2 Korente 5:11 - Takarata pɛ Sɔ Mbombe Mbon

¹¹ Ɔ ingɔ wal mɛ yu ke *Kongawan. Yo nê ɛngi ka ɔ ki wal mɛ de mɔ fɛt tuka nde, hio wi amɛkiri wɛnɛ. Sɔ ingɔ ɔ nɛdedea, nɛ ɔ gdea tazu ɔ ha tɛ ɛnɛ nde, ha zang sila ɛnɛ, ɛnɛ ingɔ ɔ nɛdedea fin.

2 Korente 5:11 ပူးပေါင်းရင်းမြစ်များ

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Matthieu 25:46

Nɛ wi ndɔng benɛ ha bhandi ndulsi mɔ kpoo. Ma, hio nzeng wi benɛ ha bhandi *tunɔ kpoo.»

Dede Wen hazu Jésus-Christ ka Luc ngɛraka 12:5

Mi beosi ha ɛnɛ wi, ka ɛnɛ lɛma yu ke wa: Yo nê Sɔ. Hazu hapata fio wɛnɛ lɛma pi ɛnɛ ha bhandi we ka bisi na. Ey, mi tɔ ha ɛnɛ nde, ɛnɛ yu ke wa!

Dede Wen hazu Jésus-Christ ka Luc ngɛraka 16:31

Nɛ Abraham tɔa ha wɛnɛ fin: ‹Ka mbwa ze wen takarata pɛ Moïse nɛ pɛ hio wan-tɔkuliwen na, mbwa lɛm ze ndang na, ngase wen pɛ ma wi ka guotɛ ha soko hio fiowi.›»

Deamɔ 13:43

Hapata kɛtana soko, hio dɔka *zuife nɛ dɔka wi ndɔng ka tɛ bo ha dea tom Sɔ pɛ zuife, ndara pata mbwa. Mɛgi, Paul hinɛ Barnabas wolamɔ hinɛ mbwa nɛ mboa mbwa nde, mbwa abhɔn ha gdea tazu mbwa ha *dede sila pɛ Sɔ.

Deamɔ 18:13

Mbwa tɔa ha Galion: «Wi kɛ ha kio wal mɛ gan zu hio wi nde, mbwa alukisi Sɔ nɛ ma wal nɛtɛ, ka lɛm nɛ *mbonga pɛ ɔ na.»

Deamɔ 18:4

Ha *swe ɔmtɛ ndang ndang fɛt, Paul dungɔ ha bulo wen ha *twa gɔ Sɔ. A kio wal mɛ gan zu hio zuife nɛ hio olo wi fin nde, mbwa amɛkiri Jésus.

Deamɔ 19:26

Ma, ɛnɛ ha zea nɛ zɔka Paul ha tɔa nde, sɔ ka ɛ dea nɛ kɔ, yo bo nê kpasa sɔ na. A gana zu wi nɛdɔka nde, mbwa amɛkiri wen pɛa. A dea mɛgi bo sɔna ha Efeze na, ma, mɛ lɛm nɛ kandɔnu Azi fɛt.

Deamɔ 26:26

*Kongapora Agripa ingɔ mɔ ndɔng kari. Yo nê ɛngi, ka mi wolmɔ ha wɛnɛ nɛ da. Mi ingɔ nɛdedea nde, ma mɔ ndɔng ndang wusi tɛ ha li wa na, hazu mɔ ndɔng tɛ pen ha tutum na.

Deamɔ 28:23

Nɛ ka yala ka mbwa baweki ha Paul lɛma kari, mbwa tɛa ha twa pɛa nɛdɔka pen mɔ sɔngsi. A bulo wen *Kongakandɔ pɛ Sɔ ha mbwa, nɛ a kio wal mɛ gan zu mbwa nde, mbwa amɛkiri Jésus. A osa mɔ nɛ sutole kanɛ zɛ nɛ wal tɔla hio ma ngɛrakamɔ ha zang *mbonga pɛ Moïse nɛ ha zang takarata pɛ hio *wan-tɔkuliwen.

2 Korente 2:17

Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

2 Korente 5:20

Hazu ɛngi, ɔ tɔ wen ha olo nu Christ. Sɔ nɛ pɛa tɛ mbo ɛnɛ nɛ wal wen nu ɔ. Mɛgi, nɛ ling Christ, ɔ ba nanga ɛnɛ nde, ɛnɛ agde Sɔ abhɔngiri mɔ ha soko wa hinɛ ɛnɛ.

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

Galasi 1:10

Mana mi ha tɔa wen mɛgi hazu kpa longo pɛ hio wi nde? Way! Mi ngoy nɛ longo pɛ Sɔ sɔna. Mana mi ha kio wal mɛ ha totɛ ha hio wi nde? Way! Ka bo se nde, mi ha kio fin wal mɛ ha totɛ ha hio wi, ki mi bo nê wan-tom pɛ Christ na.

Efeze 5:21

Hazu ɛnɛ ha yuo ke Christ, dea nde, ɛnɛ ahil nɛ mɛndi ha si may.

Hebro 10:31

Yo nê gasa mɔ ke mɛ tek ha kɔ tunɔ Sɔ.

Hebro 12:29

Hazu Sɔ pɛ ɔ dung tuka we ka besisi mɔ fɛt.

Jude 1:23

Ɛnɛ akpasisi hio ma gbo ha we mɔ kita pɛ Sɔ. Hio ma wi ang fin ka ɛnɛ lɛma mɛ de kobhe tɛ mbwa. Ma, ɛnɛ pangay, yu nde mbwa betɛ dak ɛnɛ pi ha dea gdangamɔ.

Gbasamɔ 20:15

Nɛ hio wi fɛt ka ɛ tɛ ngɛriki ling mbwa ha Takarata Tunɔ na, ɛ pio mbwa ha zang tɔ we.