lɛma nde, mi angɛriki ha ɛnɛ hazu mbo ɛnɛ. Ɛnɛ mɛkara hio wen ka Sɔ gbasa ha hio nzɔy wi pɛa hireng. Mɛgi mi mbo ɛnɛ mɛ bi tumbɔ hazu pam hio wen ndɔng nɛ saa.