2 Korente 5:9 - Takarata pɛ Sɔ Mbombe Mbon

⁹ Ma, ngase ka ɔ bhɔna ka nɛ tɛ ɛngɛ, ngase ka ɔ laka yo gde, ɔ ngoya sɔna nde, ɔ ade nɛ mɔ ka ha totɛ ha wɛnɛ.

2 Korente 5:9 ပူးပေါင်းရင်းမြစ်များ

Jean 6:27

Ka ɛnɛ agbɛngsi tɛ hazu kpa nɛ yɔngamɔ ka beyek na. Ma, ɛnɛ gbɛngsi tɛ hazu kpa yɔngamɔ ka bebhɔn nɛ ka beha ɛnɛ *tunɔ kpoo. Mi, *Bewei pɛ Wi, beha yo ha ɛnɛ, hazu Sɔ, Bafa mi, gdea ziomɔ pɛa ha kɔ mi.»

Deamɔ 10:35

Mɛgi, ha soko kandɔ ndang ndang fɛt, Sɔ ngoy nɛ wi, ka yu ke wa, nɛ ka de mɔ ka dung nzeng ha li wa.

Rome 14:18

Wi ka de tom ha Christ tuka ɛngi, Sɔ bede totɛ tɛ wa, nɛ hio wi betɔ dede lingtɛ wa.

Rome 14:8

Ka ɔ dung nɛ zutunɔ, ɔ dung nɛ zutunɔ hazu lukisi Kongawan. Nɛ ka ɔ fe, ɔ fe ka fin hazu lukisi Kongawan. Mɛgi, ngase ka ɔ dung nɛ zutunɔ, mana ka ɔ fe, ɔ ka fin nê hio wi pɛ Kongawan.

Rome 15:20

Ma, mi dungɔ nɛ hɛl mɛ bul Dede Wen sɔna ha hio bhandi ka hio wi tɛ ze ka wen tɛ Christ ang na. Yu nde, mi betɛ bɛ twa ha zu gɔni nanga twa ka ma wi dea sɔngsi.

1 Korente 15:58

Mɛgi, hio ya mi ka mi ngoya gdang, ɛnɛ adung nɛ nɔa nging nɛ gbɛngsi tɛ ɛnɛ swe fɛt ha tom pɛ Kongawan. Hazu ɛnɛ ingɔ nde, ngatom pɛ ɛnɛ hazu Kongawan bo nɛ gbelea na.

2 Korente 5:6

Ɔ ingɔ nde, ha bhɔna nɛ tɛ ɛngɛ, ɔ bhɔna ka nɛ yɛa nɛ *Kongawan. Ma, ngase ɛngi, sila ɔ dona nɛ da ngimɔ fɛt.

2 Korente 5:8

Sila ɔ dona nɛ da, nɛ ɔ nɛ hɛl mɛ lak tɛ ɛngɛ gde, hazu nɛ nɛ dung hapɛtɛ Kongawan.

Efeze 1:6

Dea nde, ɔ alukisi Sɔ hazu lɛkɛ-lɛkɛ dede sila ka wɛnɛ dea ha tɛ ɔ nɛ wal Bewei pɛa ka wɛnɛ ngoya pentɛ.

Kolose 1:10

Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.

Kolose 1:29

Yo nê ɛngi, mi ha gbɛngsa tɛ mi, nɛ mi ha bio bulo nɛ wal gasa ngatɛ ka Christ ngasisi nɛ mi.

1 Tesalonike 4:1

Hio ya ɔ, ma wen mɛ tɔ fin ang. Ɛnɛ bayambi ha kɔ ɔ wal deamɔ ka ha totɛ ha Sɔ. Nɛ ɛnɛ ndara yo nɛkpasa. Ma, sising, ɔ ani ha ɛnɛ nɛ ɔ mbo ɛnɛ nɛ ling *Kongawan Jésus nde, ɛnɛ andari wal deamɔ ɛngɛ pen mɔ sɔngsi.

1 Tesalonike 4:11

Nɛ ɛnɛ agbɛngsi tɛ ɛnɛ mɛ de hio mɔ mɛgɛ: Dea le ha zang gaamɔ, gdea li ɛnɛ ha tom pɛ ɛnɛ, nɛ dea tom nɛ kɔ ɛnɛ tuka ɔ haa nu ha ɛnɛ kari.

1 Timothée 4:10

Ey, ɔ ha gbɛngsa tɛ nɛ ɔ ha bio bulo, hazu ɔ gdea tazu ɔ ha tɛ tunɔ Sɔ, ka dung nê *wan-kpasisi hio wi fɛt, pen mɔ fɛt, wan-kpasisi hio wi ndɔng ka mɛkara wɛnɛ.

Hebro 12:28

Nɛ Sɔ haa ɔ wal mɛ le ha kongakandɔ ɛngɛ ka ɛ lɛm mɛ fesi na. Mɛgi, ɔ aha oeba ha wɛnɛ nɛ wal dea dede tom ha wɛnɛ nɛ mɛndi nɛ ke.

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.

2 Pierre 3:14

Hazu ɛngi hio ndɔngsila mi, ha kera swe ɛngɛ, ɛnɛ agbɛngsi tɛ ɛnɛ nde, deamɔ pɛ ɛnɛ adung nɛ saa, ma wen adung ha zu ɛnɛ ha li Sɔ na, nɛ gaamɔ adung ha soko ɛnɛ hinɛ wɛnɛ.