2 Korente 7:11 - Takarata pɛ Sɔ Mbombe Mbon

¹¹ Sɔ dea gasa tom ha soko ɛnɛ nɛ wal ngɔtɛ ɛngɛ. Ɛnɛ azɔk dɔka mɔ, ka hɔa nɛ wal yo: Ɛnɛ ha gbɛngsa tɛ mɛ osi nde, ma wen bo ha zu ɛnɛ na, ɛnɛ ha dea yimsila sungiri nɛ gdangamɔ, ɛnɛ nɛ ke hazu de gdangamɔ, ɛnɛ nɛ hɛl mɛ zɔk mi fin, ɛnɛ nɛ da mɛ de tom ha Sɔ, nɛ ɛnɛ ha ndulso *wan-de gdangamɔ. Nɛ wal mɔ ndɔng fɛt, ɛnɛ nɛ tɛ ɛnɛ osa nde, wen pɛ wan-de gdangamɔ ɛngɛ bo fin ha zu ɛnɛ na.

2 Korente 7:11 ပူးပေါင်းရင်းမြစ်များ

Marc 3:5

Jésus zɔka mbwa hɛrr zikiri, nɛ ngambi baa wɛnɛ. Nɛ ngɔtɛ dea wɛnɛ hazu nga sila pɛ mbwa. A tɔa ha wi ɛngɛ: «Yafifi kɔ mɛ!» A yafafa kɔ wa, nɛ yo tɛ bo nɛ dedea.

Jean 2:17

Tazu hio *wan-yambimɔ gbaa nɛ wen ha zang takarata pɛ Sɔ nde: Dea gula twa pɛ mɛ begbɛ mi bin.

Deamɔ 17:16

Ka Paul boka ha kera Silas nɛ Timothée ha Athènes, sila wa bhunzoko hazu a zɔka nde, hio wi mɔ le ɛngɛ ha lukoso hio gbele sɔ nɛdɔka.

Rome 11:20

Ey, yo nê kpasawen. Sɔ gɔna mbwa yunɛ hazu mbwa tɛ mɛkiri wɛnɛ na. Ka bo nê pɛ mɛ, Sɔ ndara mɛ ha lia hazu mɛ mɛkara wɛnɛ. Mɛgi, ka mɛ sutɛ mɛ hazu ɛngi na. Ma, mɛ yu nɛ ke Sɔ.

Rome 14:18

Wi ka de tom ha Christ tuka ɛngi, Sɔ bede totɛ tɛ wa, nɛ hio wi betɔ dede lingtɛ wa.

Rome 3:5

Hio ma wi ha tɔa nde, ka deamɔ pɛ mbwa bo nzeng na, yo nê ma dedemɔ, hazu ɛngi osi long nde, deamɔ pɛ Sɔ nɛ nzeng. Mɛgi, mbwa bhɔna ha tɔa nde, ka Sɔ bendulsi mbwa ha li kita pɛa, wɛnɛ bo fin nɛ nzeng na.

1 Korente 12:25

A dea fin mɛgi tuka nde, ka kilitɛ akɛtini soko na, nɛ nde, hio gbakɔtɛ ndang ndang fɛt agbakiri may.

1 Korente 5:2

Nɛ ngase ɛngi, ɛnɛ ha suotɛ. Dea nde, ɛnɛ ade ngɔtɛ, nɛ ɛnɛ ayin wi ka dea mɔ mɛgi, yunɛ ha soko ɛnɛ.

2 Korente 13:7

Ɔ ha gɔa Sɔ nde, ɛnɛ ade ma gdangamɔ ndang na. Ɔ gɔa Sɔ mɛgi bo hazu osi nde, ɔ nê hio kpasa wi pɛ Christ, na. Ɔ ngoya sɔna nde, ɛnɛ ade dedemɔ. Ka hio ma wi takiri ha wena nde, ɔ bo nê hio kpasa wi pɛ Christ na, yo de mɔ na.

2 Korente 2:6

Sulo ɛnɛ ndulso wɛnɛ, nɛ ndulsomɔ ɛngɛ lɛma kari.

2 Korente 6:4

Ma, ha deamɔ pɛ ɔ fɛt, ɔ ha osa nde, ɔ nê hio wan-tom pɛ Sɔ: Ɔ ha yɔnga yini ha zang hio yeksamɔ, ha zang ngamɔ, nɛ ha zang ngɔtɛ.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

2 Korente 7:7

Nɛ yo bo sɔna nê hɔa pɛ Tite ka yɔkala ɔ na, ma, yo fin nê yɔkalamɔ ka ɛnɛ yɔkala nɛ wɛnɛ. A tɔa ha ɔ nde, ɛnɛ ngoya mɛ zɔk mi pentɛ, ɛnɛ ha dea ngɔtɛ hazu mɔ ka hɔa ha soko ɔ hinɛ ɛnɛ, nɛ ɛnɛ nɛ da mɛ le gdong mi. Wen ndɔng fɛt haa totɛ ha mi pen mɔ sɔngsi.

