2 Korente 7:13 - Takarata pɛ Sɔ Mbombe Mbon

¹³ Mɔ ndɔng fɛt yɔkala ɔ nɛkpasa. Yo bo sɔna nê ɛngi ka yɔkala ɔ na, ma, ɔ dea totɛ pen mɔ sɔngsi, ka ɔ zɔka nde, Tite nɛ totɛ ha kiforo pɛa, hazu ɛnɛ fɛt gasasa sila wa.

2 Korente 7:13 ပူးပေါင်းရင်းမြစ်များ

Rome 12:15

Ka hio wi ha dea totɛ, ɛnɛ ade totɛ hinɛ mbwa. Nɛ ka hio ma wi ha hea kwa, ɛnɛ ahe kwa hinɛ mbwa.

Rome 15:32

Mɛgi, ka Sɔ ngoya, mi behɔ ha pɛ ɛnɛ nɛ gasa totɛ, nɛ dung ha soko ɛnɛ hazu ɔm tɛ mi tikiring.

1 Korente 12:26

Ka gbakɔtɛ ndang nɛ yimɔa, hio olo gbakɔtɛ fɛt nɛ yimɔa hinɛ wɛnɛ gbesi. Nɛ ka gbakɔtɛ ndang kpaa lukosomɔ, hio olo gbakɔtɛ fɛt de totɛ hinɛ wɛnɛ gbesi.

1 Korente 16:13

Ɛnɛ ayang la, nɛ dung nɛ nɔa nging ha mɛkara Christ. Ɛnɛ de mɔ fɛt tuka hio kpasa wei, nɛ ɛnɛ adung nɛ ngatɛ.

1 Korente 16:18

Mbwa gasasa sila mi gbesi tuka mbwa bagasisi sila ɛnɛ. Ɛnɛ aba hio wi tuka mbwa nɛ zioa.

2 Korente 2:13

Tangere, sila mi dungɔ ha gɔna hazu mi tɛ kpa ya ɔ, Tite, haki na. Yo nê ɛngi, ka mi kɛatɛ nɛ hio wi mɛ Troas, nɛ mi pena nɛ ha kandɔnu Masedoane.

2 Korente 2:3

Yo nê ɛngi ka mi ngɛraka ma takarata tomsi ha ɛnɛ. Mi tɛ ngoy mɛ nɛ ha pɛ ɛnɛ na, yu nde, hio wi ka lɛma mɛ ha totɛ ha mi, betɛ ha ngɔtɛ ha mi. Pɛ ɛnɛ, mi ingɔ nɛdedea nde, ka mi nɛ totɛ, ɛnɛ fɛt bedung nɛ totɛ fin.

2 Korente 7:14

Sɔngsi nɛa pɛa ha pɛ ɛnɛ, mi lukoso ɛnɛ ha li wa. Nɛ ɛnɛ tɛ pi foy ha li mi hazua na. Ma, deamɔ pɛ ɛnɛ osa nde, mi tɔa tɛwen ka mi lukoso ɛnɛ ha li Tite, gbesi tuka ka mi tɔ nɛ tɛwen swe fɛt.

2 Korente 7:15

Sising, wɛnɛ gbosasa sila wa ha ɛnɛ nɛkpasa, hazu tazu wa gbaa nde, ɛnɛ zea nu wa ha mɔ fɛt, nɛ ɛnɛ baa wɛnɛ nɛ zioa nɛ tututu sila.

2 Korente 7:6

Sɔ ka yɔkili hio wan-ngɔtɛ, yɔkala ɔ nɛ wal hɔa pɛ Tite.

Filipe 2:28

Hazu ɛngi, mi tomsi wɛnɛ nɛ ha pɛ ɛnɛ mbalang tuka nde, ɛnɛ ade totɛ, ka ɛnɛ bezɔk wɛnɛ nɛ mbinga. Mɛgi, ma nu ngɔtɛ pɔm bekari fin.

2 Timothée 1:16

Ka bo nê pɛ Onezifore, Sɔ ade kobhe tɛ nam pɛa, hazu wɛnɛ dungɔ ha yɔkala mi hapata may. Nɛ wɛnɛ tɛ de foy hazu mi ha twa zɔbhɔ na.

Philémon 1:20

Ey, ya mi, mɛ de dedemɔ ɛngɛ ha mi hazu mɛ ngoya Kongawan. Mɛ ha totɛ ha sila mi, hazu ɔ hinɛ mɛ fɛt, ɔ nê hio wi pɛ Christ.

Philémon 1:7

Ya mi, mi zea nde, mɛ haa totɛ ha sila hio wi pɛ Sɔ nɛ wal ngoy pɛ mɛ. Ɛngi haa mi gasa totɛ nɛ yo yɔkala mi fin.

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.