2 Korente 5:12 - Takarata pɛ Sɔ Mbombe Mbon

¹² Ɔ tɔ fin dede lingtɛ ɔ ha ɛnɛ nɛ pɛ ɔ tɛ na. Ma, ɔ ngoya sɔna mɛ ha ɛnɛ wal mɛ sutɛ hazu ɔ. Mɛgi, ɛnɛ lɛma gdɔki nu wi ndɔng ka sutɛ hazu mɔ pɛ mbwa ka gbo long, ha bhandi mɔ ka dung ha zang sila mbwa.

2 Korente 5:12 ပူးပေါင်းရင်းမြစ်များ

2 Korente 1:14

Sising, ɛnɛ tɛ ze ka yo fɛt nɛdedea na. Ma, ha ngimɔ ka *Kongawan Jésus bekifiri nɛ, ɛnɛ belukisi fin tɛ hazu ɔ, gbesi tuka ɔ ha lukoso tɛ hazu ɛnɛ.

2 Korente 10:12

Hio ma wi ha tɔa dede lingtɛ mbwa nɛ pɛ mbwa tɛ. Ɔ bo nɛ da mɛ weki tɛ ɔ hinɛ mbwa na. Ɔ lɛm zɔk tɛ ɔ tuka mbwa zɔk nɛ tɛ mbwa na. Mbwa nê hio yerawi. Mbwa ku ndɔki deamɔ pɛ mbwa gde tuka mɔwekimɔ nde, hio wi aweki tɛ mbwa nɛ yo. Mbwa weki tɛ mbwa nɛ pɛ mbwa tɛ.

2 Korente 10:18

Kpasa dede wan-tom, yo bo nê wi ɛngɛ ka tɔ dede lingtɛ wa nɛ pɛa tɛ na, ma, yo nê wi ɛngɛ ka Kongawan tɔ dede lingtɛ wa.

2 Korente 10:7

Pɛ ɛnɛ, ɛnɛ ingɔ kanɛ gbaa soko mɔ ka dung ha li wi long. Ka ma wi ha soko ɛnɛ zɔk tɛ wa tuka wi pɛ Christ nɛkpasa, lɛma nde, tazu wa agba nde, ɔ nê hio wi pɛ Christ fin tuka wɛnɛ.

2 Korente 10:8

Christ gdea ɔ ha zu ɛnɛ bo hazu gdangsi mɛkaramɔ pɛ ɛnɛ na, ma, hazu ngasisi yo. Hio ma wi lɛma takiri mɔ nde, mi ha suotɛ hazua gdang, ma, mi bo nɛ foy hazua na.

2 Korente 12:11

Ɛnɛ ha nɔsasa mi mɛ wolmɔ tuka wan-bili, hazu ɛnɛ ka lɛma mɛ tɔ dede lingtɛ mi, ɛnɛ tɛ de yo na. Ngase ka mi bo nê ma wi na, hio gasa *wan-nɛtom pɛ ɛnɛ tɛ pen mi ha ma mɔ ndang na.

2 Korente 3:1

Ɛnɛ takiri pɛ ɛnɛ nde, ɔ angara fin nɛ mbinga mɛ tɔ dede lingtɛ ɔ nɛ pɛ ɔ tɛ, nde? Mana, lɛma nde, ɔ aosi ha ɛnɛ hio takarata ka tɔ dede lingtɛ ɔ, nde? Mana, lɛma nde, ɛnɛ angɛriki takarata mɛgi hazu ɔ, nde? Hio ma wi de mɛgi, ma, pɛ ɔ, ɔ de mɛgi na.

2 Korente 6:4

Ma, ha deamɔ pɛ ɔ fɛt, ɔ ha osa nde, ɔ nê hio wan-tom pɛ Sɔ: Ɔ ha yɔnga yini ha zang hio yeksamɔ, ha zang ngamɔ, nɛ ha zang ngɔtɛ.

Filipe 1:26

Ka mi bekifiri fin tɛ dung ha soko ɛnɛ, ɛnɛ besutɛ pen mɔ sɔngsi hazu mɔ ka Jésus-Christ dea ha tɛ mi.