2 Korente 7:9

Sising mi nɛ totɛ, bo hazu mi haa ngɔtɛ ha ɛnɛ na, ma, hazu ngɔtɛ ɛngɛ dea nde, ɛnɛ akifiri sila ɛnɛ. Yo nê Sɔ ka mɛkara nde, ɛnɛ akpa ngɔtɛ ɛngɛ. Mɛgi, mi tɛ de gdangamɔ ha tɛ ɛnɛ ndang na.

2 Korente 9:2

Hazu mi ingɔ kari nde, ɛnɛ nɛ pɛ ɛnɛ tɛ ngoya gbakara mbwa fin. Swe fɛt mi ha lukoso tɛ hazu ɛnɛ ha li hio ya mɔ Masedoane nde, ɛnɛ, hio ya mɔ Akai, angara wesara mɔ ha bɛlɛ ka pena. Nɛ sulo mbwa angara haa mɔ fin, ka mbwa zea wen hɛl dea tom pɛ ɛnɛ.

Efeze 4:26

Ka ngambi dea ɛnɛ, ka ɛnɛ apengi nɛ yo de nɛ gdangamɔ na. Ka ɛnɛ ade ngambi tee kpa mbolo na.

Efeze 5:11

Ka ɛnɛ ade pɛ ɛnɛ hio tum mɔ pɛ hio wi ka dung ha zang tutum, na. Ma, ɛnɛ agbasi long nde, mɔ ndɔng nê gdanga deamɔ.

Filipe 2:12

Hio ndɔngsila mi, ha ngimɔ ka mi dungɔ ha soko ɛnɛ haki, ɛnɛ dungɔ ha zea nu mi swe fɛt. Nɛ sising ka mi tɛ bo nɛ yɛa nɛ ɛnɛ, lɛma fin pentɛ pet nde, ɛnɛ aze nu mi. Ɛnɛ de mɔ fɛt ka lɛma nde, Sɔ abhɔn ha kpasasa ɛnɛ. Ɛnɛ de yo nɛ yuo ke wa nɛ tututu sila.

1 Tesalonike 4:6

Ka ma ya ha Christ ade gdangamɔ ha tɛ ya wa na, nɛ ka wɛnɛ aosili wɛnɛ na. Kpasawen, ɔ tɔa ha ɛnɛ, nɛ ɔ gbaa tazu ɛnɛ kari nde, Kongawan bekundiki deamɔ ndɔng fɛt.

1 Timothée 5:20

Mɛ sɛn wen ha hio *wan-de gdangamɔ ha li wi fɛt, tuka nde, ke ade hio mbinga.

2 Timothée 2:15

Mɛ gbɛngsi tɛ mɛ nde, Sɔ aba mɛ nɛ zioa tuka wan-tom ka bo nɛ foy tom pɛa na, nɛ ka bul tɛwen nzeng.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Hebro 4:1

Sɔ bagɔn nu ha ɔ nde, a beha ɔ wal mɛ le ha bhandi ɔmtɛ ka wɛnɛ bhɔngara gde ha ɔ. Nɛ gɔnanu ɛngɛ bhɔna ka. Mɛgi, ɔ pangay yu nde, ma wi ha soko ɛnɛ betɛ kɔpi lea ha bhandi ɔmtɛ ɛngɛ.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

1 Pierre 1:17

Ha zang gɔamɔ ɛnɛ ha saa Sɔ nde, Bafa ɛnɛ. Sɔ begɔn kita lɛm nɛ tom pɛ wi ndang ndang, a lɛm gba soko wi na. Hazu ɛngi, ɛnɛ ayu ke wa ha deamɔ pɛ ɛnɛ fɛt ha ngimɔ sising ka ɛnɛ bhɔna nɛ gɔn-gɛnɛ wi hakɛ ha nzan.

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

Jude 1:23

Ɛnɛ akpasisi hio ma gbo ha we mɔ kita pɛ Sɔ. Hio ma wi ang fin ka ɛnɛ lɛma mɛ de kobhe tɛ mbwa. Ma, ɛnɛ pangay, yu nde mbwa betɛ dak ɛnɛ pi ha dea gdangamɔ.

Gbasamɔ 3:19

Hio wi fɛt ka mi ngoy, mi dak zala mbwa nɛ ndulsi mbwa. Mɛgi, ɛnɛ gbɛngsi tɛ ɛnɛ, nɛ ɛnɛ kifiri sila ɛnɛ.