2 Korente 4:10 - Takarata pɛ Sɔ Mbombe Mbon

¹⁰ Swe fɛt, tɛ ɔ ha kpaa ndangtɛ yimtɛ fio tuka Jésus bakpa, tuka nde, tunɔ pɛ Jésus agbasi fin tɛ ha tɛ ɔ.

2 Korente 4:10 ပူးပေါင်းရင်းမြစ်များ

Jean 14:19

Ha zang bengimɔ tikiring, hio wi mɔ nzan lɛm zɔk mi fin na. Ma, ɛnɛ bezɔk mi hazu mi bedung nɛ zutunɔ, nɛ ɛnɛ fin bedung nɛ zutunɔ.

Rome 6:5

Ɔ tɛ bo ha dea sɔy hinɛ wɛnɛ ha zang fio pɛa. Mɛgi, Sɔ begu ɔ bin ha soko hio fiowi gbesi tuka ka wɛnɛ guo nɛ Christ.

Rome 6:8

Tuka ɔ fea hinɛ Christ gbesi, ɔ gde tazu ɔ nɛkpasa nde, ɔ bedung fin nɛ zutunɔ hinɛ wɛnɛ gbesi.

Rome 8:36

Yo gbesi tuka ɛ ngɛraka ha takarata pɛ Sɔ: «Ngimɔ fɛt, hio wi ha ngoya mɛ gbɛ ɔ hazu mɛ. Ɔ dung ha li mbwa tuka hio sami ka ɛ ba nɛnɛ ha gɔna gɛl mbwa.»

2 Korente 1:5

Christ kpaa yeksamɔ pentɛ, nɛ ɔ ha kpaa ndangtɛ yeksamɔ ɛngɛ nɛdɔka. Mɛgi, Sɔ ha yɔkala ɔ fin nɛdɔka nɛ wal Christ.

2 Korente 1:9

Ey, kpasawen, ɔ dungɔ ha takara ha sila ɔ nde, ɔ kpaa kita fio kari. Ma, mɔ hɔa mɛgi tuka nde, ɔ agde tazu ɔ ha ngatɛ pɛ ɔ na, ma, ha tɛ Sɔ ka gu hio wi ha fio yunɛ.

2 Korente 13:4

Kpasawen, ha ngimɔ ka wɛnɛ fea ha getakate, a badung nê mɔka wi. Ma, sising, wɛnɛ nɛ zutunɔ nɛ wal ngatɛ pɛ Sɔ. Ɔ fin ka de sɔy hinɛ Christ, ɔ nê mɔka wi. Ma, ɔ bedung nɛ zutunɔ hinɛ wɛnɛ nɛ wal ngatɛ pɛ Sɔ hazu de tom ha soko ɛnɛ.

2 Korente 4:11

Ha ngimɔ tunɔ pɛ ɔ fɛt, ɔ dung ha li fio hazu Jésus, tuka nde, tunɔ pɛa agbasi fin tɛ ha tɛ ɔ ka befe.

Galasi 6:17

Kpasawen, hio sali dalɛ ka dung ha tɛ mi osi long nde, mi nê pɛ Jésus. Mɛgi, angiri sising, ka ma wi ayeksi fin mi na.

Kolose 1:24

Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

2 Timothée 2:11

Hio wi fɛt amɛkiri wen mɛgɛ: Ka ɔ fea hinɛ Christ gbesi, ɔ bedung fin nɛ zutunɔ hinɛ wɛnɛ gbesi.

1 Pierre 4:13

Ma, ɛnɛ ade totɛ, hazu ɛnɛ kpa sɔna nɛ ndangtɛ yeksamɔ ka Christ bakpa. Mɛgi, ɛnɛ bede fin totɛ pen mɔ sɔngsi ha yala ka Christ begbasi tɛ wa nɛ *lɛkɛ-lɛkɛmɔ pɛa.

1 Pierre 4:14

Ka hio wi ya ɛnɛ hazu ɛnɛ nê wi pɛ Christ, dea nde, ɛnɛ ade totɛ, hazu ha ngimɔ ɛngɛ *Nzɔy-Sɔtɛ pɛ Sɔ ka dung nɛ ngaya pen mɔ fɛt, bedung hinɛ ɛnɛ.

Gbasamɔ 1:17

Ka mi zɔka wɛnɛ, ke baa mi nɛ mi teka ha nanga wa tuka fiowi. Wɛnɛ gdea wekɔ wa ha zu mi nɛ a tɔa: «Mɛ yu ke na! Mi nê bosi wi nɛ kpogio wi.